Nida.az
Xanım siyasətçi ilə İsa Qəmbərin komandası davaya çıxdı - Şok İttihamlar
Keçmiş ACP-çi, Rəsul Quliyevin əsas adamlarından olduğu deyilən Zəminə Dünyamalıyeva ilə Müsavat arasında yaranmış qalmaqal davam edir.
Müsavatda başqanlıq seçkilərini qiymətləndirən xanım siyasətçi əsas günahkar kimi İsa Qəmbəri görüb və bildirib ki, İ. Qəmbər 10 il öncə getsəydi, Müsavat daha çox qazanardı. Bundan başqa bəzi tənqidlər səsləndirən Z. Dünyamalıyeva ilə partiya arasında qalmaqal başlanıb.
Əvvəlcə Müsavat Divanının üzvü Tural Abbaslı
Publika.az-a açıqlama verərək xanım siyasətçinin ittihamlarına
cavab verdi.
Divan üzvü bildirib ki, Z. Dünyamalıyeva Azərbaycanda ən çox
partiya dəyişən şəxsdir: “Amma heç bir partiyada uğur əldə etməyib.
Onun siyasi təcrübəsi çox idisə, bir-bir dəyişdiyi partiyalara
tətbiq edərdi. Zəminə xanımın İsa bəyin fəaliyyəti haqda danışmağa
isə heç bir haqqı yoxdur. O, gündəmə gəlmək üçün İsa bəyin adından
istifadə edir. Gündəmə gəlmək üçün Rəsul Quliyev haqqında yeni
açıqlamalar verir”.
T. Abbaslının ardınca müsavatçı xanım Nüşabə
Sadıqlı Dünyamalıyevaya ittiham dolu tənqidlər irəli
sürdü. Müsavatçı xanım musavat.com-a açıqlamasında bildirib ki, o,
Zəminə Dünyamalıyeva kimi siyasi səviyyədən, elmdən kasad, gündə
bir partiya dəyişən, yaradılmasında iştirak etdiyi partiyada özünü
lazımsız şəxsə çevirən insanın fikirlərini ciddiyə almır: “Mən öncə
istədim ki, bu cür xarakteristikaya malik bir adama, ümumiyyətlə,
baş qoşmayaq. Lakin onun Müsavat və İsa Qəmbər haqqında əndazəni
aşan sərsəmləmələrinə layiq olduğu cavabı verməyi lazım bildim. Bu
Zəminə Dünyamalıyeva, qeyd etdiyim kimi, siyasətdən bixəbərdir.
Təsəvvür edin ki, adam vaxtilə üzvü olduğu və sonradan xəyanət
etdiyi YAP-ın siyahısı hesabına Azərbaycan parlamentinin deputatı
olmuşdu. Neçə il deputat olması, neçə-neçə partiya dəyişməsi,
dəyişdiyi partiyalarda yüksək postlarda təmsil olunması belə,
Zəminə Dünyamalıyevanın səviyyəsinin artmasına təsir göstərə
bilmədi. Bu adam siyasətdə o qədər təsadüfi, o qədər kasaddır ki,
20 il ərzində əvvəlki səviyyəsindən bir pillə də irəliyə inkişaf
edə bilməyib. ADP-dən getdikdən sonra Rəsul Quliyevin dəstəyi ilə
ACP adında bir partiya yaratmışdılar. Zəminə Dünyamalıyeva bu
partiyanın ikinci şəxsi - Ali Məclisin sədri idi. O zaman da adam
təəccüblənirdi ki, Zəminə Dünyamalıyeva adında “Ali” ifadəsi olan
bir quruma sədrlik edir. Onun siyasi səviyyəsi ilə “Ali” sözünün
ifadə etdiyi məzmun tamamilə bir-birinə əksdirlər. Elə məhz buna
görə də ACP Azərbaycan siyasətində özünü göstərə bilmədi. Tarixdən
silinmiş millətlər kimi ACP-də silindi. Ali Məclisinə Zəminə
Dünyamalıyeva kimisi sədrlik edən partiyanın sonu sıfır, yox olmalı
idi. Əslində bu gün Zəminə Dünyamalıyevanın özü də xeyli vaxtdır
Azərbaycan siyasətində dəfn olunmuşlardan biridir. Azərbaycan xalqı
belələrini artıq ölmüş siyasətçilər kimi xatırlayır”.
Publika.az-a açıqlamasında Z. Dünyamalıyeva ona
qarşı olan bu tənqidlərə cavab verib. Xanım siyasətçi səslənən
fikirləri məntiqsiz adlandırıb: “Hamısı boğazdan yuxarı danışır.
Onlara nə demək olar ki. Mən bir neçə partiya yox, cəmi iki
partiyada olmuşam. YAP-ın qurucularından biri kimi bu partiyada
təmsil olundum, lakin sonra siyasi xətlə razılaşmayıb müxalifətə
keçdim. Müxalifətdə də ACP-də təmsil olunmuşam. Lakin bir şeyi
bilməlidirlər ki, hansısa partiya adını dəyişirsə, parçalanırsa,
bölünürsə, bu mənim siyasi fəaliyyətimə daxil deyil. Özlərini
siyasətçi deyənlər bir qədər məntiqlə danışsalar yaxşı olar.
Deyirlər ki, mən Müsavat haqqında söz deyə bilmərəm. Nə üçün? Onlar
bəs necə demokratdırlar? Demokratiyadan dəm vuran başqalarına necə
deyə bilər ki, sən filan məsələdən danışa bilməzsən. Mənim fikrimə
hədd qoymaq heç kimin səlahiyyətində deyil. Fikrimə hədd
qoyub-qoymamaq, hansı fikir səsləndirmək mənim öz
səlahiyyətimdədir. Sadəcə onu deyə bilərəm ki, mən gündə partiya,
fikir dəyişən adam deyiləm. Özlərinə aid olan xüsusiyyətləri
başqasına aid etməsinlər. İnsanlar oxuduğu məktəbdən, aldığı
diplomatdan asılı olmayaraq məntiqli danışmağı öyrənməlidir. Bu,
xüsusilə siyasətçilərə aiddir”.
Z. Dünyamalıyeva əlavə edib ki, o, gündəmdə qalmaq üçün fikir səsləndirmir.
“Mən hər zaman gündəmdəyəm. İstər partiyada təmsil olunduğum
vaxtlar, istərsə indi, hər zaman müstəqil şəkildə sözümü demişəm.
Heç kimdən çəkinməmişəm”, - deyə xanım siyasətçi bildirib.
Asif Nərimanlı
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO
-
Nida Təhlil 17:11
İrəvan “Krokus”la bağlı bəyanatı rədd etdi: Kreml necə cəzalandıracaq?
-
Sosial16:58
Bu avtomobillərlə taksi fəaliyyəti göstərmək qadağan edildi
-
Sosial16:36
Azərbaycanda sayğaclar ikiqat hesablayır - ŞOK İDDİA
-
Sosial16:08
Əli Əsədov yeni qərar imzaladı
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı