Nida.az
Qurban Qurbanova qarşı cinayət işi açıldı – Şok Detallar – Özəl
Dərbənd Rayon İcra Hakimiyyətinin başçısı Qurban Qurbanova qarşı sentyabrın 16-da cinayət işi qaldırılıb.
Publika.az-a Dağıstandakı mənbələrdən daxil olan məlumata görə, respublika prokurorluğu tərəfindən qaldırılan cinayət işi vəzifə səlahiyyətlərini aşmaqla bağlıdır.
İddia olunur ki, Q. Qurbanov 2009-2013-cü illər ərzində dövlətin
balansında olan 58 hektar torpaq sahəsini qeyri-qanuni olaraq
vətəndaşlara icarəyə verib.
Hazırda istintaq davam edir, lakin Q. Qurbanov vəzifə səlahiyyətini davam etdirir.
Qeyd edək ki, Q. Qurbanova qarşı cinayətin qaldırılacağı gözlənilən
idi.
Belə ki, bu ilin iyulun 23-də Dağıstan rəhbəri Ramazan Abdulatipov
dövlət televiziyası ilə çıxış edərək Qurban Qurbanovu istefaya
çağırıb. Buna etiraz olaraq 1000-ə yaxın azərbaycanlı icra
hakimiyyəti binasının qarşısına toplaşaraq etiraz aksiyası keçirib.
Q. Qurbanov “mənə 47 min insan səs verib, mənim istefa vermək
fikrim yoxdur” açıqlaması ilə çıxış edib.
Ardınca avqustun 8-də Dağıstan Daxili İşlər Nazirliyinin İqtisadi
Cinayətkarlığa qarşı Mübarizə İdarəsinin maskalı əməkdaşları
Dərbənd Rayon İcra Hakimiyyətinin binasına basqın edib. Əməliyyat
zamanı son 7 ilin bütün sənədləri müsadirə edilib.
Avqustun 11-də isə Dağıstan Hesablama Palatası icra hakimiyyətinə
gələrək Qurban Qurbanovun fəaliyyətini araşdırmağa başlayıb.
Qurbanovlara qarşı kampaniyada məqsəd nədir?
Q. Qurbanov isə bununla bağlı keçirdiyi mətbuat konfransında ona
qarşı təzyiqlərin olduğunu deyərək keçirilən əməliyyatları qanunsuz
adlandırır.
“Dağıstan rəhbərliyi mənə qarşı mütəmadi şəkildə təzyiqlər edir.
Məcbur edirlər ki, istefa ərizəmi yazım. Mənə qarşı təzyiqlərin
olması ilə qardaşımın vəzifədən çıxarılması arasında uyğunluq
var”,- deyə Dərbəndin azərbaycanlı rəhbəri bildirib.
Məlumat üçün bildirək ki, Q. Qurbanovun qardaşı Maqomed Qurbanov
Dağıstanın Azərbaycandakı nümayəndəliyinin rəhbəri olub. Ötən il
Dağıstan rəhbəri Ramazan Abdulatipov tərəfindən vəzifəsindən
çıxarılıb. Yayılan məlumatlara görə, Qurbanovlar ailəsinə qarşı
təzyiqlər Dağıstanın avar klanı tərəfindən həyata keçirilir. Əsas
səbəb kimi isə onların rəsmi Bakı ilə yaxın münasibətlərə malik
olmasıdır.
M. Qurbanovdan sonra Dağıstan nümayəndəliyində rəhbər postu bir
ilə yaxın boş qalıb. Yalnız ötən ay Abdulatipovun sərəncamı ilə
kumık əsilli Marat İsgəndərov nümayəndəliyə rəhbər təyin
edilib.
Qurbanovun istefa verməkdən imtina etməsindən sonra avqustun
16-sı
Dərbənd rayonunun Birici qəsəbəsində ona qarşı aksiya təşkil
olunub. Aksiyada Qurbanovun istefası tələb olunub. Onu qanunsuz
əməllər törətməkdə ittiham ediblər.
Putinin xüsusi nümayəndəsi nə istəyir?
Məlumatlara görə, Qurbanovun istefa tələbi Rusiya prezidenti
Vladimir Putinin Şimali Qafqaz üzrə xüsusi nümayəndəsi, milliyətcə
ləzgi olan general-leytenant Sergey Melikov tərəfindən irəli
sürülüb. Ona qarşı kampaniyanı Dərbənd şəhər icra hakimiyyətinin
başçısı İmam Yaraliyev və keçmiş kəşfiyyatçı kimi tanınan Mübariz
Musralov aparır.
Mənbə bildirir ki, Qurbanovun qarşısına tələb qoyulub ki, keçmiş
ədliyyə naziri milliyətcə tabarasanlı olan Azadi Rəhimovu özünə
müavin təyin etsin. Ardınca özü istefa versin və onun vəzifəsini
Rəhimov icra etsin.
“Bu vəzifə seçkili olduğu üçün prezident tərəfindən sərəncamla
çıxarmaq mümkün deyil. Növbəti seçkilərsə 2015-ci ildədir”, - deyə
mənbə qeyd edib.
Prosesdə erməni izi
Əldə etdiyimiz daha bir məlumata görə, Qurbanova qarşı aparılan
kampaniyanın arxasında erməni əli də var.
Belə ki, Dərbənd şəhər icra hakimiyyəti başçısının icra
aparatının rəhbəri, erməni əsilli Avanesov Aleksandr Ambarçumoviç
Qurbanovlar ailəsinə qarşı təxribatlar törədir, onlar haqda
gözdənsalma məlumatlar yayır.
Şəhər icra hakimiyyətinin başçısı İmam Yarəliyevin bütün işləri A.
Avanesovla razılaşdırlmış formada apardığı deyilir. Buna səbəbsə,
onun Moskvada güclü arxasının olması, həm də İrəvanla sıx təmaslara
malik olmasıdır.
Asif Nərimanlı
-
Magazin116:11
Zülfiyyə Aşıq Tellini biabır etdi: “Restoranda yeyir, sonra da...”
-
Sağlamlıq15:41
Marketlərdə satılan bu yuyucu tozlar XƏRÇƏNG YARADIR
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO
-
Sosial13:03
Sabah 25 dərəcə isti olacaq
-
Magazin112:31
Rəşad Dağlının oğluna görün nə hədiyyə etdilər - FOTO