Nida.az
Alman politoloq: “Berlin Qarabağın həlli üçün konkret addımlar atmalıdır”
“Almaniya Dağlıq Qarabağla bağlı səsləndirdiyi bəyanatların arxasından münaqişənin həlli üçün konkret addımlar atmalı və ATƏT-in Minsk qrupunda ən fəal üzv olan Rusiya ilə əməkdaşlıqdan qaçmamalıdır”.
Publika.az xəbər verir ki, bu barədə alman
politoloq Hayko Lanqner Almaniya xarici işlər naziri
Frank-Valter Ştanmayerin Cənubi Qafqaza səfəri
çərçivəsində Bakı və İrəvanda münaqişəni müzakirə etməsini şərh
edərkən deyib.
Laqner Almaniyanın Bundestaqda Sol fraksiyasının sorğusuna cavabını
xatırladıb.
“Federal hökumət sorğuya cavabında bildirdi ki, Minsk qrupunun əsas
həmsədri kimi Rusiyanın sülh səylərini dəstəkləyir. Lakin Berlinə
konkret addım atmaq və Rusiya ilə daha sıx əməkdaşlıq etmək
lazımdır. Ukrayna münaqişəsində Almaniya hökumətinin birtərəfli
mövqeyinə və Rusiyaya qarşı sanksiyaların tətbiqinə verdiyi dəstəyə
görə Berlinlə Moskva arasında etibar böhranı yaranıb. Lakin Dağlıq
Qarabağ münaqişəsinin mərhələli həllini dəstəklədiyi üçün
Almaniyanın mövqeyi Rusiyanın hazırkı təşəbbüsləri ilə praktiki
olaraq uyğun gəlir. Bu, Minsk qrupu çərçivəsində Berlin və
Moskvanın daha intensiv əməkdaşlığı üçün sahəni açır”, - deyə alman
politoloq bildirib.
H. Lanqner həmçinin qeyd edib ki, Almaniya üçün Azərbaycan və
Ermənistanla müzakirə etməyə başqa mövzuları da var: “Alman xarici
işlər nazirinin səfəri hər iki ölkənin Avrointeqrasiya baxışlarını
dəyişdirə bilər. Çünki Ermənistan Rusiyanın Avrasiya İttifaqına
daxil oldu, Azərbaycanda Assosiativ Sazişi imzalamaq istəmədi.
Berlin bu itkiləri minimallaşdırmağa və “Şərq Tərəfdaşlığı”
çərçivəsində hər iki ölkə ilə əməkdaşlığı xilas etməyə
çalışacaq”.
Cənubi Qafqaza səfər edən Almaniyanın xarici işlər naziri Valter
Ştaynmayer Bakı və İrəvanda olub.
Əvvəlcə Bakıya gələn alman diplomat yüksək səviyyədə görüşlər
keçirərək Qarabağ məsələsini müzakirə edib.
Erməni mediasının yaydığı xəbərə görə, alman diplomat Ermənistanda
da Qarabağ münaqişəsinin nizamlanması istiqamətində müzakirə
aparılıb.
V. Ştaynmayer oktyabrın 27-də keçiriləcək Paris görüşünə böyük
ümidlər bəslədiklərini açıqlayıb.
Qeyd edək ki, alman diplomatın regiona səfəri ərəfəsində Almaniya
Federal Hökuməti Bundestanqda Sol kommunist fraksiyası Almaniya
Federal hökumətindən Dağlıq Qarabağ münaqişəsinin nizama salınması
prosesində aldığı rol üzrə təfsilatlı hesabat tələb edən sorğusuna
cavabında bildirib.
Rəsmi Berlinin mövqeyində Azərbaycanın ərazi bütövlüyü dəstəklənir, həmçinin Yerevanı ilkin mərhələdə ətraf 7 rayonu qaytarmağa çağırır. Rəsmi Berlin qondarma “DQR”-ə İrəvanın dəstəyini də xüsusi vurğulayıb.
Asif Nərimanlı
-
Magazin121:05
O getdi, mən də daha yoxam! - Əməkdar artist səhnə ilə vidalaşdı
-
Sosial19:35
Özünü öldürən sabiq pediatrın iş yoldaşı DANIŞDI: “Ailə məsələsi deyil..."
-
ABŞ19:25
Bayden Ukraynaya hərbi yardım haqqında qanunu İMZALADI
-
Rəsmi xronika18:40
Prezidentlər mətbuata bəyanatlarla çıxış etdilər - FOTO/YENİLƏNDİ
-
Hadisə18:33
Bakı hava limanında həyəcan siqnalı: Təyyarə qəza enişi etdi - FOTO
-
Sağlamlıq17:27
Yapon alimləri xərçənglə mübarizə üçün unikal vasitə hazırladı
-
Sosial17:00
Sabiq baş pediatrın intiharı ilə bağlı cinayət işi başlandı - Yeniləndi
-
Cənubi Qafqaz16:39
Ukrayna deputatları Vardanyanı biabır etdilər - Nobel Komitəsinə müraciət