İstefa verib Əli Kərimliyə xəbərdarlıq etdi: “Hədəfə çevrilsəm...”

AXCP sıralarından istefa vermiş gənc cəbhəçi, “Carçı.az” portalının rəhbəri Orxan Carçı Publika.az-a istefa verməyinin səbbəblərini açıqlayıb.

Sabiq cəbhəçi bildirib ki, buna ilk səbəb müstəqil olmaq istəyidir: “Bir çoxları rəhbərlik etdiyim xəbər portalının AXC-dən asılı olduğunu iddi edirlər, amma bu belə deyil. Məqsədimiz hakimiyyətin, yaxud müxalifətin tərəfini tutmaq deyil. Məqsədimiz xalqı maraqlanrıan məsələləri işıqlandırmaqdır. İndiyə qədər nə müxalifətdən, nə də başqa heç kimdən bi qəpik də olsun pul almamışam”.

O. Carçı qeyd edib ki, AXCP-dən istefası ilə bağlı keçmiş partiyadaşları tərəfindən tənqid, ya da təhqir hədəfinə çevrilərsə, susmayacaq: “İstefa ərizəmdə yazmışam ki, tənqid, təhqir olunsam susmayacağam. Çünki Asəf Quliyev AXCP-dən gedəndə bir neçə nəfərlə söz savaşı baş qaldırmışdı. İstəmədim ki, mənimlə də bu cür rəftar olsun. Necə deyərlər, əvvəlcədən özümü sığortaladım. Bu gün məni tanıyanlar yaxşı bilir ki, mən kimsədən maddi vəsait alıb portalı işlətməmişəm. Müstəqil fəaliyyət göstərmək istəmişəm. Fəaliyyətimi bu gün də davam etdirirəm”.

Asif