• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Namizədlərə “hakimiyyətin adamı” və “satqın” demək qadağan olundu

  • Nida.az
  • 28 Avqust 2014 11:41
  • 402 Baxış
Namizədlərə “hakimiyyətin adamı” və “satqın” demək qadağan olundu

Müsavat başqanlığa namizədlərin irəli sürülməsi prosesi və seçki kampaniyasına start verilib.

Publika.az-a partiyadan verilən məlumata görə, kampaniya bu gün saat 10:00-da başlanıb.

Seçki kampaniyası zamanı davranış qaydaları da açıqlanıb. Qaydalara əsasən, təşviqat zamanı Müsavat Partiyasının Nizamnaməsinə zidd olaraq dini, milli, irqi və etnik ayrı-seçkiliyə rəvac vermək, Müsavat Partiyasının Proqramında əks olunan təməl prinsiplərə zidd ifadələr işlətmək, alternativlərinin ünvanına onun şəxsiyyətini aşağılayan, faktlara söykənməyən, “satqın”, “hakimiyyətin adamı”, “Müsavatın düşməni”, “casus, agent”, etnik və ya region mənsubiyyətini fərqləndirmə və s. kimi ifadələr işlətmək, qurultay nümayəndələrinə maddi yardım təklif etmək və ya göstərmək, görüş zamanı və ya görüşdən sonra namizədin hesabına haqqı ödənilən ziyafət vermək, namizədin kampaniyasında Müsavat Partiyasının maliyyə resurslarından istifadə etmək, qurultay nümayəndələrinin nəqliyyat xərclərinin namizədlər tərəfindən ödəmək (zəruri hallarda qurultay nümayəndələrinin nəqliyyat xərclərini ödəmək QHTK-da həll oluna bilər), qurultay günü qurultay nümayəndələrinə təbliğat xarakterli siyahılar paylamaq, namizədlərə Müsavat Partiyası qərargahının otaqlarından, zalından, texniki vasitələrindən və digər resurslarından istifadəyə qadağa qoymaq, namizədin təşkil etdiyi görüşlərə mane olmaq və görüşləri pozmaq yolverilməz hesab olunur.

Say komissiyasının sədri, müavini və üzvləri təbliğat işində iştirak edə bilməz. Başqanlığa namizədlərin partiya başqanının adından sui-istifadə etməsinə də yol verilmir.

Asif

Xəbər lenti

DAHA ÇOX XƏBƏR