Nida.az
Müsavatda şok MGT etirafı: “Əhliman Abbası sədr gətirdiyimiz üçün...”
Müsavat başqanının gənclərlə iş üzrə keçmiş müşaviri, Divan üzvü Səxavət Soltanlı partiyadan istefa verən Gənclər Təşkilatının sədri Əhliman Abbasa görə müsavatçılardan üzr istəyib.
Publika.az xəbər verir ki, S. Soltanlı Əhliman
Abbaslını Müsavat Gənclər Təşkilatının sədri kimi gənclərə tövsiyə
etdiyi üçün üzr istədiyini açıqlayıb.
Əhliman Abbası dəstəklədiyi üçün üzr istədi
Bildirib ki, bu təklifinin sonradan səhv olduğunu başa düşüb:
“Səhvimi xeyli əvvəl, Əhliman seçildikdən bir qədər sonra görürdüm,
son ana qədər çalışırdım ki, düzəlsin, yetişsin və s. Alınmadı. Nə
o işləməyi bacardı, nə də mən ona düz yolu izah edə bilmədim. Buna
görə hər birinizdən üzr istəyirəm. Özləri də etiraf edərlər ki,
xeyli müsavatçı gənc mənim təklifimi dəstəklədi, mənimlə bu
məsuliyyəti bölüşdü. Daha sonra biz birlikdə bütün sivil üsullardan
istifadə edib onun demokratik seçki yolu ilə Gənclər Təşkilatının
rəhbərliyinə gəlməsinə nail olduq. Bu proses şəffaf və ədalətli
olmuşdu! Baxmayaraq ki, onu dəstəkləyəndə düşüncəm və məqsədim ülvi
idi. Müsavat Gənclər Təşkilatının xeyrinə olacağını düşünüb onu
dəstəkləmişdim. O zaman fikirləşdim ki, bu gəncin xaricdə təhsil
alması, daha gənc olması Müsavat GT-yə daha çox fayda verəcək,
MGT-ni daha da cəlbedici edəcək. Amma gözlədiyimin əksinə oldu, o
seçiləndən dərhal sonra şübhəli hərəkətləri ilə məni və dostları
məyus etməyə başladı”.
“Qurultay mövzusunda MGT-nin tərəfsizlik edəcəyini
razılaşsaq da, bu razılaşmanı pozdu”
S. Soltanlı qeyd edib ki, Ə. Abbasın elə səhvləri var ki, onları
açıqlamar istəmir.
“Elementar səhvlərini açıqlayacam. 11 ay müddətində heç bir uğurlu
fəaliyyət göstərməməsi bir yana, zərərli fəaliyyət göstərməyə
başladı. MGT-nin ənənəvi iclaslarını vaxtlı-vaxtında keçirmir,
Müsavat Partiyasının təşkil etdiyi tədbirlərə belə gəlmir, gələndə
isə tədbirlərin sonunda gəlməklə, məsuliyyətsizliyi ilə məni və
dostları məyus etməkdə davam edirdi. Əvvəlcədən razılaşmamıza
baxmayaraq, gəncləri intriqaya çəkməyə çalışdı. Qurultay mövzusunda
MGT-nin tərəfsizlik edəcəyini razılaşsaq da, bu razılaşmanı pozdu.
Gənclər arasında ciddi intriqa yaratmağa başladı, gənclərin zərərli
istiqamətə yönləndirilməsindəki xüsusi rolu və həvəsli olması bizi
düşündürürdü. Şəxsi keyfiyyətlərini müzakirə etmək istəmirəm deyə,
qısa kəsirəm. Səhvlər o qədər çox idi ki, səmimi təşəbbüsüm faktiki
olaraq Müsavat Partiyasına qarşı xəyanət görüntüsü almağa başladı.
Hər kəs məni qınayır, hər kəs ona görə üstümə gəlirdi, nəticədə
“Müsavat”a qarşı etdiyim bu “səhv”dən depressiyaya düşdüm və bu,
xeyli davam etdi. Dünən eşitdim ki, Müsavat Gənclər Təşkilatının
rəhbəri mətbuata zəng edib təşkilatın “dağıldığı” haqda məlumat
verib. Bu artıq son idi, bir normal adam rəhbəri olduğu təşkilatın
dağılması haqqında informasiyanı mətbuata niyə versin? Hətta belə
hal varsa da, qarşısını almalı idi. Dura bilmədim, düzəlməyəcəyinə
tam əmin olduğum üçün daxili müzakirələrdə bu məsələnin açıq
şəkildə üstünə getdim. Getməsəydim, bu, dostlarıma və mübarizəyə
etdiyim xəyanət kimi yaddaşlara yazılacaqdı. Nəticədə məlum oldu
ki, mətbuata adlarını açıqladığı müsavatçıların 7-si, ümumiyyətlə,
istefa verməyiblər. Həmin şəxslərin ərizələrinin, müraciətlərinin
ortada olmaması, ortaya fakt qoyulmasını istəsək də, qoyulmaması
bunu deməyə əsas verir. Həmin gənclərin ikisi, sən demə, Əhliman
Abbaslıya etiraz məqsədi ilə Müsavat Partiyasından deyil, MGT-dən
istefa veriblər. Bu şübhəli fəaliyyəti, təşkilatın dağılması
haqqında açıqlaması çoxları tərəfindən verilən suallar qarşısında
susan Əhliman Abbaslı hərəkətlərinin normal izahını verə bilmədi.
Artıq belə davam edə bilməyəcəyini təxmin edirdim.
Bu gün eşitdim ki, o artıq istefa verib, onun bu qərarını Müsavat
Gənclər Təşkilatının sədri olduqdan sonra partiya üçün atdığı ən
düzgün addım kimi qiymətləndirirəm, yolu açıq olsun. Məni
qınaqlardan qurtardığı üçün ayrıca təşəkkür edirəm”, - deyə o
bildirib.
“İstefasına gətirdiyi “əsaslar” kökündən yalan, böhtan,
şərdir”
Müsavat funksioneri Ə. Abbasın istefa səbəblərini böhtan
adlandırıb: “İstefasına gətirdiyi “əsaslar” kökündən yalan, böhtan,
şərdir. İndidən bir gəncin bu qədər yalanları özünə qalxan etməsi
narahatlıq yaradır. Yalan insani keyfiyyət deyil. İnsan yalanlarla
özü ilə yanaşı, başqalarını da uçuruma aparır. Sual edə bilərsiniz
ki, bu məsələni əvvəllər niyə qabartmadınız, niyə yazmadınız? İlk
olaraq düşündüm ki, düzələr, daha sonra isə namizədlərdən birini
dəstəklədiyi üçün seçkiqabağı düzgün anlaşılmaz deyə, bu məsələyə
toxunmamağı üstün tutdum. Müsavat Gənclər Təşkilatının üzvləri
çalışır, fəaliyyət göstərir, bundan sonra daha güclü olacağına da
heç kimin şübhəsi olmasın”.
Qeyd edək ki, Ə. Abbas istefasına səbəb kimi partiyada ikiüzlülüyün
olması, siyasi səviyyəsizlik, qaragüruhun hegemonluğunu
göstərib.
Asif Nərimanlı
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?
-
Magazin123 Aprel 23:36
Tünzalə imicini dəyişdi - FOTO
-
MDB23 Aprel 23:12
Şoyqunun müavini SAXLANILDI - Külli miqdarda rüşvət alıb
-
İdman23 Aprel 22:48
Son çempion boşanır: uşaqlıqdan başlayan nağıl bitir
-
Dünya23 Aprel 21:36
Məşhur bloqer helikopterdən bir çanta pulu çimərliyə SƏPƏLƏDİ - VİDEO