Nida.az
Avropanın canına üşütmə düşüb: xilas Bakıda axtarılır -TƏHLİL
Ukrayna böhranından sonra “qaz müharibəsi” təhlükəsi artır. Belə ki, ekspertlər hesab edir ki, böhranlar o zaman yaranır ki, enerji mənbələri yox, onun çatdırılma marşrutu problemlə çevrilir. Bu gün Avropaya rus qazının çatdırılması üçün əsas marşrut olaraq Ukraynanın durumu məlumdur.
Publika.az xəbər verir ki, Ukrayna Baş naziri Arsen Yasenyuk da bildirdi ki, Kiyev yaxın 5 ildə Rusiyadan qaz alışını dayandıracaq.
Bunun fonunda dünən Avropa Birliyinin “Şərq tərəfdaşlığı”
proqramına daxil olan ölkələrin enerji nazirlərinin iştirakı ilə
Bakıda keçirilən toplantı da diqqətçəkən idi.
Avropanın canına üşütmə düşüb – Qorxu
Qış mövsümü gəlir və Avropanın üzərində “qış qorxusu” yenidən yol
açıb. Bundan əvvəl baş vermiş Kiyev-Moskva narazılığı zamanı
avropalılar canlarına işlədiyi soyuğu hələ də unutmayıb. Hazırkı
münasibətlərsə Avropaya qazın çatdırılması riskini yüksəldir.
Faktiki olaraq, Avropa Azərbaycan qazına möhtacdır. Lakin Bakının
Avropaya qaz çıxarması 4 ildən tez baş tutmayacaq. Belə ki, Ankara
və Bakının birgə layihəsi olan TANAP 2018-i ildə başa çatacaq. Bu
layihəyə görə, qaz Yunanıstana qədər çatdırılacaq, ardınca TAP
gündəmə gəlir ki, bu da TANAP-ın davamı olaraq Afinaya çıxarılan
qazın İtaliyaya qədər aparılmasında rol oynayacaq. Amma bütün
bunların reallaşması üçün illər lazımdır. Digər tərəfdən,
Azərbaycan qazı bütün Avropanın soyuqdan donmasının qarşının ala
bilməz. Bu da reallıqdır.
Məsələnin siyasi tərəfi də unudulmamalıdır. Hansı ki, Bakı
Qərb-Rusiya savaşında açıq müstəvi olmaq istəmir. Buna görə də,
uzaq Avropanın enerji təhlükəsizliyində rol almaqla yanaşı, yaxın
Şimal qonşusunun da maraqlarının nəzərə alır.
Qarşıda 5 illik aralıq vaxt var ki, Avropa bunun üçün yollar axtarır. Bakı konfransı da buna hesablanmışdı.
“Avropa Bakıya xilas kimi baxır, amma...”
Lakin rus ekspertlər bunun çıxış yolu olmadığını düşünür. Ortadakı
situasiya daha çox Kiyevlə Moskvanın razılaşmasını şərtləndirir
– buna məcburdurlar. Ehtimal olunur ki,
Ukraynanın da iştirakı ilə keçirilən Bakı konfransı Kiyevin
Moskvaya qarşı sərt bəyənatlardan çəkindirmək üçündür. Əks
təqdirdə, Putin Avropanı soyuqdan donduracaq.
Rusiya milli energetika institutunun rəhbəri Sergey Pravosudov
hesab edir ki, Bakı görüşü Rusiyanın ixracına təsir etməyəcək. Onun
sözlərinə görə, görüşdə iştirak edən heç bir dövlətin enerji
resursları Avropanın ehtiyaclarını ödəməyə yetməyəcək.
Rusiya mühəndisləri ittifaqının birinci vitse-prezidenti İvam
Andriyevski isə hesab edir ki, Avropa Bakıya xilas kimi baxır:
“Amma Bakının qazı avropalıları tamamilə təmin edə bilməyəcək.
Çünki Xəzər dənizinin həll edilməmiş hüquqi statusu Azərbaycanı
dənizdəki enerji resurslarını tam olaraq istismarına maneələr
yaradır”.
Bəzi iddialara görə, Xəzər dənizinin hüquqi statusunun həll
edilməməsində səbəblərdən biri də dolayısı yolla Avropaya enerjinin
çatdırılmasıdır.
Bakıda Kiyevin taleyi həll olunur
Qeyd edək ki, hazırda Kiyev ABŞ istehsalı olan “şist” qazına ümid
edir. Bunun üçünsə təxminən 5 ilə qədər vaxt lazımdır. Bu müddət
ərzində isə Moskva ilə uzlaşmağa məcburdur – bunu avropalılar istəyir. Beləliklə, ortada iki
variant var. Azərbaycan qazına əlavə enerji mənbələri tapmaqla
problemi həll etmək, ya da növbəti 5 il üçün Rusiya ilə
münasibətləri yenidən qaydaya salmaq. İkinci variant hazırkı
situasiyada daha çətin görünür.
Bu arada Avropa Birliyinin “Şərq Tərəfdaşlığı” proqramında iştirak
edən ölkələrin xarici işlər nazirləri hazırda Bakıda görüş keçirir.
Görüşdə Ukrayna məsələsi gündəmdədir.
Asif Nərimanlı
-
İdman22:04
"Qarabağ" finalda!
-
Hadisə21:49
Vətən müharibəsi iştirakçısı anasının xəstəliyini eşidib intihar etdi
-
Magazin121:05
O getdi, mən də daha yoxam! - Əməkdar artist səhnə ilə vidalaşdı
-
Sosial19:35
Özünü öldürən sabiq pediatrın iş yoldaşı DANIŞDI: “Ailə məsələsi deyil..."
-
ABŞ19:25
Bayden Ukraynaya hərbi yardım haqqında qanunu İMZALADI
-
Rəsmi xronika18:40
Prezidentlər mətbuata bəyanatlarla çıxış etdilər - FOTO/YENİLƏNDİ
-
Hadisə18:33
Bakı hava limanında həyəcan siqnalı: Təyyarə qəza enişi etdi - FOTO
-
Sağlamlıq17:27
Yapon alimləri xərçənglə mübarizə üçün unikal vasitə hazırladı