Nida.az
Səfir: “Münaqişənin ədalətli həlli yeni perspektivlər açacaq”
Cari ilin 6 fevral tarixində Azərbaycan Respublikasının ABŞ-dakı
səfiri Elin Süleymanov ABŞ Milli Müdafiə Universitetinin Beynəlxalq
Təhlükəsizlik Məsələləri üzrə Kollecində professor-müəllim heyəti
və tələbələrlə görüş keçirib.
Səfirliyimizdən Publika.Az –a verilən məlumata görə, görüş
zamanı E. Süleymanov iki dövlət arasında münasibətlərin strateji
xarakter daşıdığını bildirərək, ölkəmizin ABŞ-la terrorçuluğun
qarşısının alınması, enerji layihələri sahəsində ortaq maraqlardan
çıxış etdiyini və tərəflər arasında etibarlı tərəfdaşlıq
əlaqələrinin formalaşdığını qeyd edibdir. Regional enerji və
infrastruktur layihələrindən bəhs edən diplomat bu layihələrin
regionun ümumi inkişafına töhfə verəcəyini qeyd edib, həmçinin,
Azərbaycandakı tolerantlıq mühiti və ölkəmizin sivilizasiyalarası
və mədəniyyətlərarası dialoqa töhfələri barədə məlumatları görüş
iştirakçılarının diqqətinə çatdırıb.
Səfir sivilizasiyaların kəsişməsində yerləşən ölkəmizin
Prezident İlham Əliyevin uzaqgörən xarici siyasəti sayəsində bundan
sonra da dünyada sülh və təhlükəsizliyin təmin edilməsi, habelə
qarşılıqlı anlaşma və əmin-amanlığın bərqərar edilməsində
töhfələrini davam etdirəcəyini bildirib.
Diplomat Ermənistan-Azərbaycan münaqişəsi barədə iştirakçılara
ətraflı məlumat verərək qeyd edib ki, ABŞ-ın da həmsədrlərindən
biri olduğu Minsk qrupu prosesi çərçivəsində münaqişənin ədalətli
həllinin tapılması, Azərbaycan və erməni xalqının ümumi rifahına
xidmət edəcək və regional inkişaf üçün yeni perspektivlər açacaq.
Görüş zamanı regiondakı təhlükəsizlik məsələləri, o cümlədən dəniz
təhlükəsizliyi barədə fikir mübadiləsi aparılıb.
Qeyd edək ki, Beynəlxalq Təhlükəsizlik Məsələləri üzrə Kollec
ABŞ Müdafiə Nazirliyinin nəzdində fəaliyyət göstərən Milli Müdafiə
Universitetinin əsas təhsil müəssisələrindən biri hesab olunur.
2002-ci ildən fəaliyyət göstərən bu mötəbər təhsil müəssisəsi
yüksək səviyyəli qərargah və komanda vəzifələri üçün təhlükəsizlik
və strateji planlaşdırma məsələləri üzrə mütəxəssislər hazırlayır.
Hazırkı zamana kimi dünyanın 85-dən çox dövlətindən mütəxəssislər
qeyd olunan təhsil müəssisəsində təhsil alıb.
Asif
-
İdman22:04
"Qarabağ" finalda!
-
Hadisə21:49
Vətən müharibəsi iştirakçısı anasının xəstəliyini eşidib intihar etdi
-
Magazin121:05
O getdi, mən də daha yoxam! - Əməkdar artist səhnə ilə vidalaşdı
-
Sosial19:35
Özünü öldürən sabiq pediatrın iş yoldaşı DANIŞDI: “Ailə məsələsi deyil..."
-
ABŞ19:25
Bayden Ukraynaya hərbi yardım haqqında qanunu İMZALADI
-
Rəsmi xronika18:40
Prezidentlər mətbuata bəyanatlarla çıxış etdilər - FOTO/YENİLƏNDİ
-
Hadisə18:33
Bakı hava limanında həyəcan siqnalı: Təyyarə qəza enişi etdi - FOTO
-
Sağlamlıq17:27
Yapon alimləri xərçənglə mübarizə üçün unikal vasitə hazırladı