Nida.az
Rövşən Rzayev: “Onlara layiqli cavab veriləcək” – MÜSAHİBƏ
Azərbaycanın AŞPA-dakı nümayəndə heyətinin üzvü, deputat Rövşən Rzayevin Publika.az-a müsahibəsi
- Bu günlərdə Avropa Şurasının baş katibi Torbyorn Yaqland
Azərbaycanla bağlı bir sıra ittihamların yer aldığı məqalə ilə
çıxış etdi. Bu ittihamlarla nə qədər razılaşmaq
mümkündür?
- Bəzi avropalı siyasətçilər əksər hallarda Azərbaycanla bağlı
qərəzli mövqedən çıxış edirlər. Bu gün Azərbaycan uğurla inkişaf
edir, müstəqil xarici siyasət yürüdür. Lakin bu uğur hamını
sevindirmir və Azərbaycanı sevməyənlər öz imkanlarından bizə qarşı
təzyiq vasitəsi kimi istifadə edir. Əgər onlar dedikləri qədər
ədalətli olsaydılar, Azərbaycan torpaqları 20 il işğal altında
qalmazdı.
Avropa Şurasının baş katibinin çıxışı da bu qəbildəndir və bizi o qədər də təəccübləndirmir. Çünki biz bütün bu qərəzli kampaniyanın arxasında kimlərin dayandığını yaxşı bilirik. Söhbət erməni diasporu, onların lobbiləri və bu qrupların təsirində olan siyasətçilərdən gedir. Təbii ki, Azərbaycan AŞPA-da uğurla təmsil olunur və bu qurumda ədalətli olan, Azərbaycanın nə qədər əhəmiyyətli bir ölkə olduğunu anlayan kifayət qədər siyasətçi var. Amma bəziləri ədaləti başqa maraqlara qurban verirlər. Bir şeyi unutmamalıyıq. Avropa Şurası Fransada yerləşir və bu ölkədə ermənilərin hansı formada təmsil olunduğunu hər kəs bilir. Yəni ümumi mənzərədə baş verənlər aydındır.
- AŞPA-nın növbəti iclaslarında Azərbaycan nümayəndə heyəti
bu tənqidlər, eləcə də Ermənistanda saxlanılan girovlarımız
üzərində keçirilən “məhkəmə” ilə bağlı məsələ
qaldıracaqmı?
- Azərbaycan nümayəndə heyəti AŞPA-da öz mövqeyini həmişə olduğu
kimi, bu dəfə də ortaya qoyacaq. Biz daim Azərbaycanın ərazilərinin
işğal altında olduğu faktını, eləcə də bu ərazilərdə Ermənistan
hökumətinin qeyri-qanuni əməlləri ilə bağlı məsələ qaldırırıq. Bu
dəfə də eyni məsələlər gündəmə gətiriləcək. Eyni zamanda,
girovlarımızla bağlı məsələ də avropalı parlamentarilərin diqqətinə
çatdırılacaq. Bu istiqamətdə lazımi işlər görüləcək.
- Avropalı siyasətçilərin bununla bağlı Azərbaycanın
mövqeyini dəstəkləyəcəyinə, Ermənistana qeyri-qanuni əməllərinə
görə, hansısa formada etiraz ediləcəyinə ümid etmək
olarmı?
- Bu, hər zaman mümkündür. Ədalət prinsipi həmişə zəfər çalır.
Azərbaycan xarici siyasətində bu istiqamətlər üzrə öz prinsipial
addımlarını atır. Həmişə olduğu kimi bu dəfə də uğurlu addımlar
atacağıq. Biz erməni lobbisinin, bu lobbinin təsirində ola
siyasətçilərin qeyri-səmimi, qeyri-konstruktiv mövqe
sərgiləyəcəyini bilirik. Azərbaycan haqqında onlar tərəfindən
böhtan və şantaj xarakterli fikirlər səslənəcək. Biz buna qarşı öz
sözümüzü deməyə hazırıq və onların layiqli cavabı veriləcək. Amma
hər şeyə rəğmən bu cür addımlar, qərəzli mövqelər nə Azərbaycan
xalqının, nə də hökumətinin ədalətli, prinsipial mövqeyini
dəyişməyəcək. Bu gün Azərbaycanda xalq hökumətlə eyni mövqeni
paylaşır və daim Heydər Əliyev yolunu dəstəkləyir. Azərbaycan
insanı ölkə prezidentinin yanındadır. Son nəticədə Azərbaycanın
qələbə çalacağını, ərazi bütövlüyümüzün təmin ediləcəyinə əminəm.
Bu mənim qəti mövqeyimdir.
- AŞPA-da Azərbaycanla bağlı hansısa digər məsələ
qaldırılacaqmı?
- Biz işğal edilmiş ərazilərdə yerləşən Sərsəng su anbarının
təhlükə qarşısında olduğu məsələsini də qaldırmağa çalışacağıq. Bu
anbarda qəzanın baş verməsi ehtimalı ondan aşağıda yaşayan 400 minə
yaxın əhalini daim təhlükə altında saxlayır. Ermənilər bundan
zaman-zaman təzyiq kimi istifadə edir, təhdidlər səsləndirirlər.
Hesab edirəm ki, AŞPA-nın növbəti iclaslarında bu məsələ ciddi
müzakirələrə səbəb olacaq. Onlar bunu Dağlıq Qarabağda qurduqları
qondarma rejimin üzərinə atırlar. Məqsəd Azərbaycanın separatçı
rejimlə danışığa məcbur etməkdir. Lakin Azərbaycan heç vaxt buna
getməyəcək. Bu məsələ beynəlxalq təşkilatların qarşısında
qaldırılır. Artıq beynəlxalq ictimaiyyət bu məsələdən xəbərdardır.
Əminəm ki, Ermənistanın şantaj siyasəti ifşa olunacaq.
- Suriyada daxili münaqişə kəskinləşdikcə ordan köçən
ermənilər Ermənistan hökuməti tərəfindən Azərbaycanın işğal edilmiş
ərazilərində məskunlaşdırılır. Bu günlərdə məskunlaşdırılma
prosesində iştirak edən erməni təşkilatçılarından biri Matovesyan
etiraf etdi ki, Suriyadan gələn 28 ailə Laçında
yerləşdirilib.
- Biz bu məskunlaşdırmadan xəbərdarıq. Bu nə Azərbaycan
qanunvericiliyinə, nə də beynəlxalq hüquqa uyğundur. Ermənistan
hökuməti bunu məqsədyönlü şəkildə aparır. Çünki işğal edilmiş
ərazilər darmadağın vəziyyətə salınıb. Ermənistan isə ora Suriya
müharibəsindən qaçan erməniləri məskunlaşdırmaqla “normal həyat”
görüntüsü yaradır. Onlar bununla gələcəkdə bölgənin milli tərkibinə
təsir edə biləcəklərini düşünürlər. Amma bu baş tutmayacaq.
Azərbaycan bu qanunsuz hərəkətin qarşısının alınması üçün əlindən
gələn bütün addımları atır, bundan sonra da atacaq. Lakin Dağlıq
Qarabağ münaqişəsinin həllində birbaşa iştirak edən ATƏT-in Minsk
qrupunun həmsədr ölkələri bu qeyri-qanuni məskunlaşdırmaya
etirazlarını bildirməlidir. Təəssüf ki, onlar bu gün də susur.
- Sizcə, Minsk qrupu formatı münaqişənin həllində nə qədər
effektli fəaliyyət göstərir?
- Minsk qrupunun bu illər ərzində ciddi addımlar atmadığı bəllidir.
Bu üzdən formatın müəyyən qədər dəyişməsini məqbul hesab etmək
olar. Lakin hər şeydən öncə Minsk qrupu ədalətli olmalıdır. Misal
üçün, bu gün Minsk qrupunun həmsədr ölkəsi olan Fransa Avropa
İttifaqına daxil olan ölkələrin adından çıxış etməlidir. Amma
Fransa yalnız fransız diplomatiyasını təmsil edir. Eləcə də, bəzi
maraqlar bu qrupun öz missiyasını lazımınca yerinə yetirməyinə və
münaqişənin həllində irəliləyişə nail olmağına mane olur. Hesab
edirəm ki, Minsk qrupunun formatı dəyişə bilər. Amma bu dəyişiklik
hansı formada olacağını indidən demək çətindir.
Asif Nərimanlı
-
Rəsmi xronika16:58
İlham Əliyev bu qanunu təsdiqlədi
-
Magazin116:03
Məşhurlar televiziyaların paxırını açdılar: “Yatağa girib irəli gedirlər”
-
MDB15:17
İstanbul razılaşması: Moskva Kiyevə hansı zəmanəti veribmiş? - Lavrov sirri açdı
-
Nida Xəbər 15:02
Bu universitetin mətbuat katibi vəzifəsindən ayrıldı - FOTO
-
İqtisadi gündəm14:17
Azərbaycan əhalisi ərzağa bu qədər pul xərcləyir: Maaşdan yerdə nə qalır?
-
Səhiyyə13:51
Teymur Musayev əmr imzaladı - Bu uşaqlara...
-
İdman13:26
Musa Qurbanlının Messi ilə FOTOSU yayıldı: Onlar necə görüşüb?
-
İdman13:01
"Real"ı yarımfinala daşıyan Luninin memar gözəlçəsi - FOTOLAR