• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Rusiya nəşri: “Bakıda strateji əməkdaşlığın yeni mərhələsi elan ediləcək”

  • Nida.az
  • 3 Sentyabr 2014 11:18
  • 899 Baxış
Rusiya nəşri: “Bakıda strateji əməkdaşlığın yeni mərhələsi elan ediləcək”

Türkiyənin yeni prezidenti Rəcəb Tayyib Ərdoğan Bakıda rəsmi səfərdədir.

Səfər proqramına görə, qardaş ölkə başçısı azərbaycanlı həmkarı İlham Əliyevlə görüşəcək, regionla bağlı proseslər, strateji xarakter daşıyan ikitərəfli münasibətlərin inkişaf perspektivləri, Dağlıq Qarabağ münaqişəsinin həlli yolları, eləcə də enerji sferasındakı əməkdaşlığın genişləndirilməsi məsələləri müzakirə olunacaq.


Publika.az xəbər verir ki, Rusiyanın nüfuzlu “Nezavisimaya qazeta” nəşri R.T.Ərdoğanın Bakı səfəri haqqında yazı dərc edib.

Yazıda Türkiyə prezidentinin Bakıda strateji əməkdaşlığın yeni mərhələsini elan edəcəyi bildirilir. Rəsmi mənbələrin məlumatına görə, səfər çərçivəsində “Şahdəniz” qazının yaxın gələcəkdə Avropaya daşıyacaq boru kəmərinin bünövrəsinin açılışında prezidentlərin iştirakı gözlənilir. Türkiyə prezidentinin Bakıya ilk səfərinin olmamasına baxmayaraq, səfəri strateji əməkdaşlığın yeni mərhələsi kimi qəbul etmək olar.


“Azərbaycan nəşrlərinin əksəriyyəti bu səfəri müxtəlif rakurslardan izah edir. Amma o faktdır ki, hazırda situasiya bir qədər dəyişib. Belə ki, Turqut Özal və Süleyman Dəmirəlin prezidentliyi dövrlərində Türkiyə Qərb cəmiyyətində Azərbaycan maraqlarının bələdçisi rolunu oynayırdısa, Azərbaycan indi dünya siyasətində öz yerini tutub və lazım olduqca Türkiyənin geosiyasi problemlərinin həllində rol oynayır”, - Nezavisimaya qazeta” nəşri bildirir.

Rusiya nəşri qeyd edir ki, 1993-cü ildən bu yana Bakı ilə Ankara “bir millət iki dövlət” olmasına baxmayaraq, iki ölkə heç vaxt bu qədər yaxın olmayıb.


Asif Nərimanlı

Xəbər lenti

DAHA ÇOX XƏBƏR