• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Vaqif Hacıbəyli qardaşının müdafiəsinə qalxdı

  • Nida.az
  • 30 Sentyabr 2014 12:07
  • 558 Baxış
Vaqif Hacıbəyli qardaşının müdafiəsinə qalxdı

Arif Hacılının qardaşından İbadoğlunu ittiham: “Müsavatdakı pisliklərdə barmağı olan...”

Müsavatın yeni başqanı Arif Hacılının qardaşı, Əhrar Partiyasının sədri Vaqif Hacıbəyli Qubad İbadoğlu və onun komandasını yalan danışmaqda ittiham edib. Tural Abbaslını isə tərifləyərək yetkin siyasətçi adlandırıb.

Vaiqf Hacıbəyli Publika.az-a açıqlamasında seçki ərəfəsində namizədlərin özlərini ideal apardıqlarını deyib. "Seçkidən sonra gözləmədiyim halda Tural Abbaslı özünü çox ağayana apardı. Hərçənd ki, onun və onunla birlikdə vicdan məhbusu olmuş Əhəd bəyin, Rüfət bəyin məclisə seçilməməsi istənilən halda mənə təəccüblü gəldi. Bunun qarşılığında gənc olduğu üçün bu olaya çılğın reaksiya verəcəyi gözlənilən Tural bəy özünü yetkin siyasətçi və əsl müsavatçı kimi aparır. Amma ondan daha təcrübəli, ziyalı, guya həmişə təmkinli olduğu deyilən və seçkilərdə də şəxsən mənim gözlədiyimdən də daha uğurlu nəticə qazanan digər namizəd isə məyusedici açıqlamalar verməkdə davam edir. Açıq-aşkar faktları təhrif edir”, - deyə Əhrar Partiyasının sədri Qubad İbadoğlunu ittiham edib.

“Mən bütövlükdə Müsavat rəhbərliyinə qarşı mübarizədə uduzmuşam” nə deməkdir? Vurğun Əyyub, Mehman Cavadoğlu, hətta Hikmət Hacızadə kimi məşhur Divan üzvləri səninlə bərabər görüşlərə getməyiblərmi? Onlar Müsavat rəhbərliyi deyilmi? İsa Qəmbərin guya gizlində kiməsə dəstək verməsi də absurddur axı? İsa bəyin doğma qardaşı, ağsaqqal əmisi, başda dostum Vəzir olmaqla mühafizəçiləri, Müsavatdakı bütün pisliklərdə həmişə barmağı olan qohumu Fəxrəddin Bağırov açıq şəkildə sənə dəstək veribsə, onda İsa bəy əl altından sənin əleyhinə nə iş görüb? Digər tərəfdən, İsa bəyin səs hüququnu kim əlindən alıb ki? O, müsavatçı deyil bəyəm? Budurmu sizin yeni təfəkkürünüz, yeni nəfəsiniz, yeni simanız? Kənardan heç də yaxşı görünmür”, - deyə Vaqif Hacıbəyli əlavə edib.

Asif

Xəbər lenti

DAHA ÇOX XƏBƏR