Nida.az
Partiya sədrləri AŞPA prezidentinə nələri deyəcək?- SORĞU
Azərbaycanda səfərdə olan Avropa Şurası Parlament
Assambleyasının (AŞPA) prezidenti Anne Brasseur
sentyabrın 23-də parlamentdə təmsil olunan siyasi partiya
rəhbərləri ilə görüşəcək.
Görüş daha çox tanışlıq xarakteri daşısa da, siyasi partiya rəhbərlərinin AŞPA prezidentinin diqqətinə hansı məsələləri çatdıracağı maraqlıdır.
Publika.az bununla bağlı partiya sədrlərinin fikirlərini
öyrənib.
Demokratik İslahatlar Partiyasının (DİP) sədri Asim
Mollazadə bildirib ki, o, qonağın diqqətinə
Azərbaycan-NATO münasibətlərini çatdıracaq: “Bundan başqa, Avropa
Şurasının Dağlıq Qarabağla bağlı qəbul etdiyi qətnamələrin icra
olunmaması məsələsini qaldıracaq. Bildiyimiz kimi, qurum münaqişə
ilə bağlı qətnamə qəbul edilsə də, onlar icra olunmur. Hesab edirəm
ki, Ukrayna hadisələri fonunda Avropa Şurası Qarabağ münaqişəsinin
həllinə çalışmalıdır”.
Böyük Quruluş Partiyasının (BQP) sədri Fazil
Mustafa da Qarabağ problemini qaldıracağını bildirib.
“Görüşün gündəliyi dəqiq bilinmir. Amma biz həmişə olduğu kimi, bu
dəfə də Qarabağ məsələsini avropalı qonağın diqqətinə çatdıracağıq.
Azərbaycan torpaqlarının zəbt etmiş Ermənistan AŞPA-nın tamhüquqlu
üzvü olaraq fəaliyyət göstərir, hansı ki, bu beynəlxalq hüquqa
ziddir”, - deyə partiya sədri bildirib.
Vətəndaş Həmrəyliyi Partiyasının (VHP) Sabir
Rüstəmxanlı isə görüşdə iştirak etməyəcək. O, hazırda
xarici səfərdə olduğunu deyib.
Ana Vətən Partiyasının (AVP) sədri Fəzail Ağamalı
bildirib əsas məsələ AŞPA-Azərbaycan münasibətləri olacaq:
“Həmçinin partiyaların cəmiyyətdə yeri və rolu məsələsi gündəmdə
olacaq. Lakin görüşün gündəliyi əlimizdə yoxdur. Yəqin ki, görüş
tanışlıq xarakter daşıyacaq və qurumla ölkəmizin münasibətləri
müzakirə predmeti olacaq”.
Qeyd edək ki, AŞPA prezidenti bu gün Bakıda bir qrup hüquq müdafiəçiləri, siyasətçilər və jurnalistlərlə görüş keçirib. Görüşdə demokratiya ilə bağlı ölkədəki son vəziyyət, Avropa İnsan Haqları Məhkəməsinin qərarlarının Azərbaycanda necə yerinə yetirilməsi və QHT-lərlə bağlı qanuna edilməsi gözlənilən dəyişikliklər müzakirə edilib.
Asif Nərimanlı
-
Nida Xəbər 14:26
Yeni Kaledoniyada Azərbaycan bayrağı qaldırıldı
-
Magazin113:31
Tolik pərt etdi: "Bu da liftdə öpüşən Sabir" - VİDEO
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO
-
İdman11:06
"Qarabağ"ın futbolçusu Fransa klubu ilə anlaşdı - FOTOFAKT
-
Dünya10:56
NATO Rusiya ilə müharibəyə hazırlaşır - Bu ölkədən hücuma keçəcəklər