Nida.az
Elçibəyin kürəkəni istefa səbəbini açıqladı
“Milli Şurada istədiyim formada birlik təmin edilmədi. İki aparıcı partiya AXCP və Müsavat arasında atışma ziddiyyət səviyyəsinə gəlib çıxdı. Mən seçkidən sonra Türkiyədə "Çırağan" sarayında Cəmil Həsənli ilə keçirdiyimiz görüşdə də narahatlığımı dilə gətirmişdim”.
Bu barədə mərhum prezident Əbülfəz Elçibəyin kürəkəni, İctimai Palata Koordinasiya Şurasının üzvü Aqil Səmədbəyli Publika.Az –a açıqlamasında Milli Şuradan çıxmasının səbəblərini şərh edərkən deyib. Onun sözlərinə görə, qarşıdurma nəticəsində Müsavat Milli Şuradan getdi, təbii ki, bu normaldır: “Lakin bundan sonra AXCP ilə Müsavat tərəfdarları arasında münasibətlər az qala düşmənçilik həddə çatdı. Bu, qıraqdan insana daha pis təsir edir. Münasibətlərin qaydaya düşəcəyini gözləyirdim. Amma Rəsulzadənin 130 illik yubileyində, hətta onun yadigarı sayılan Azərbaycan Kültür Dərnəyinin başqanı Cəmil Ünal Bakıda ola-ola təşkilatlar Məhəmməd Əminin hüzuruna bilikdə gedə bilmədilər. Özlüyümdə qərara gəldim ki, bir-biri ilə bu səviyyədə münasibətləri olan tərəflərdən hansınınsa yanında qalmağım doğru olmaz. Bu ziddiyyətlərdə tərəf olmaq istəmədim”.
A. Səmədbəyli vurğulayıb ki, Milli Şura yalnız AXCP-dən ibarət
deyil. Lakin o, AXCP-nin qurumda aparıcı güc olduğunu da inkar
etmir: “Bu partiyanın Müsavatla münasibətlərinin bu cür olması məni
üzdü. Bu hala təəssüfləndim və münasibətlərin düzələcəyi haqqında
ümidlərim puç oldu. Çünki Rəsulzadə bizim dəyərimizdir, demokratik
cümhuriyyətin qurucusu və simvoludur. Belə şəxsin doğum günündə
onun abidəsini bir yerdə ziyarət etmək mümkün deyilsə, deməli, bu
münasibətlər çox dərinə gedib. Ona görə də mən tərəf olmaqdan
çəkindim”.
O, qardaşı Arzu Səmədbəylinin Müsavatın rəhbərliyində təmsil
olunması və qərarına bu amilin də təsirsiz ötüşməməsi ehtimalına
cavabında deyib ki, qardaşı Müsavatda olsa da olmasa da, istyefa
verəcəkmiş: “Çünki söhbət Arzu Səmədbəylidən getmir. Müsavat ana
müxalifət partiyasıdır. Bu partiya ilə Azərbaycanın aparıcı
partiyalarından olan AXCP arasında ziddiyyətlərdən söhbət gedir.
Hər ikisi Azərbaycan Xalq Hərəkatından çıxmış təşkilatlardır,
onların bugünkü münasibətləri xoşagəlməz hərəkətlərdir”.
A. Səmədbəyli qeyd edib ki, o, İP-dən də ayrıla bilər.“Əgər İP-də də belə bir mənzərə yaransa, bu qurumdakı fəaliyyətimi də dayandırmalı olacam”-deyə o diqqətə çatdırıb.
Asif
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır
-
Rəsmi xronika16:58
İlham Əliyev bu qanunu təsdiqlədi
-
Magazin116:03
Məşhurlar televiziyaların paxırını açdılar: “Yatağa girib irəli gedirlər”
-
MDB15:17
İstanbul razılaşması: Moskva Kiyevə hansı zəmanəti veribmiş? - Lavrov sirri açdı
-
Nida Xəbər 15:02
Bu universitetin mətbuat katibi vəzifəsindən ayrıldı - FOTO
-
İqtisadi gündəm14:17
Azərbaycan əhalisi ərzağa bu qədər pul xərcləyir: Maaşdan yerdə nə qalır?
-
Səhiyyə13:51
Teymur Musayev əmr imzaladı - Bu uşaqlara...
-
İdman13:26
Musa Qurbanlının Messi ilə FOTOSU yayıldı: Onlar necə görüşüb?