• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

Əli Ömərov YAP-a qoşulmaq istəyir

  • Nida.az
  • 3 Noyabr 2014 12:18
  • 832 Baxış
Əli Ömərov YAP-a qoşulmaq istəyir

Azərbaycanın sabiq baş prokuroru Əli Ömərov hakim Yeni Azərbaycan Partiyasına üzv olmaq istəyir.

Keçmiş baş prokuror Publika.az-a açıqlamasında YAP-dan dəvət olarsa, bunu qəbul etməyə hazır olduğunu vurğulayıb: “Ümumiyyətlə, mənim bir siyasi mövqeyim var. Mən Heydər Əliyev adına və şəxsiyyətinə hər zaman hörmət etmişəm. Bu gün də bu ada böyük hörmətim var. 20 ildir ki, işsizəm. Ancaq heç yerdə bir kəlmə də olsun indiki hakimiyyətin əleyhinə söz deməmişəm. Heç zaman da demərəm. Çünki Heydər Əliyev böyük şəxsiyyət idi. Mənim ona və onun adı ilə bağlı olan hər bir şeyə böyük hörmətim var. YAP deyəndə, mən Heydər Əliyevi düşünürəm. İndi də onun davamçısı olan prezident İlham Əliyevə xüsusi hörmət bəsləyirəm”.

Ə.Ömərov müxalifətlə münasibətlərindən də danışıb: “Mənim müxalifətlə heç bir əlaqəm mövcud deyil, onlara qarşı heç bir simpatiyam yoxdur. Nə Müsavat, nə AXCP, nə də digər müxalifət partiyaları ilə heç bir əlaqəm olmayıb, bundan sonra da olmayacaq”.

Xatırladaq ki, Əli Ömərov 1991-ci ildə Azərbaycan Ali Sovetinin deputatı seçilib, 1993-1995-cü illərdə isə Azərbaycanın baş prokuroru olub.

Vasif Həsənli

Xəbər lenti

DAHA ÇOX XƏBƏR