Nida.az
Müsavatın “Gizli qrup”u haqda daha bir fakt
Müsavat Partiyasından istefa verən Nəsimi rayon təşkilatının təşkilatı məsələlər üzrə sədrinin keçmiş müavini Rauf Məmmədli Arif Hacılı və komandası haqda maraqlı faktlar açıqlayıb.
Publika.az açıqlamasında R. Məmmədli Arif Hacılının
tapşırıqlarını yerinə yetirdiyi yetirdiyi iddia olunan Müsavatdakı
“Gizli qrup” haqda bildirib ki, bu qrupun üç idarəçisi var: “Bu
idarəçilərdən biri Arif Hacılın əmrlərini icra edən və onun
təşəbbüsü əsasında eyni adlı qrupa idarəçi kimi təyin olunmuş bir
şəxsdir. Deməli, bizim partiyadan ayrılmamızla bağlı məsələ
mətbuatda yer alan kimi qrupun bu idarəçisi dərhal məsələyə
münasibət bildirib, hətta bununla bağlı sonradan status da yazıb.
Adam deyir ki, bu qrup partiyanın rəsmi qrupudur. Partiyadan
çıxmaqla bağlı qərar verən insanlar artıq burada fəaliyyət göstərə
bilməz. Digər tərəfdən isə Arif Hacılının yaxın silahdaşları Gülağa
Aslanlılar, Elman Fəttahlar partiyadan ayrılmış gənclərlə bağlı
məsələyə münasibət bildirərkən qeyd ediblər ki, rəsmi şəkildə bu
barədə partiyaya müraciət olunmayıb. Nizamnaməni əsas gətirib
partiyadan ayrılmaqla bağlı sosial şəbəkələrdə yazılmış bəyanatları
əsassız hesab ediblər. Bu məsələyə rəsmi müraciət olunduqdan sonra
bir söz deyə biləcəklərini dilə gətiriblər. Yəni, bunların sözündən
belə çıxır ki, biz hal-hazırda partiya üzvüyük. Bunlar ya özləri nə
dediklərini, nə etdiklərini bilmirlər, ya da ki bunların tutduğu
yol, yürütdükləri siyasət belədir. Mətbuata açıqlama verərkən
özlərindən mələk obrazı yaradıb, amma öz daxili qruplarında belə
məkrli işlərlə məşğul olmaq. XXI əsrdə ən güclü təbliğat və
ünsiyyət vasitəsi kimi qəbul edilən bir sosial şəbəkəni çayxana ilə
müqayisə etmək və buranı həqiqətən də çayxanaya çevirmək
istəyənlərdən başqa bir şey gözləmək də axmaqlıqdır”.
R. Məmmədli qeyd edib ki, gənclər olaraq əsas amalları partiyanın
güclənməsi, yenilənməsi və proseslərin hərəkətverici qüvvəsi
sayılan gənclərin partiyaya cəlb olunaraq müsavatçılıq
ideologiyasını yaşatması, Rəsulzadə irsini qoruyub saxlayaraq
sonrakı nəslə çatdırılması olub.
“Misal olaraq deyim ki, partiyada təmsil olunduğum dövrdə rayon
təşkilatında “Gənc Məhəmməd Əminçilər” adlı gənclər özəyi
yaratmışam. Nizamnaməyə uyğun olaraq iclaslarımız keçirilib,
protokollar tərtib olunub. Daha sonra Nəsimi rayon təşkilatında
təşkilati məsələlər üzrə müavin olmuşam. Partiyanın təşkil etdiyi
razılaşdırılmış, razılaşdırılmamış mitinqlərdə, digər tədbirlərdə
iştirak etmişəm. Bizim ümumilikdə proseslərə heç zaman mənfi
təsirimiz olmayıb. Bundan savayı partiya işində yaxından iştirak
etməyimiz bizlərə ümumi vəziyyəti qiymətləndirmək üçün müəyyən
imkanlar yaradıb. Çox təəssüflə qeyd etmək gərəkdir ki, partiyanın
əsas strukturlarında fəaliyyətsizlik hökm sürməkdədir. Nizamnaməni
tez-tez əsas gətirən insanlar nəzərdə tutulmuş nizamnamə
tələblərinə uyğun iclaslar keçirə bilmir. Özəklərin fəaliyyəti
demək olar yoxdur. Aylarla rayon təşkilatları, illərlə özəklər heç
bir iclas keçirmir və ya keçirə bilmir, məhv olub gedirlər. Biz
bunların aradan qaldırılmasını, partiyanın fəaliyyətinin bərpa
edilməsini istəyirdik. Bu işlər cəmiyyətə demokratik seçki keçirdik
görüntüsü yaratmaqla olmur. Dəyişiklik olmalıdır”, -deyə o
bildirib.
Qeyd edib ki, Arif Hacılının seçilməsi ilə hansı dəyilşikliyə nail
olmaq olar? “İllərdir bu insan partiyanın İcra Aparatının
rəhbəridir. Bu fəaliyyətsizliyi aradan qaldırmaq, baş verənləri
araşdırmaq, partiyanın güclənməsinin, işinin təşkilində bilavasitə
iştirak etmək üçün yetkili şəxs daim o olub. Əziyyət çəkib, həbsdə,
mübarizənin önündə olub. Bu, danılmaz faktdır. Amma onun icra
aparatının rəhbəri olduğu dövrlərdə bu fəaliyyətsizliyi aradan
qaldırmaq mümkün olmayıbsa, o başqan olaraq bunu necə edəcəkdir?
Bütün bunlara görə bizə yeni düşüncə, yeni bir şəxs lazım idi. Məhz
buna görə bizlər Qubad bəyi dəstəkləyirdik. Çox acınacaqlı
durumdur”.
Asif Nərimanlı
-
Sosial16:08
Əli Əsədov yeni qərar imzaladı
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı
-
Magazin113:31
Tolik pərt etdi: "Bu da liftdə öpüşən Sabir" - VİDEO
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO