Nida.az
İsrailli ekspert: “Bakı Humanitar Forumu “intellektual Davos”a çevrilir"
“İsrailin səsi” İsrail Dövlət Radiostansiyasının “Günün aktual hadisələri” verilişində IV Bakı Beynəlxalq Humanitar Forumunun yekunları geniş şərh olunub.
Publika.az-a bu barədə “İsrailin səsi” radiostansiyasının daimi şərhçisi, beynəlxalq münasibətlər sahəsində ekspert Arye Qut bildirib.
Verilişdə suallara cavab verən ekspert söyləyib ki, çox əhəmiyyətli beynəlxalq tədbir olan Bakı Humanitar Forumu dünyanın intellektual elitası üçün həqiqi və real məkandır: “Burada siyasətçilər, keçmiş dövlət başçıları, mədəniyyət xadimləri və vətəndaş cəmiyyətinin nümayəndələri görüşür. Hazırda nəzəriyyədən tutmuş humanist təcrübəyə qədər multikulturalizmin müqayisəli tədqiqi, mədəniyyətlərarası və sivilizasiyalararası dialoq şəraitində XXI əsr jurnalistikasının problemləri, sabit inkişaf üçün zəruri olan insan potensialının formalaşması, sabit inkişaf və ekoloji sivilizasiya, prioritetlərin dəyişməsi-yeni universallığın formalaşması və tolerantlığın müstəqil mənəvi dəyər kimi önə çəkilməsi, informasiya məkanının qloballaşması şəraitində aktual media məsələləri kimi dünya cəmiyyətinin mühüm problemlərini müzakirə etmək üçün 70 ölkənin siyasi, elmi, intellektual və biznes elitası nümayəndələrinin görüşməsi üçün dünya səviyyəli elə bir intellektual məkan, əslində, yoxdur”.
İsrail ekspertinin sözlərinə görə, Azərbaycan Prezidenti İlham Əliyevin çıxışı parlaq, konkret və yaddaqalan bir çıxış olub. Azərbaycan prezidenti deyib: “Multikulturalizm Azərbaycanda həyat tərzidir. Düzdür, bu termin nisbətən yenidir. Ancaq əsrlər boyu Azərbaycanda multimədəniyyətli cəmiyyətlər mövcud olub. Xalqlar arasındakı dostluq və həmrəylik bunun bariz nümunəsidir. Biz bu gün də çalışırıq ki, öz təşəbbüsümüzlə regionda və dünyada gedən proseslərə müsbət təsirimizi göstərək. Təsadüfi deyil ki, Azərbaycan tərəfindən irəli sürülmüş bir neçə təşəbbüs artıq həyatda öz yerini tapıbdır və bu təşəbbüslər ətrafında yeni imkanlar yaranır. Azərbaycan hazırda iqtisadi, siyasi cəhətdən müstəqil bir ölkədir, müstəqil xarici siyasəti var. Bu siyasət dünyanın əksər ölkələri tərəfindən dəstəklənir. Hər bir ölkə digər ölkəyə hörmətlə yanaşmalıdır. Hər bir ölkə digər ölkənin seçiminə də hörmətlə yanaşmalıdır-həm beynəlxalq müstəvidə, həm dinlərarası dialoq, humanitar sahədə. Bütün bunlar bir-biri ilə bağlıdır”.
A.Qut bildirib ki, Azərbaycanın paytaxtı, füsunkarlığı ilə göz
oxşayan Bakı beynəlxalq humanitar əməkdaşlıq üçün beynəlxalq
məkana, “intellektual Davosa” çevrilir: “Azərbaycan rəhbərliyinin
siyasəti, tolerantlıq və multikulturalizm ideyası təbliğ etməsi
Azərbaycan dövlətinin tolerantlığın və multikulturalizm siyasətinin
qorunub saxlanılmasına, dünyada bu siyasətin bundan sonra da
möhtəşəm müasir və güclü Azərbaycan modeli nümunəsində inkişaf və
təbliğ etdirilməsinə yönələn strategiyasının əksidir. Bu baxımdan
professor Kamal Abdullanın rəhbərlik etdiyi Azərbaycan
Respublikasının millətlərarası, multikulturalizm və dini məsələlər
üzrə Dövlət Xidmətinin yaradılması bu yeni strategiyanı ehtiva edir
”.
Azərbaycanda multikulturalizm barədə suala cavab verən A.Qut
bildirib ki, Azərbaycan rəhbərliyinin ölkənin yəhudi icmasının
ənənələrinə qayğıkeş və səmimi münasibəti bir İsrail vətəndaşı kimi
onda qürur hissi doğurur: “Azərbaycan bir çox dinlərin və xalqların
nümayəndələrinin vətəni olub və vətənidir. Qədim Azərbaycan
torpağında yəhudilik və islam, atəşpərəstlik və xristianlıq mövcud
olub. Elə bu günün özündə bu torpaq tolerantlığa və dini
dözümlülüyə misli görünməmiş cəhdlər göstərir. Qırmızı Qəsəbə
dünyada yəhudilərin yığcam yaşadıqları yeganə və unikal yerdir və
Azərbaycanın həqiqi qürur mənbəyidir. İkili standartlardan əziyyət
çəkən, çox mürəkkəb və amanabənd geosiyasi əhatədə yerləşən, habelə
Cənubi Qafqazın lideri sayılan bu ölkə Ermənistanla ağır və qanlı
ərazi münaqişəsinə, ərazilərinin 20 faizinin işğal olunmasına
baxmayaraq, həqiqi sivilizasiyalararası və dinlərarası dialoq
nümunəsidir”.
A.Qutun sözlərinə görə, insanların təkcə eyni dinin başqa bir cərəyanına məxsus olmaları səbəbindən məhv edildiyi bu zalım və qanlı-qadalı dünyamızda biz İsraildə müasir, sivil və güclü Azərbaycanın həqiqi və keyfiyyətli nümunəsini müşahidə edir və dəyərləndiririk. Azərbaycan əslində islam dünyasının bir çox ölkələrinə həqiqi bir örnək, bir növ tərəqqi və inkişaf mayakı ola bilər. “İsrailin səsi” dövlət radiostansiyasında şərhlərini yekunlaşdıran Arye Qut bildirib ki, Azərbaycanın dünyanın intellektual və siyasi elitası, o cümlədən planetimizin rəngarəng mədəni palitrasını qoruyub saxlamağa qadir olan qlobal sivilizasiyanın açarlarını tapmağa çalışan tanınmış dövlət xadimləri, elmin müxtəlif sahələri üzrə Nobel mükafatı laureatları və nüfuzlu beynəlxalq təşkilatların rəhbərləri üçün beynəlxalq məkana çevrilməsi danılmaz faktdır”.
Ömər Dağlı
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO
-
Sosial13:03
Sabah 25 dərəcə isti olacaq
-
Magazin112:31
Rəşad Dağlının oğluna görün nə hədiyyə etdilər - FOTO
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır