Nida.az
“Səudiyyə kralı mənə pul verdi” - Şeyxin qudası
Şeyxülislam Hacı Allahşükür Paşazadənin qudası, Milli Məclisin
deputatı Hacı Qalib Salahzadə Publika.Az –a müsahibəsində şeyxə qarşı olan
iddialardan danışıb
-Şeyx haqqında bir sıra iddialar səsləndirildi. Dünən
mətbuatda yeni iddialar yayılıb. Belə ki, Küveytdə iş adamı Əbd
əl-Əziz Səud əl-Babteyn 90-cı illərdə Bakıda İslam Universiteti
tikmək üçün bir milyon pul ayrılıb. Lakin bu iş yerinə yetirilməyib
və həmin iş adamı şeyxə “universitet tikmədin, rus məktəbi
tikəydin, heç olmasa bir iş görərdin” kimi sözlər deyildiyi də
bilirilir. Bu iddialarla bağlı nə deyə bilərsiniz?
-Açıq-aşkar görünür ki, bu şeyxə qarşı həm Azərbaycan, həm də
xarici mətbuatda aparılan kompramatlardır. Bu hər bir ziyalı da,
jurnalist də bilir. Axı, nəyə lazımdır bu. Əgər bu adam həqiqətən
pul veribsə, pulu verdiyi vaxt deyərdi ki, mən filankəsə, filan
qədər pul vermişəm. Necə olur ki, bu söhbətlər qalxanda hər
tərəfdən şeyxə qarşı xarici və yerli mətbuatdan da istifadə edərək
propaqanda aparırlar. Şeyxin heç nəyə ehtiyacı yoxdur. Şeyxi dövlət
müdafiə edir.
“Şeyx məscid tikdirən, universitet
yaradandır?!”
-Ümumiyyətlə hansısa xarici maliyyə yardımı ilə ölkədə
məscidlər tikilibmi?
-Bu ölkədə məscidləri ulu öndər Heydər Əliyev tikdirib. İndi də
prezident İlham Əliyev bunu davam etdirir. Şeyx məscid, yaxud
universitet tikdirəndir? Ulu öndərimiz nə qədər məscid tikdirdi, nə
qədər məscidin fəaliyyətini bərpa etdi. Kilsələr, sinaqoqlar
tikildi. Bu qədər haqq-hesabda bir dəfə də olsun hallanmayıb ki,
şeyx Bakının filan ərazisində məscid tikintisində pul alıb. Necə
oldu ki, bu cür təbliğat birdən-birə başladı. Özü də hardan
başladı.
-Sizcə, hardan başladı ki?
-Bunun açıq mənası belədir ki, şeyximizin, Azərbaycanın, Prezident
İlham Əliyevin nüfuzu hansısa ölkələri, eləcə də daxildəki bir
çoxlarını narahat edir. Məscidlərin tikintisini dediyim kimi ulu
öndər Heydər Əliyev, ondan sonra da preizdent İlham Əliyev aparıb.
İndi bir ərəb, yaxud biznesmen çıxıb desin ki, Bibi-Heybət, Təzə
Pir məscidlərini mən tikdirmişəm. Bu iki şəxsiyyət edib bunları.
Şeyx məscid tikdirən, universitet yaradandır?! Görünür, şeyxə qarşı
kampaniya aparırlar ki, onu nüfuzdan salsınlar.
“Sən o pulu harda, nə vaxt, kimin yanında
şeyxə vermisən?”
-Azərbaycanda bildiyim qədər İslam Universiteti var. Həmin
universiteti kim tikdirib?
-Əlbəttə ki, bu dövlətin işidir. İslam Universitetinin rektoru da
hacı sabir Həsənlidir. Şeyxin ona köməkliyi, tövsiyələri ola bilər,
məsləhətlər verə bilər. Amma şeyx universitet, məscid tikdirən
deyil.
-Bu cür məlumatlar daha çox ərəb mətbuatında çıxır. İndi
burda hansısa maraqlar ola bilərmi, xüsusilə son hadisələr
fonunda?
-Ərəb dövlətləri Azərbaycanı çox istəyirlər. Onların Azərbaycanla,
elə şeyxlə də isti münasibətləri var. Prezidentimiz Səudiyyə,
İordaniya kralı ilə dostdur. Eləcə də digər ölkələrlə. Bu da
çoxlarını qıcıqlandırır və belə təbliğatlar ortaya çıxır. Adama
deyərlər sən o pulu harda, nə vaxt, kimin yanında şeyxə vermisən?
Güman ki, bu Ermənistan, ya da hansısa qüvvələr tərəfindən təşkil
olunmuş şeylərdir.
“Şeyx prezidentin dostudur, bu da qısqanclıq
yaradır”
-Hansı qüvvələr ola bilər?
-Daxildəki qüvvələrin, elə müxalifətin özünün də gözü şeyxi
götürmür. Çünki o, İlham Əliyevin ən sədaqətli adamıdır. Şeyx
prezidentin dostu, ən yaxın adamlarından biridir. Bu da qısqanclıq
yaradır. Respublikanın prezidenti məscidlər tikdirir, dini
universitet açıq. Bakıda qurub-yaradır.
Bu təbliğat əvvəlcə şeyxdən başlayıb yuxarıya ı yönələcək.
Anladınız da mən nə demək istəyirəm. Azərbaycanın nüfuzuna,
qüdrətinə, hörmətinə paxılıq edirlər. Şeyxə qarşı təbliğat
aparanlar birbaşa Ermənistan üçün işləyən adamlardır. Buna şübhə
etməyin. Bu adamlar Ermənistanın mənafeyini qoruyur, bizi
ləkələməyə çalışırlar. Maraqlıdır ki, erməni, yaxud gürcü mətbuatı
öz dini rəhbərlərinə qarşı heç bir cümlə də yazmırlar. Bu şeyxə
qarşı nə biabırçılıqdır, nə vicdansızlıqdır?!
“Səudiyyə kralı mənə 700 dollar pul
verdi”
-Belə çıxır ki, xarici mətbuatda, elə ərəb mətbuatında da
bu yazıları kimlərsə yazdırır və təbliğatı bu formada
aparırlar.
-Xaricdə yazı yazmaq, qəzetdə istədiklərini çap etdirmək çox adi
bir şeydir. Nə istəyirsən yazırlar. Bundan başqa digərlərini
bilmirəm. Lakin şeyxə qarşı bu cür olmaz. Bunu pis qəbul edirəm,
hesab edirəm ki, belə şeylər Azərbaycanın nüfuzuna xələl gətirir.
Öz gözlərimin şahidi olmuşam ki, Səudiyyə kralı şeyxi necə hörmətlə
qarşılayıb. Mən özüm üst-üstə 26 dəfə Həcc ziyarətində olmuşam,
Kəbə evinin içinə daxil olmuşam. Azərbaycan zəvvarları birinci dəfə
90-cı ildə ziyarətə gedəndə Səudiyyə kralı hər birinə 700 dollar
pul verdi. Mənim özümə də 700 dolar verdilər. Necə deyə bilərik ki,
bu ölkələr bizə qarşı mənfi münasibətdədir.
-700 dolları nə üçün verdilər?
-Mən olan şeyi danışıram. Nə vaxt soruşsalar, deyə bilərəm ki,
Səudiyyə kralı 90-cı ildə ora gedəndə bizim hər birimizə 700 dollar
verdi. Dedi ki, birdən pulunuz olmaz, birinci dəfədir gəlmisiniz.
Onlardan bu cür hörmət görmüşük. Kimlərsə nə üçünsə aranı
qarışdırmaq istəyir. Yəqin ki, hüquq-mühafizə orqanları bunu
aydınlaşdırar.
Son olaraq yenə deyirəm ki, bu cür təbliğat Azərbaycana qaşıdır.
Çünki nə qədər prezident İlham Əliyev var, Azərbaycan həmişə
inkişaf edəcək. belə şeylər də bu gün şeyxə qarşıdırsa, sabah
hansısa nazirimizə, alimimizə qaşı olacaq. Bunları gözdən qaçırmaq
olmaz. Misal üçün 2015-ci ildə Bakıda Avropa oyunları keçiriləcək.
İndi görərsiniz, düşmənlərimiz əleyhimizə nə qədər söz deyəcəklər.
İnkişaf olan yerdə paxıllıq da var.
Asif Nərimanlı
-
Nida Xəbər 21:20
Sərhədin delimitasiyası başladı: İrəvan dərhal Tehrana hesabat verdi
-
Magazin120:59
Dilarə səhnə geyimi ilə gündəm oldu - VİDEO
-
Elm və təhsil20:40
Buraxılış imtahanının nəticələri açıqlandı
-
Ekologiya18:49
Hava şəraiti kəskin dəyişəcək - XƏBƏRDARLIQ
-
Avropa18:38
İranın Parisdəki konsulluğuna partlayıcı ilə daxil olan şəxs SAXLANILDI
-
Region17:53
Əcnəbilərə sertifikatları pulla satan rektor işdən çıxarıldı
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır
-
Rəsmi xronika16:58
İlham Əliyev bu qanunu təsdiqlədi