Nida.az
YAP-dan yeni başqana münasibət: “Arif Hacılı heç vaxt onlarla işləməyəcək”
“Müsavat digər vaxtlar seçkidə məğlub olanda iddia edirdilər ki, saxtakarlıq olub. İndi isə özləri saxtakarlıqla yeni başqan seçdilər”.
Bu barədə Publika.az-a açıqlamasında Yeni
Azərbaycan Partiyasının (YAP) icra katibinin müavini, millət vəkili
Siyavuş Novruzov Müsavatda Arif Hacılının yeni başqan seçilməsinə
münasibət bildirərkən deyib.
“Arif Hacılını saxtakarlıqla başqan
seçdilər”
S. Novruzov bildirib ki, seçkinin saxtakarlıqla keçirildiyini o
deyil, başqanlığa namizədlər, Divan üzvləri, qurultay iştirakçıları
deyir: “Arif Hacılının rəhbərliyi altında Müsavat icra aparatı
rayon təşkilatları ilə özlərinə yaxın olan şəxsləri qurultaya
nümayəndə seçdi və onların vasitəsilə səsvermədə ədalətsiz şəkildə,
saxtaklarlıqla başqan seçdilər. Təsadüfi deyildi ki, seçkiyə,
qurultaya bilavasitə nəzarət icra aparatında çalışan insanlara
həvalə olunmuşdu. Bu bir daha göstərdi ki, Müsavat ömründə bir
seçki keçirdi, onu da saxtalaşdırılmış şəkildə apardı və özlərinə
uyğun olan adamların seçilməsinə nail oldular”.
“Yorğun demokrat”ın keçmişə dair çıxışı
Müsavatın qurultayına münasibət bildirən S. Novruzov qeyd edib
ki, bu keçmişi təkrarlamaqdan başqa bir şey deyildi.
“Orda “yorğun demokrat”ın (İsa Qəmbəri nəzərdə tutur - red)
çıxışına baxanda gördük ki, 36 dəqiqəlik çıxışda bir dənə də olsun
gələcəyə ünvanlanmış fikir, partiyanın perspektivi haqqında söz yox
idi. Keçmişdə, 90-cı illərdə olmuş-bitmiş məsələlərdən
təkrar-təkrar danışdı.
Ümumiyyətlə, partiyanın inkişafı, islahatlar, fəaliyyətin
tənzimlənməsi, qarşıdan gələn bələdiyyə seçkilərində iştirak kimi
vacib məsələlərə toxunulmadı. Qurultayın keçirilməsi başqan
dəyişikliyindən başqa ortaya heç bir yenilik qoymadı”, - deyə YAP
rəsmisi vurğulayıb.
“Çoxdan tanıdığım adam kimi deyə bilərəm ki, Arif Hacılı
onlara heç vaxt işləməyəcək”
S. Novruzov hesab edir ki, seçkidən sonra mövcud olan narazı
tərəflər Müsavatı tərk edəcək: “Namizədlərdən biri mətbuata
müsahibəsində demişdi ki, Arif Hacılı bitmiş adamdır, heç bir
perspektivi yoxdur. Digər başqa formada müxtəlif ittihamlar irəli
sürmüşdü ki, xaricdə ayrı-ayrı təşkilatlardan pul alıb. Xəbərlər
yayıldı ki, Arif Hacılı Qubad İbadoğlunu ittiham edib ki, aldığı
qrantlardan partiyaya bir qəpik də olsun verməyib. Bu cür
münasibətlərdə olan insanlar birgə fəaliyyət göstərə bilməz. Artıq
bu səpkili bəyanatlar verirlər. Çoxdan tanıdığım adam kimi deyə
bilərəm ki, Arif Hacılı onlarla heç vaxt işləməyəcək”.
“Baş verənlər Müsavatın sonunu gətirəcək”
YAP rəsmisi qeyd edib ki, Müsavat bitmiş bir partiyadır.
“Bu seçkilər və baş verənlər Müsavatın sonunu gətirəcək və bu poseslər partiyanın qarşıdakı dönəmdə Azərbaycanın siyasət arenasından ümumiyyətlə getməsinə təkan verəcək”,- deyə S. Novruzov bildirib.
Asif Nərimanlı
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK