Nida.az
Maayn Yaffi: “Vaşinqton Azərbaycanı İrandan da çox tənqid edir”
Yəhudi əsilli məşhur amerikalı jurnalist, “The Jerusalem Post” qəzetinin keçmiş xəbər redaktoru, “Baltimore Jewish Times” qəzetinin keçmiş baş redaktoru, “Netsmart” portalının baş yazarı və redaktoru Maayan Yaffi Azərbaycanı həddindən artıq tənqid etdiyi üçün Vaşinqtonu qınayıb.
Publika.az xəbər verir ki, yəhudi əsilli
jurnalistin ABŞ-ın “The Hill” nəşrində dərc olunan “Azərbaycan-
İsrail münasibətləri müsəlman-yəhudi sülhünün modelidir” başlıqlı
məqaləsində yəhudilərə qarşı antisemitizm hücumları olduğu zamanda
müsəlman ölkəsi olan Azərbaycanın İsraillə yüksək səviyyəli
münasibətlər qurduğunu yazıb.
“Həmasın Qüdsə son hücumları fonunda Yaxın Şərqdə sülh
perspektivləri ilə bağlı getdikcə daha böyük məyyusluğa qapılırıq.
İsraildə müharibə gedir, onun sərhədləri boyunca xaos yaşanır.
Müsəlmanlar arasında yəhudilərə qarşı güclü antisemitizm hücumları
olur. Lakin müsəlman ölkəsi olan Azərbaycan İsraillə öz işgüzar
münasibətlərini saxlayır”, - deyə o bildirib.
Sentyabr ayının ortalarında İsrailin Azərbaycandakı səfiri Rafael
Harpaz ilə Azərbaycanın ABŞ-dakı səfiri Elin Süleymanovun görüşünü
xatırladan M. Yaffi iki ölkə diplomatının ölkələri arasındakı sıx
münasibətlərdən danışdığını, Nyu-York, Vaşinqton və Filadelfiyanı
birgə gəzdiklərini deyib.
Azərbaycanın coğrafi mövqeyinə toxunan amerikalı jurnalist yazır: “Azərbaycan İran, Gürcüstan, Rusiya və Xəzərlə həmsərhəddir. Həmçinin, onun münaqişədə olduğu Ermənistanla da sərhədləri var. Son vaxtlar ABŞ tərəfindən İsrail və Azərbaycana dəstək hiss olunur. Lakin hər iki ölkə eyni dərəcədə haqsızlığa məruz qalır. Son bir neçə ildə İsrail baş naziri Benyamin Netanyahu və ABŞ prezidenti Barak Obama arasında media üzərindən mübarizə gedir. Amerika mediası və siyasətçiləri Azərbaycanı insan haqları ilə bağlı tez-tez, hətta fasilə vermədən tənqid edir. Azərbaycanda vəziyyət əlbəttə ki, qüsursuz deyil. Vətəndaş cəmiyyəti və bir sıra sahələrdə islahatlar aparılmalıdır. Bu ölkənin təcrübəsinin az olduğu nəzərə alınmalıdır. Amma Vaşinqtonun Azərbaycanı başqa ölkələrdən daha çox tənqid etdiyi də ortadadır. ABŞ hətta keçmiş düşməni olan İranı belə Azərbaycan qədər tənqid etmir. Bundan başqa, ABŞ alçaldılmış şərtlərlə Putinin Gömrük İttifaqına qoşulan Azərbaycanın qonşusu Ermənistanın daxili repressiyalarını və xalqın suverenliyini təhlükə altına atdığını görmür”.
M. Yaffi Azərbaycan xalqının hakimiyyətləri haqda deyilən
tənqidlərə məhəl qoymadığını xüsusi vurğulayıb. Onun sözlərinə
görə, bu mənada Azərbaycan və İsrail bir-birinə çox bənzəyir:
“Azərbaycan xalqı üçün bütün bu deyilənlərin heç bir əhəmiyyəti
yoxdur. Bir neçə bədxah isə iqtidarı tənqid edən məqalələr dərc
etməklə sanki vaxt keçirir. Azərbaycanlılar üçün bu planlaşdırılmış
mənfi kampaniyadır. Bu isə ABŞ maraqlarına zidd olaraq Moskva və
Tehranın maraqlarına xidmət edir. Yəhudi dövlətinə qarşı
maliyyələşdirilən kampaniyalarda İsrail təcrübəsini nəzərə alsaq,
bu, təəccüblü görünməməlidir”.
1918-ci ildə müsəlman Şərqində ilk demokratik respublikanın
Azərbaycanda qurulduğunu yazan M. Yaffi bu ölkənin müsəlman əhaliyə
sahib olmasına baxmayaraq, bütün vətəndaşlarına bərabər hüquqlar
verən, o cümlədən konstitusiyada qadınlara səs vermə hüquq tanıyan
ilk qərbyönümlü demokratiyaya sahib olduğunu bildirib.
“Azərbaycan Demokratik Respublikası cəmi 23 ay yaşadı. SSRİ-nin
“Qızıl ordusu” Azərbaycanı işğal edərək Sovet İttifaqının tərkibinə
daxil etdi. Sovet İttifaqının dağılması ərəfəsində Dağlıq Qarabağda
etnik ədavətlə münaqişə yaşandı. Moskva 20 yanvar faciəsini
törətdi. Sonra da AXC-nin bayrağını dövlət bayrağı olaraq qəbul
edən Azərbaycan 1991-ci ildə müstəqilliyini qazandı. Tarix boyu bu
ölkə yəhudilərə və digər millətlərə açıq ölkə olub. Israilin
Bakıdakı səfiri Harpaz Azərbaycanda antisemitizmin olmadığını
deyir. Elin Süleymanov da XX əsrin əvvəllərində Azərbaycanın ilk
parlamentində yəhudilərin olduğunu, hətta səhiyyə nazirinin yəhudi
olduğunu xatırladır. Hazırda İsrailin istifadə etdiyi neftini 40
faizini Azərbaycan verir. Həmasla sonuncu müharibədə bir çox
ölkələr İsrailə uçuşları dayandırdı, təkcə Azərbaycandan başqa.
Diplomatlar Qərbin Azərbaycanda dünyəvi və açıq cəmiyyəti
saxlamağın lazım olduğu fikrini düzgün anlamadığını deyirlər. Çünki
öz qərarını verəcək yaşda olmayan qızlara məcburi hicabın
taxılmasına və radikal qruplara qarşı mübarizə aparılmalıdır. Lakin
Qərb xırda detallardan tutaraq Azərbaycana siyasi təzyiqlər etməyə
cəhd edir”, - deyə amerikalı jurnalist bildirib.
M. Yaffi Azərbaycanla İsrail arasında hərbi sahədəki əməkdaşlığın
da yüksək səviyyədə olduğunu vurğulayıb. O, Qərbi Azərbaycana qarşı
sərt və əsassız tənqidlərdən çəkinməyə çağırıb.
“İsrail üçün Azərbaycanın tərəfdaş ölkə olduğunu bilmək olduqca
xoşdur”, - deyə M. Yaffi əlavə edib.
Asif Nərimanlı
-
Art19:36
Azərbaycan və Türkiyə birgə film çəkəcəklər - ADI AÇIQLANDI
-
Elm və təhsil19:12
Emin Əmrullayev ona VƏZİFƏ VERDİ
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO
-
Nida Təhlil 17:11
İrəvan “Krokus”la bağlı bəyanatı rədd etdi: Kreml necə cəzalandıracaq?
-
Sosial16:58
Bu avtomobillərlə taksi fəaliyyəti göstərmək qadağan edildi
-
Sosial16:36
Azərbaycanda sayğaclar ikiqat hesablayır - ŞOK İDDİA
-
Sosial16:08
Əli Əsədov yeni qərar imzaladı