Ellada Məmmədli: “Arif Hacılı sevgisi altında mənfəətpərəstlər Müsavatı dağıdır”
Bizi izləyin

Nida.az

Ellada Məmmədli: “Arif Hacılı sevgisi altında mənfəətpərəstlər Müsavatı dağıdır”

“Qurultayda Qubad İbadoğlunu dəstəklədiyim üçün məni istefaya çağırırlar”.


Bunu Publika.az-a açıqlamasında Müsavat Qadınlar Birliyinin sədri Ellada Məmmədli sosial şəbəkələrdə yayılan çağırışlara münasibət bildirərkən deyib.


E. Məmmədli bildirib ki, MGT sədri Əhliman Abbasın istefasından sonra onu da istefa verməyini istəyirlər: “Yazırlar ki, Müsavatda MGT və MQB var. Əhliman Abbas getdi, o biri də getməlidir. Çünki mən Qubad bəyi dəstəkləmişəm. Demokratiya deyilmi? Mən də öz azad hüququmdan istifadə edərək, öz namizədimə səs vermişəm. Amma arxa planlada başqa oyunlar gedir. Vaxtilə mən Qadınlar Birliyinə Arif Hacılının razılığı olmadan səs çoxluğu ilə seçilmişdim, amma onun öz namizədi var idi. Buna görə də mənə qarşı belə kampaniya aparılır. Lakin mənim getmək fikrim yoxdur, mübarizəni partiyada qalmaqla davam edəcəm”.


Sosial şəbəkələrdə Müsavatın “gizli qrupu”ndakı təhqirlərə münasibət bildirən E. Məmmədli bildirib ki, müsavatçı gənc alimi təhqir etməyin bir açıqlaması olmalıdır: “Allahı sevənlər Allahsızlıq etməz. Hər iki statusdan birini Qubad bəy və tərəfdarlarının əleyhinə yazırlar. Bu qədər kin kimə və niyə lazımdır. Ayıb deyilmi?”

MQB sədri bildirib ki, “Arif Hacılı” sevgisi adı altında müsavatı dağıdırlar.


“Müstəqil düşüncəli insanlar müstəqil olaraq da hərəkət edirlər. Raufun, Elçinin, Rasimin, Cavidanın və adlarını saya bilmədiyim digər gənclərlə yanaşı, Əhlimanın da verdikləri tələsik bəyanata çox üzülürəm. Onların bu addımına “Gizli qrupun” təsiri böyük rol oynayıbdır. Baxın, bu gün gəncləri uğurlayan da, arxalarınca şər-böhtan yağdıran da həmin qrupun üzvləridir. Onlara gizli şəkildə göstəriş verilibdir. Övladları, nəvələri yerində olan gənclərə hədyan deməkdən də çəkinmirlər. “Arif Hacılı” sevgisi adı altında gizlənən siyasi mənfəətpərəstlər, karyeristlər partiyanı dağıtmaqda maraqlıdırlar”, - deyə E. Məmmədli bildirib.


Asif Nərimanlı

Oxumağa davam et
Reklam
Reklam

Gündəm