• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Azərbaycan İsraildə səfirlik aça bilər – AÇIQLAMA

  • Nida.az
  • 15 Sentyabr 2014 13:07
  • 891 Baxış
Azərbaycan İsraildə səfirlik aça bilər – AÇIQLAMA

“Azərbaycanın İsraildə səfirlik açması hazırda gündəmdə olan məsələdir. Günlərin bir günü biləcəyik ki, Azərbaycanın İsraildə də səfirliyi açılıb”.

Bu sözləri Publika.az-a açıqlamasında Milli Məclisin Azərbaycan-İsrail parlamentlərarası əlaqələr üzrə işçi qrupunun rəhbəri, millət vəkili Yevda Abramov bildirib.

Onun sözlərinə görə, bu məsələ Azərbaycan prezidentinin səlahiyyətinə aid olan məsələdir.

Y.Abramov deyib ki, Azərbaycanın İsraildə səfirlik açması məsələsi keçirilən ikitərəfli görüşlərdə də müzakirə olunur:

“İsrail prezidenti Şimon Peres Bakıya səfərə gələn də bu məsələ gündəmdə idi. Bizim nazirlər də İsrailə səfər edən də bu məsələ müzakirə olunub. Mən də istəyirəm ki, səfirliyimiz olsun. Səfirliyin açılmasında həm Azərbaycan, həm də İsrail dövlətləri maraqlıdır. Hələ ki, təkcə İsrail dövlətinin Azərbaycanda səfirliyi var. Yəqin ki, yaxın zamanlarda da Azərbaycan da İsraildə səfirlik açacaq”.

Deputat həmçinin qeyd edib ki, İsrailin Azərbaycandakı səfirinin də fəaliyyətə başa çatıb:

“Yəqin ki, yaxın günlərdə cənab prezidentin də qəbulunda olacaq. Bundan sonra da İsrail tərəfi köhnə səfirin yerinə yenisini təyin edəcək”.

Vasif Həsənli

Xəbər lenti

DAHA ÇOX XƏBƏR