Nida.az

XİN-də Elman Abdullayevin yerinə təyinat

19 Sentyabr 2014 23:36

Bu gündən etibarən Azərbaycan Xarici İşlər Nazirliyinin (XİN) Mətbuat xidmətinin rəhbəri vəzifəsini Hikmət Hacıyev icra edəcək.

Nazirlikdən Trend-ə verilən məlumata görə, kütləvi informasiya vasitələrinin nümayəndələri H.Hacıyevlə (+99412) 596 92 76 iş telefonu, (+994 51) 311 01 05 mobil telefonu və ya [email protected] elektron poçt ünvanı vasitəsilə əlaqə saxlaya bilərlər.

Qeyd edək ki, ötən gün Prezident İlham Əliyev Azərbaycan XİN-in Mətbuat xidmətinin rəhbəri Elman Telman oğlu Abdullayevin Azərbaycan Respublikasının Efiopiya Federativ Demokratik Respublikasında fövqəladə və səlahiyyətli səfiri təyin edilməsi haqqında sərəncam imzalayıb.

Dövlət başçısının digər sərəncamı ilə E.Abdullayevə ikinci dərəcəli fövqəladə və səlahiyyətli elçi diplomatik rütbəsi verilib.