Nida.az
YAP-da baş redaktorlarla görüş keçiriləcək
Bu gün Yeni Azərbaycan Partiyasının Mətbuat və ictimai əlaqələr komissiyasının ilk iclası keçirilib. YAP İdarə Heyətinin üzvü, komissiyanın sədri Nizami Xudiyev bildirib ki, Mətbuat və ictimai əlaqələr komissiyası Yeni Azərbaycan Partiyası İdarə Heyətinin 7 noyabr 2013-cü il tarixli iclasmın qərarı ilə yaradılıb. N.Xudiyev qeyd edib ki, komissiya Azərbaycan Respublikasının qanunvericiliyinə və müvafiq Əsasnaməyə uyğun olaraq fəaliyyət göstərir.Onun sözlərinə görə, komissiya partiyanın İcra Katibliyi ilə sıx təmasda fəaliyyət göstərəcək və kütləvi informasiya vasitələri ilə əlaqəli işləyəcək.
Publika.Az-a YAP mətbuat xidmətindən verilən xəbərə görə,
2014-cü il üçün iş planı haqqında danışan sədr deyib ki, komissiya
və mətbuat arasında əlaqələrin tənzimlənməsini təmin etmək
məqsədilə KİV rəhbərləri ilə geniş tərkibdə müzakirənin təşkil
olunması nəzərdə tutulur. Eyni zamanda, komissiya qarşıdan duran
vəzifələrin icra vəziyyətini müzakirə etmək üçün hər rübdə bir dəfə
toplanacaq.
Daha sonra Komissiyanın vəzifələrindən ətraflı bəhs edən N.Xudiyev
bildirib ki, dövlətçiliyimizin qorunmasında böyük rola malik olan
azad mətbuatın inkişafına xidmət edən addımlar davamlılığı ilə
diqqət çəkir. Onun fikrincə, hər dövrün öz tələbi olduğu üçün
mətbuatın da qarşısında yeni-yeni vəzifələr dayanır. Yazılı və
elektron KİV-lərin ictimai fikrə təsir imkanlarının genişliyini
nəzərə alsaq, bu gün ictimaiyyətin onlardan əsas gözləntilərinin
nədən ibarət olduğu aydınlaşar. «Azərbaycan Prezidenti, Yeni
Azərbaycan Partiyasının Sədri cənab İlham Əliyevin rəhbərliyi
altında həyata keçirilən möhtəşəm islahatların uğurlu nəticələri,
qazanılmış nailiyyətlər ideoloji sahədə alternativi olmayan bir
vasitədir. Bu nailiyyətlərin ictimai rəyə tam hakim kəsilməsi KİV
üzərinə mühüm vəzifələr qoyur. Bu istiqamətdə görülən işlərlə bağlı
daha səmərəli rəy və təkliflərin hazırlanmalıdır. Ümummilli lider
Heydər Əliyevin şah əsəri bu günkü qüdrətli, dinamik inkişaf edən,
zəngin və demokratik Azərbaycan Respublikasıdır. Ulu öndər Heydər
Əliyev siyasi irsinin əbədiliyi və müstəqil Azərbaycan ilə
paralelliyi daim diqqət mərkəzində saxlanılmalıdır. Həmçinin,
Azərbaycanın müharibə vəziyyətində olduğunu nəzərə alaraq, ən mühüm
problemimiz olan Ermənistan-Azərbaycan, Dağlıq Qarabağ
münaqişəsinin əsil mahiyyətini özündə əks etdirən yazılara və
verlişlərə daha geniş yer verilməsinə nail olmalıyıq. Münaqişə ilə
bağlı həqiqətlərin dünya ictimaiyyətinə çatdırılmasında qazanılmış
nailiyyətlərlə kifayətlənməməli, bu səpkidə audio, video
materialların, eləcə də yazılı məlumatlarm yayımına təkan
verilməlidir. Hesab edirəm ki, komissiyamız bu məsələləri diqqətdə
saxlamalıdır»- deyə, N.Xudiyev vurğulayıb.
Komissiya sədri vətənpərvərlik mövzusunda yazıların və verlişlərin artırılmasmasına da böyük zərurətin olduğunu bildirib. O, qeyd edib ki, dövlətimizin suverenliyinin, sərhədlərinin toxunulmazlığının qarantı olan ordumuzun qüdrətinin daha da artırılması istiqamətində mühüm addımlar atılır. Ona görə də, cəmiyyətin bir hissəsi olan ordunun döyüş qabiliyyətinin artırılması, maddi-texniki bazasının möhkəmləndirilməsi istiqamətində atılan addımların geniş işıqlandırılması işləri daha da gücləndirilməlidir. Qeyd olunub ki, hüquqi, dünyəvi dövlət quruculuğu yolunda inamla irəliləyən Azərbaycanın Dağlıq Qarabağ problemi ilə yanaşı, eyni zamanda münaqişə nəticəsində öz doğma yurd-yuvalarından didərgin düşmüş soydaşlarımızın pozulmuş hüquqlarının bərpası probleminin həllində üzərində düşən vəzifəni yüksək səviyyədə yerinə yetirilməsinə səy göstərilməlidir. Bu məsələ daim diqqətdə saxlanılmalıdır ki, insan hüquq və azadlıqlarının qorımmasını həyata keçirdiyi siyasətin önündə saxlayan Azərbaycan dövləti bir milyondan artıq soydaşımızın pozulmuş hüquqların da bərpasına çalışır, beynəlxalq təşkilatları bu məsələyə diqqət göstərməyə çağırır.
Xarici dövlətlərlə mövcud olan əməkdaşlıq körpüsünün
möhkəmlənməsində mətbuatın da rolunun inkaredilməz olduğunu deyən
N.Xudiyev qeyd edib ki, təcrübə mübadiləsinin, media qurumları
arasında əlaqələrin genişləndirilməsi fonunda həm də bu missiyanın
uğurla həyata keçirilməsinə dəstək göstərməlidir. Onun fikrincə,
mətbuat cəmiyyətin güzgüsü olaraq obyektivlik, qərəzsizlik
prinsiplərini heç zaman unutmamalıdır: «Təbii ki, ölkəmizin
qazandığı uğurlarla yanaşı, müəyyən problemlər də mövcuddur.
Mətbuat heç bir qərəzə yol vermədən həmin problemlərin
işıqlandırılmasına və öz müsbət həllini tapmasma töhfəsini
verməlidir».
İclasda komissiyanın üzvləri çıxış edərək, qarşıda duran vəzifələr,
eləcə də iş planı haqqında fikir və təkliflərini bildiriblər.
Müzakirələrin sonunda YAP-ın Mətbuat və ictimai əlaqələr
komissiyasının 2014-cü il üçün iş planı təsdiq olunub.
YAP Siyasi Şurasının üzvü, partiyanın Mətbuat xidmətinin rəhbəri Hüseyn Paşayev Mətbuat və ictimai əlaqələr komissiyasının sədr müavini seçilib.
Vasif
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO