Nida.az
“Bu adam soyadını dəyişməlidir” - Siyavuş Novruzovdan iranlı deputata CAVAB
Hakim Yeni Azərbaycan Partiyasının (YAP) icra katibinin müavini, Milli Məclisin deputatı Siyavuş Novruzov İran İslam Şurası Məclisinin Milli Təhlükəsizlik və Xarici Siyasət Komissiyasının sədr müavini Mənsur Həqiqətpurun növbəti dəfə Azərbaycanı hədələməsinə cavab verib.
YAP-çı deputat S.Novruzov Publika.az-a açıqlamasında deyib:
“Mən ilk növbədə çox təəssüf edirəm ki, bu adamın soyadı Həqiqətpurdur. Bu adam soyadını dəyişməlidir. Çünki onun söylədiyi fikirlərin heç birində həqiqət yoxdur. Dəfələrlə Azərbaycanın dövlət rəhbərliyi bəyan edib ki, ölkəmizin ərazisindən İrana və ya digər ölkələrə hərbi müdaxiləyə icazə verilməyəcək. Yəni, Azərbaycan ərazisindən hər hansı qonşu dövlətə qarşı istifadə ola bilməz. Biz bunu öz əməlimizlə hər zaman sübut etmişik. Ancaq Həqiqətpur öz köhnə əməllərini ört-basdır etmək üçün mütəmadi olaraq bu cür açıqlamalar verir və iki ölkə arasındakı münasibətləri korlamağa çalışır”.
S.Novruzov həmçinin deyib ki, bu adam vaxtilə Azərbaycan dövlətinə qarşı bir neçə təxribat cəhdləri planlaşdırıb:
“Bakının 8-ci kilometr deyilən ərazisində yerləşən binada Həqiqətpurun ofisi olub və həmin yerdə Azərbaycanın mövqelərilə bağlı düşmən tərəfinə məlumatlar ötürüb. Bu səbəbdən də onun barəsində cinayət işi açılıb. Yəni, bu adam Azərbaycanda axtarışda olan adamdır. Onun İran-Azərbaycan münasibətlərinin korlanması istiqamətində fəaliyyəti özünün digər cinayət əməllərinin ört-basdır edilməsinə xidmət edir”.
Vasif Həsənli
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...
-
Sosial12:25
Baş nazir təyin olunan Ceyhun Cəlilov kimdir? - Dosye