Nida.az
Azərbaycanlı deputatın həbsindən Bakıya şikayət ediləcək
“Akif Sayadov absurd ittihamlarla həbs olunub”.
Publika.az-ın bnkomi.ru-ya istinadən verdiyi
məlumata görə, bu barədə Ümumrusiya Azərbaycan Konqresinin regional
bölməsinin sədri Fuad Sayadov Rusiyanın Komi Respublikasının Dövlət
Şurasının deputatı Akif Sayadovun həbsinə münasibət bildirərkən
deyib.
F. Sayadov istintaqın azərbaycanlı deputata qarşı sərt davrandığını
bildirib: “Akif Sayadov ağır xəstədir və intensiv müalicəyə
ehtiyacı var. İstintaqın bunu nəzərə almamasından
təəssüflənirik”.
ÜAK rəsmisi məsələ ilə bağlı Komi Respublikasının rəhbərliyinə
məlumat verildiyini deyib: “Bundan başqa, mən Ümumrusiya Azərbaycan
Konqresinin rəhbərliyini və Azərbaycan hakimiyyətini bu məsələdən
xəbərdar edəcəyəm”.
Qeyd edək ki, Akif Sayadov bir sıra iqtisadi cinayətlərdə və
beynəlxalq terrorçuluğu maliyyələşdirməkdə ittiham olunaraq həbs
edilib.
A.Sayadov 63 yaşındadır. O, “Uxtaneftqazgeologiya” ASC-nin baş
direktorudur. Azərbaycanda - Naxçıvan MR-in Culfa rayonunda anadan
olub. 1974-cü ildə Azərbaycan Neft-Kimya İnstitutunu (indiki Dövlət
Neft Akademiyasını) kimyaçı-texnoloq ixtisası üzrə bitirib. 1990-cı
ildə “Uxtaneftqazgeologiya” ASC-nin istehsalat-texniki təchizat
idarəsinə rəhbərlik etmək üçün Komiyə dəvət olunub. 2006-cı ilin
martında “İntaneft” QSC-nin əvvəlcə baş, sonra isə icraedici
direktoru təyin edilib. 2008-ci ilin yanvar-may aylarında “Geotex
Menecment” holdinqdə biznesin inkişafı üzrə direktor işlədikdən
sonra yenidən “Uxtaneftqazgeologiya” ASC-yə qayıdıb. 2011-ci ilin
martında Komi Respublikasının Dövlət Şurasının deputatı seçilib.
Hakim “Vahid Rusiya” fraksiyasının üzvüdür.
Asif Nərimanlı
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO
-
Sosial13:03
Sabah 25 dərəcə isti olacaq
-
Magazin112:31
Rəşad Dağlının oğluna görün nə hədiyyə etdilər - FOTO
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır
-
Dünya10:44
Bu valideynlər bir uşağa görə 125 min manat alacaqlar