Nida.az
Müsavatda “Tovuz çatı”: İstefaları kimlər təşkil edir?
Müsavat Partiyasının VIII qurultayından sonra istefaların olacağı gözlənilirdi. Halbuki yeni başqan Arif Hacılı istefaları olacağına inanmadığını açıqlamışdı.
Lakin müxalifətin ən stabil partiyalarından hesab olunan Müsavat
üçün uzun müddət gecikən qurultay uğurlu olmadı. Partiyada
islahatçılarla, mühafizəkarlar qarşı-qarşıya dayanıb və bu
qarşıdurmanın nəticəsi partiya üçün xoşagəlməz nəticələrə səbəb ola
bilər.
Artıq istefa verənlərin siyahısı hər gün genişlənir. İstefa
verənlərin arasında MGT sədri Əhliman Abbasdan tutmuş Tofiq
Hüseynliyə qədər (“Qara Tofiq”– red) var.
Ən diqqətçəkən və kütləviliyinə görə seçilən istefa isə
partiyanın Tovuz rayon təşkilatıdır.
Təşkilat rəhbərliyi 19 nəfərlə birlikdə qurultay ərəfəsi və ondan
sonra baş verənlərə etiraz olaraq istefa verdilər.
Partiyanın yeni rəhbərliyi məsələyə dərhal reaksiya verərək sanki
heç bir itkinin olmadığı kimi “siz gedərsiniz, biz yenisini
qurarıq” tipli açıqlama verdi.
Müsavatın Təşkilat Şöbəsinin müdiri Razim Əmiraslanlı
Publika.az-a bildirdi ki, Tovuz rayon təşkilatının
istefa bəyanatı ilə partiya rəhbərliyi tanış olub: “Müsavat
Partiyasına qəbul fərdidir. Rayon təşkilatının rəhbərliyinə daxil
olan bəzi şəxslər partiyanı tərk edib. Lakin Tovuz rayon
təşkilatında Müsavat partiyasının ümumi ideoloji xəttini
dəstəkləyən müsavatçılar var. Biz onlarla əlaqə saxlamışıq və yaxın
zamanlarda Tovuz rayon təşkilatının fəaliyyəti bərpa olunacaq”.
Bu yaxınlarda 103 yaşını qeyd edən partiya faktiki olaraq
parçalanma ilə üz-üzə qalıb. Yeni başqana qarşı çıxanlar müsavatın
kifayət qədər nüfuzlu kəsimidir ki, onlar hazırkı vəziyyətlə
barışmaq niyyətində deyillər.
Arif Hacılının əsas əleyhdarlarından olan Səxavət Əlisoyla Adil
Qeybulla Siyasi Dialoq və İslahatlar Mərkəzi (SDİM) yaratdılar.
Müsavatda baş verənlərdə diqqətçəkən əsas məqam çatların Tovuz
rayon təşkilatından başlamasıdır.
Belə ki, Arif Hacılının üç əsas əleyhdarı - Vurğun Əyyub, Tofiq
Hüseynli (“Qara Tofiq”) və Rauf Arifoğlu bu rayon təşkilatının əsas
özəyini qurublar.
R. Arifoğlu bu seçkidə mövqeyini o qədər də büruzə vermədi, hətta müəyyən mənada yeni başqana dəstəyini də göstərdi. Onun Tovuz müsavatçıları istefa verəndən sonra “Atam, anam, kənddəki qohumlarım Müsavat Partiyasının üzvləridirlər. Heç biri istefa verməyib, istefa vermək fkirləri də yoxdur. Ümumiyyətlə, Tovuz təşkilatının nominal üzvlərinin 85 faizi istefa verməyib - sadəcə qeyri-fəal vəziyyətdədirlər” açıqlaması da bunu göstərdi.
“Qara Tofiq”: AXC zamanında kənd təsərrüfatı naziri olmuş T.
Hüseynli uzun illər isa Qəmbərin müşaviri olub. Öz zəhmi və
çəkisinə görə nüfuzludur. Onun partiyada sözü yetərincə keçir.
Müsavatın ən nüfuzlu “kliçkalı” müşaviri partiyadan dünən istefa
verdiyini açıqladı. Lakin qısa olaraq, “tale belə gətirdi” sözləri
ilə gedişini izah etdi.
Amma bəlli idi ki, “Qara Tofiq” onun rəhbərliyi ilə Tovuz rayonunda qurultaya nümayəndə seçmək üçün keçirilən müşavirənin nəticələri ləğv edildiyi üçün bu addımı atdı.
S. Əlisoy bununla bağlı bildirib ki, T. Hüseynli Q. İbadoğlunu
dəstəklədiyi və onun iştirakı ilə seçilən qurultay nümayəndələri
Arif Hacılıya qarşı olduğu üçün nəticələr ləğv edilib.
Bu baxımdan, “Tovuz çatı”nın arxasında görünən əsas fiqurlardan
biri “Qara Tofiqdir”.
İkinci əsas fiqur isə Vurğun Əyyubdur. Vurğun Əyyub müsavatın
ziyalı kəsimində əsas şəxslərdən hesab olunur. O, Qubad İbadoğlunun
qatı tərəfdarıdır və Arif Hacılının başqan olduğu seçkini şübhə
altına alan ilk çəkili müsavatçıdır.
“Hesab edirəm ki, seçkilərin keçirilməsində bəzi qüsurlara və
ədalətsizliyə yol verildi. Bu da keçirilən seçkilərin nəticələrinin
legitimliyini şübhə altına alır. Legitimliyi şübhə altında olan
başqanı mən heç vaxt təbrik etməyəcəyəm”, - deyə o bildirmişdi.
Ardınca A. Hacılının qardaşı, Əhrar Partiyasının sədri Vaqif
Hacıbəyli ilə sərt qarşıdurmaya getdi.
“Tovuz çatı”nın baş verməsində V. Əyyubunun da kölgəsi görünür.
Məqsəd güman ki, güclü Arif Hacılı komandasının sıradan çıxarılması və İsa Qımbərin də tanıdığı seçkinin nəticələrinə yenidən baxılmasına nail olmaqdır.
Asif Nərimanlı
-
Yaxın Şərq13:16
Mahmud Abbas ermənini nazir təyin etdi - FOTO
-
Sosial13:03
Sabah 25 dərəcə isti olacaq
-
Magazin112:31
Rəşad Dağlının oğluna görün nə hədiyyə etdilər - FOTO
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi