Nida.az
“Əli Kərimli hakimiyyət üçün şeytanla da əməkdaşlığa hazırdır” - MÜSAHİBƏ
Bütöv Azərbaycan Xalq Cəbhəsi Partiyasının (BAXCP) sədr müavini Niyaməddin Orduxanlı Publika.az-a müsahibə verib.
- Bələdiyyə seçkiləri ərəfəsində ölkədəki ictimai-siyasi
durumu necə dəyərləndirirsiniz?
- Artıq bələdiyyə seçkilərinə rəsmi start verilib. Hakım Yeni
Azərbaycan Partiyası və bir neçə müxalifət partiyası da seçki
hazırlıqlarını bəyan ediblər. Biz Bütöv Azərbaycan Xalq Cəbhəsi
Partiyası olaraq bu hazırlığı bir neçə ay bundan əvvəl partiya
daxilində həyata keçirmişik. Hazırda BAXCP-nin Azərbaycan üzrə 56
rayon təşkilatı mövcuddur. Məlum olduğu kimi bələdiyyə seçkiləri
kütləvi iştirak deməkdir. Biz çalışacağıq ki, maksimum dərəcədə
partiyanın namizədi ilə seçkilərdə iştirak edək. Burada söhbət
yüzlərlə insandan gedir. Namizədlərimiz partiyanın nüfuzlu şəxsləri
olacaq. Hətta ola bilsin ki, BAXCP-nin üzvü olmayan nüfuzlu
şəxsləri də partiya kimi müdafiə edək. Partiyanın namizədləri
arasında BAXCP sədrinin müavini də daxil olmaqla rayon şöbə
sədrləri, alı məclis üzvləri və digər vəzifə tutan şəxslər olacaq.
Nəzərinizə çatdırım ki, 2009-cu ilin bələdiyyə seçkilərində Bütöv
Azərbaycan Xalq Cəbhəsi Partiyası seçki prosesinə qatılan
partiyalar arasında 3-cü yeri tutub. Bu dəfə isə çalışacağıq ki,
seçkilərdə 2-ci yeri tutaq. Buna bizim potensialımız da çatır.
Seçkidə əsas rəqibimiz isə hakim Yeni Azərbaycan Partiyası
olacaq.
- Müxalifət düşərgəsində təmsil olunan partiyaların
əksəriyyəti, xüsusilə Azərbaycan Xalq Cəbhəsi Partiyası və Müsavat
bu seçkilərdə iştiraka maraqlı görünmür. Sizcə, seçkilərə olan
maraqsızlıq özünə güvənməməkdən irəli gəlir, yoxsa elektorat
azlığından?
- Bəli, düzgün müşahidədir. Yalnız radikal siyasi düşərgə bələdiyyə
seçkilərində iştirakda maraqlı görünmür. Bunun əsas səbəbi onların
yerlərdə çox zəif bazalarının olmasıdır. Bu gün Əli Kərimlinin
yanında kim qalıb ki, hələ onun partiyasından namizəd də olsun? Son
günlər orda qalan 3-5 adam da istefa verib. Bunlar yaxşı bilir ki,
1700 bələdiyyəyə namizəd vermək lazımdır. Bu elə 1700 nəfər
deməkdir. Əli Kərimlinin mitinqinə 500-600 nəfərdən artıq adam
gəlmir. Haradan tapacaq bu qədər insanı? Ona görə də bu adamlar
bələdiyyə seçkilərində iştirakda maraqlı deyillər. Son prezident
seçkilərində özləri etiraf edirdi ki, məntəqələrə müşahidəçi
verməyə namizəd tapa bilmirlər. Bunların verdiyi müşahidəçilər
ümumi məntəqələr üzrə 10 faiz deyildi.
- Bu arada sözügedən partiyalar cidd-cəhdlə Leyla Yunusu
qəhrəman etməyə çalışır. Sizcə, belə bir sifariş müxalifətə müəyyən
xarici dairələrdən gəlir?
- Onlar birbaşa xarici təşkilatların tapşırıqlarını həyata
keçirirlər. Özlərini onların yanında “sözəbaxan” kimi göstərirlər.
Bu yaxınlarda qeyri-hökumət təşkilatları rəhbərləri ilə hökumət
nümayəndələrinin görüşü keçirildi. Həmin görüşə mən də dəvət
edilmişdim. Orada olan bu insanlara sual verdim. Son 3-4 ildə
beynəlxalq donorlar Azərbaycana 22 milyon dollar qrant veriblər və
bu qrantların 75 faizi ancaq radikal müxalifətə yaxın 10-15
qeyri-hökumət təşkilatı arasında bölünüb. Niyə? Məqsəd nədir? Bu
gün ölkədə 3000-ə yaxın qeyri-hökumət təşkilatı var. Kim bu ölkənin
milli maraqlarını satmağa hazırdırsa, bu pulu ona verirlər. Heç
biri mənim bu sualıma cavab verə bilmədi. Özləri də yaxşı bilir ki,
mənim sualım haqlıdır və bu pulu xarici təşkilatlar ona görə
ayırırlar ki, istədikləri vaxt Azərbaycan prezidenti əleyhinə
çıxsınlar, Azərbaycanın milli maraqlarına zərbə vursunlar. Onların
məqsədi budur. Leyla Yunus isə 1992-ci ildən Azərbaycan dövlətinin
əleyhinə olan bir insandır. O, bütün ömrünü buna sərf edib. Xüsusi
xidmət orqanlarının əməkdaşları mərhum Əbülfəz Elçibəy prezident
olduğu dövrdə Müdafiə Nazirliyində vəzifə sahibi olan həmin Leyla
Yunusun gizli danışıqlarını tutmuşdular. Hələ o zaman Leyla Yunus
xarici dövlətə casusluq edirmiş. İndi Əli Kərimli və onun kimilər
bu adamı “qəhrəman” sayır. O dövrün mətbuatını oxuyun və görün ki,
Elçibəy bu satqın adam haqqında hansı fikirləri işlədib.
- Bu cür şəxslərin cidd-cəhdlə müdafiəsi nə dərəcədə
məntiqlidir?
- Leyla Yunusu müdafiə edən Əli Kərimli beynəlxalq təşkilatlara xoş
gəlmək üçün bu addımı atır. Onun üçün heç bir ölçü yoxdur. Bu adam
hakimiyyətə gəlmək üçün şeytanla da əməkdaşlığa hazırdır.
Asif
-
Sosial17:54
Əli Əsədov qərar imzaladı
-
Qarabağ 17:13
Xankəndidə ilk körpə dünyaya gəldi - FOTO
-
Qarabağ 16:38
Bu ölkələr Ermənistanı bizə qarşı silahlandırır, gözləyə bilmərik
-
Rəsmi xronika16:13
Biz dörd kənd məsələsini heç vaxt yaddan çıxarmamışıq
-
Nida Xəbər 16:08
SON DƏQİQƏ: Qazaxın azad edilən kəndində bayrağımız qaldırıldı - VİDEO
-
Rəsmi xronika15:28
Biz buna həm də ölkəni təqdim etmək fürsəti kimi baxırıq - Prezident
-
Nida Xəbər 14:46
Göyçə yolu bağlandı: Basarkeçərin 10 kəndi qaytarılır?
-
Kriminal14:33
Azərbaycanda kişi arvadını qətlə yetirməsini lentə aldı - İNANILMAZ FAKTLAR