Nida.az
“World Politics Review”: “Xəzər donanmasına görə Azərbaycan lovğalana bilər”
IV Xəzər sammitində sahil ölkələrin liderləri bir çox
razılaşmaya imza atdı. Lakin diqqətçəkən əsas məqam Xəzərin
silahlandırılmasına qarşı atılan addımlar idi. Hansı ki dövlətlər
silahlanmada sabit balansı qorumağa çağırdı.
Publika.az xəbər verir ki, Amerikanın “World
Politics Review” nəşrində başı redaktor, Hadson İnstitutunun
(Hudson Institute) baş elmi əməkdaşı Riçard Vaysın Xəzərlə bağlı
xüsusi məqaləsində yazır ki, liderlər nə qədər səmimi görünsə də,
aralarında narazılığın, ziddiyyətin olduğu məlumdur. Bu narazılıq
da suların bölünməsi ilə bağlıdır. Bu məsələdə hər bir dövlətin öz
mövqeyi var.
Ən qısa sahil zolağına malik İran tələb edir ki, Xəzərin üstü və
dibi bərabər şəkildə bölünməli və dənizin dibi ilə çəkiləcək boru
kəmərləri hamının razılığı ilə reallaşmalıdır. Bu təklifi Moskva da
dəstəkləyir. Çünki söhbət Avropaya enerjinin çatdırılmasından
gedir.
Dənizin “orta xətt” prinsipi ilə bölünməsi nəticəsində Qazaxıstan
28,4 faiz, Azərbaycan 21 faiz, Rusiya 19, Türkmənistan 18, İran isə
13,6 faiz əraziyə nəzarət edə bilər. Mövqelər daha çox fərdi
maraqlara görə əsaslandırılır, xüsusilə tranzit və enerji
daşıyıcıları sahəsində. İran bir neçə yatağa nəzarətlə bağlı
Azərbaycanla mübahisə edir. Qazaxıstanla Azərbaycan isə enerjini
Avropaya çıxarmaq üçün dənizin dibi ilə boru kəmərləri tikmək
istəyir.
Sahilyanı ölkələr hələ ki, problemləri diplomatiyanın köməyi ilə
həll etməyə çalışır. Lakin bunun fonunda hər biri Xəzərdə hərbi
qüvvələrini gücləndirirlər.
Hazırki hərbi qüvvə sahil mühafizəsi, enerji yataqlarının
qorunması, balıqçılığın mühafizəsi və digər milli hüquqları qorumaq
adı altında fəaliyyət göstərir. Digər tərəfdən, dənizdə
terrorçuluğa qarşı mübarizə buna əsas yaradır. Lakin bəllidir ki,
bu qüvvələr digər hərbi donanmalara qarşı müharibə aparmaq
qabiliyyətinə malikdirlər.
1991-ci ildə SSRİ dağılandan sonra Rusiya sovet hərbi aktivlərinin
daha çox hissəsinə yiyələndi, həmçinin, Xəzərdəki hərbi donanmanın.
Yaxın keçmişə qədər Rusiya Müdafiə nazirliyi Xəzərdəki donanmasını
zəif maliyyələşdirirdi. Lakin son vaxtlar Moskva bu istiqamətə
diqqəti artırdı və daha güclü hərbi gəmilərə üstünlük verdi.
İran güc baxımından Xəzərdə ikinci donanmaya malikdir. Tehran hərbi
gücündən daha çox enerji yataqlarına iddiaları üçün istifadə edir.
2001-ci ildə “Araz- Şərq- Alov” yatağına edilən kəşfiyyat
əməliyyatları buna nümunədir.
2012-ci ilin sentyabrında İran donanması minaların quraşdırılması
və digər hərbi əməliyyatların icrasını yoxlamaq məqsədilə təlimlər
keçirdi. Beləliklə, İran Xəzərdə öz hərbi gücünü möhkəmləndirir.
Lakin İrana qarşı Qərbin sanksiyaları tətbiq edilməyə başladığı
vaxtda Tehran Xəzərdəki qonşuları ilə daha yumşaq münasibət
saxlamağa çalışır.
Qazaxıstan və Türkmənistan da həmçinin müasir gəmilər alır. Lakin
Xəzərdə donanmanın möhkəmləndirilməsi proqramına görə hər kəsdən
çox Azərbaycan lovğalana bilər. Enerji resurslarından əldə olunan
gəlirlər silahlı qüvvələrin müasirləşdirilməsinə yönəldilir.
Həmçinin, İsraildən patrul gəmiləri alınır. Ümumi fonda bu
Ermənistana qarşı yönəlib, lakin Bakı gələcək təhlükələrin başqa
istiqamətlərini də gözdən qaçırmır.
Asif Nərimanlı
-
ABŞ03:13
Komaya düşən qalmaqallı bloqer ÖLDÜ
-
Səhiyyə02:42
Ən güclü qan qrupu: onun sahibləri ÇOX YAŞAYIRLAR
-
Sosial01:41
Azərbaycanı görünüşü ilə heyrətə gətirən uşağın atası danışdı - VİDEO
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?
-
Magazin123 Aprel 23:36
Tünzalə imicini dəyişdi - FOTO