• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Müsavatdan kütləvi istefa: Tovuz rayonunda yeni təşkilat qurulur- Açıqlama

  • Nida.az
  • 16 Oktyabr 2014 12:48
  • 397 Baxış
Müsavatdan kütləvi istefa: Tovuz rayonunda yeni təşkilat qurulur- Açıqlama

Müsavatda partiyasının Tovuz rayon təşkilatı tam tərkibdə istefa verib.


Publika.az xəbər verir ki, təşkilatın istefa bəyanatında səbəb kimi etinasızlıq göstərilib: “Qurultay ərəfəsində və sonra baş verənlər demokratik prinsipləri tapdalayanlarla birlikdə mübarizə aparmaq imkanlarını tükədir”.

Təşkilatın sədr müavini Əsəd Məmmədli Publika.az-a açıqlamasında tam tərkibdə istefanın Arif Hacılıya etiraz əlaməti olduğunu deyib. Bildirib ki, Müsavatda baş verənlərlə razılaşa bilmirlər.

“Məqsədin ölkədə demokratiya qurmaq olduğunu bəyan edirlər, amma partiya daxilində ədalət prinsipi pozulur. Bunu necə izah etmək olar? Baş verənlərdən sonra istefa vermək qərarına gəldik”, - deyə o bildirib.

Ə. Məmmədli istefa verənlərin sonrakı fəaliyyəti haqqında danışıb. Bildirib ki, hər kəs şəxsi müstəqil qərarına görə hərəkət edə bilər.

Müsavatın təşkilat şöbəsinin müdiri Razim Əmiraslanov Publika.az-a açıqlamasında bunu təəssüflə qarşıladıqlarını deyib. Onun sözlərinə görə, Tovuz rayon təşkilatının istefa bəyanatı ilə partiya rəhbərliyi tanış olub: “Müsavat Partiyasına qəbul fərdidir. Rayon təşkilatının rəhbərliyinə daxil olan bəzi şəxslər partiyanı tərk edib. Lakin Tovuz rayon təşkilatında Müsavat partiyasının ümumi ideoloji xəttini dəstəkləyən müsavatçılar var. Biz onlarla əlaqə saxlamışıq və yaxın zamanlarda Tovuz rayon təşkilatının fəaliyyəti bərpa olunacaq”.

Asif Nərimanlı


Xəbər lenti

DAHA ÇOX XƏBƏR