• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

Arif Hacılı çağırış etdi: “İttihamları seçki fəsadı kimi dəyərləndirib unutmağa çalışaq”

  • Nida.az
  • 18 Oktyabr 2014 10:41
  • 416 Baxış
Arif Hacılı çağırış etdi: “İttihamları seçki fəsadı kimi dəyərləndirib unutmağa çalışaq”

Müsavat başqanı Arif Hacılı seçkinin nəticələrindən razı qalmayanlara çağırış edib.

Publika.az xəbər verir ki, Müsavat başqanı yaydığı bəyanatda olub-keçənləri unutmağı təklif edir.

“Əziz dostlar, Müsavat Partiyasında keçirilən seçkilər zamanı rəqabət şəraitində irəli sürülən iradları, ittihamları hətta etik normaları aşmış olsa belə unudacağımı demişdim. Hər kəsi də 27 sentyabr Qurultay günündən sonra əvvəlki rəqabəti unutmağa birgə fəaliyyət göstərməyə çağırmışdım.

Əksər partiya üzvləri bu çağırılma qoşulsalar da qarşılıqlı ittihamlar tam durdurulmadı. 18 oktyabr istiqlal günündə bir daha partiya üzvlərinə səslənirəm. Partiyada bu günədək olan ittihamlar, təftişçilik meylləri ilə bağlı hərəkətləri seçki kampaniyası kontekstində olan fəsadlar kimi dəyərləndirib unutmağa çalışaq.

Təhqir və böhtanlar istisna olmaqla və partiyanı tərk edənlərlə bağlı sərt mövqeyimizdə qalmaqla, olub keçənləri unudaq. Qucaqlaşaq. Yolumuza hər bir partiya üzvü ilə birlikdə davam edək. Hər birinizi bir daha Milli İstiqlal günü münasibəti ilə təbrik edirəm”, - deyə Müsavat başqanı bəyan edib.

Asif

Xəbər lenti

DAHA ÇOX XƏBƏR