Nida.az
Başqanlığa namizəd: “Müsavatın diktaturaya keçməsinə yol verməyəcəyik”
“Başqanlığa namizədlərdən kimin güclü olduğunu indidən demək tezdir. Hər şeyi qurultay göstərəcək”.
Publika.az-a
açıqlamasında bu sözləri Müsavat başqanının müşaviri, partiya
başqanlığına iddialı Səxavət Əlisoy namizədlər arasında rəqabətə
münasibət bildirərkən deyib.
Onun sözlərinə görə, Müsavatda ləyaqətçilik təməl prinsipdir:
“Mübarizə də ləyaqətlə aparılmalıdır. Kim ləyaqətsiz mübarizə
aparsa, bu, gec-tez bəlli olacaq. Amma inanmıram ki, hansısa
müsavatçı ləyaqətsizliyə yol versin. Qurultayın vaxtı bəllidir. Mən
öz namizədliyimi vermək fikrimdə qalıram. Digər namizədlər də var.
Kimin güclü olduğunu qurultay göstərəcək”.
S. Əlisoy İsa Qəmbərin başqan qalması üçün partiya
nizamnaməsində dəyişikliyinə getmək ehtimalını da dəyərləndirib.
“Müsavat demokratiyadan diktaturaya keçməyəcək. İsa Qəmbərin özü
dəfələrlə bəyan edib ki, başqanlıqdan gedəcək. Çünki nizamnamə buna
yol vermir. Nizamnamənin müəllifi sonuncu qurultayda İsa bəyin özü
olub. Ancaq qurultayda kimlərsə qalxıb İsa bəyin getməsinin
əleyhinə çıxsa, bunu normal qarşılayarıq. Qalıb-qalmamaq təklifini
çoxları verə bilər, arqumentlər gətirə bilərlər. Lakin son söz İsa
Qəmbərindir. İsa bəy də son sözünü deyib. Müsavat demokratiyanın
inkişafı üçün lazımlı addımlar atan partiyadır və hesab edirəm ki,
partiya demokratiyadan diktaturaya keçməyəcək. Buna imkan vermərik.
Partiya üzvləri də bu tezisi əsas götürərək nizamnamə dəyişikliyini
dəstəkləməyəcəklər”, - deyə başqanlığa iddialı deyib.
Partiya daxilində qalmaqalın yarandığına dair yayılan xəbərlərə
toxunan S.Əlisoy bunu uydurma adlandırıb. Bildirib ki, Arif Hacılı
və Qubad İbadoğlu Azərbaycan siyasətində kifayət qədər tanınmış
simalardır: “Onların belə bir şey etməsi qeyri-mümkündür. Bu cür
xəbərlər yalnız kimlər tərəfindənsə məqsədli şəkildə uydurulur.
Müsavat qeyri-ciddi insanların toplandığı partiya deyil. Hesab
edirəm ki, bu xəbərlər partiyanı gözdən salmağa hesablanıb”.
Asif
-
Sosial22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin222:00
Sevgilisi məşhur aktrisanı döydü: "Aylarla..."
-
Sosial21:36
Daxili İşlər Nazirliyi əhaliyə ÇAĞIRIŞ ETDİ
-
İnanc21:24
Ramazanın 19-cu gününün duası - İmsak və iftar vaxtı
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI