Nida.az
Müsavat daxilində “video qalmaqalı” - QARŞIDURMA
Müsavat Partiyasında başqan Arif Hacılının qrupu ilə narazı tərəfin lideri Qubad İbadoğlunun tərəfdarları sosial şəbəkələrdə əsl qarşıdurma başlayıb.
“Qubad İbadoğlunun bütün fikirləri videoya
çəkilsin”
Publika.az xəbər verir ki, buna səbəb Məclis üzvü
Alya Yaqublunun “facebook”da başqan müavini Elman Fəttahın “İsa bəy
qərarların qəbulu prosedurunu səs çoxluğundan konsensusa
dəyişdirdi. Yəni bütün qərarlar hamının, xüsusilə də Qubad bəyin
razılığı ilə qəbul edilib” fikirlərini paylaşması olub. “Bundan
sonra Qubad İbadoğlunun fikir bildirdiyi bütün məqamları videoya
çəkməyi təklif edirəm” açıqlamasını verən A.Yaqublu dolayısı yolla
Q. İbadoğlunun yalan danışdığına işarə vurub.
Bundan sonra Q. İbadoğlunun da daxil olduğu “şərh savaşı” başlayıb.
“Əsas faciə Müsavat cameəsi daxilində bu cür yalanların
bəzən ayaq tutub yeriməsi üçün şəraitin olmasındadır”
Müsavat Partiyasına yaxınlığı ilə seçilən Əhrar Partiyasının sədri,
Arif Hacılının qardaşı Vaqif Hacıbəyli İbadoğlu və
digərlərinin yalan danışdığını bildirib: “Lakin faciə təkcə bunda
deyil. Əsas faciə Müsavat cameəsi daxilində bu cür yalanların bəzən
ayaq tutub yeriməsi üçün şəraitin olmasındadır. Bu şəraitin
yaranmasının əsas səbəbi də Müsavatın mənəviyyat simvolları kimi
qəbul etdiyimiz bəzi simalarının özlərini üzdə olan bu
həqiqətlərdən bixəbər kimi apararaq yaxşı halda susqunluq nümayiş
etdirmələri, pis halda Müsavata qarşı iqtidar tərəfindən aparılan
siyasətə dəstək vermələridir. İndi Müsavat ətrafında yaradılan bu
situasiyada susmaq və mövqe bildirməmək hər bir vicdanlı adamdan
məsuliyyət tələb edir. Mən adlar çəkmirəm. Lakin bəzi adamların bu
gün guya siyasət aparıb özlərini bu situasiyanın fövqündəki kimi
göstərmək cəhdləri də günümüzün acı reallığıdır. Xeyirlə şər, haqla
nahaq, yalan və həqiqət üz üzə gələndə mövqesizlik, bitərəflik
əslində mənəviyyatsızlıqdır”.
“Yalanları qəzetlərdə tirajlayanlar həqiqətin qarşısında
heç 1 dəqiqə də duruş gətirə bilməyəcək”
Qubad İbadoğlu müzakirələrə qoşularaq məsələyə
münasibət bildirib.
“Əziz və dəyərli müsavatçılar, qurultaya hazırlıq üzrə təşkilat
komitəsinin bütün toplantılarının audio yazısı var. Təklif edirəm
ki, hamımız yığışaq qərargaha və həmin diski dinləyək. Yaxud da
audio yazı əsasında TK-nın iclaslarının stenoqramasını dərc
edilsin. Onda bilinəcək ki, həqiqəti kim, yalanı kimlər müdafiə
edir. İnanıram ki, o halda yalanları qəzetlərdə tirajlayanlar
həqiqətin qarşısında heç 1 dəqiqə də duruş gətirə bilməyəcəklər.
Onda o da bilinəcək ki, bu adamların vicdanları var, yoxsa yox.
Çünki vicdan ağrıyan şeydir, vicdanı olanlar onu yaxşı bilir”, -
deyə o, sərt danışıb.
Vaqif Hacıbəyli başqan müavini Elman Fəttahın
bütün qərarların Q. İbadoğlunun iştirakı ilə qəbul edildiyi
fikirlərini xatırladaq eyni fikirləri İsa Qəmbərin Məclisdəki
çıxışında da dediyini bildirib.
Qeyd edək ki, E. Fəttah İbadoğluya təkliflərini açıqlaması ilə
bağlı da müraciət etmişdi.
“Bu təklifi 23 avqust tarixində rəsmi olaraq “e-mail”lə
Gülağa bəyə də göndərmişəm”
Q. İbadoğlu məsələyə münasibət bildirərək
təkliflərindən birini açıqlayıb: “Partiya başqanının sərəncamı ilə
təyin olunmuş şəxslərin namizədlərin təbliğat-təşviqat
kampaniyasında iştirakı qadağan olunur. Bu təklifi 23 avqust
tarixində rəsmi olaraq “e-mail”lə Gülağa bəyə də göndərmişəm.
Buyurun, münasibətinizi bildirin. Seçki zamanı inzibati resursların
qarşısını almaq üçün irəli sürülən bu təklif beynəlxalq normalardan
irəli gəlirdi. Nə üçün qəbul olunmadı?”
“Keçirilən seçkini ədalətsiz adlandırmaq ikiqat
demaqogiyadır”
Vaqif Hacıbəyli isə Q. İbadoğluna beynəlxalq
normaların fərqli olduğunu deyib. O, qarşı tərəfi demaqogiya ilə
məşğul olmaqda ittiham edib.
“Müxalifətin seçki qanunvericiliyi üzrə hazırladığı və ictimai
müzakirəyə təqdim etdiyi bir çox layihələrin əsas müəlliflərindən
biri olmuşam. Bunu sonradan mənim bu barədə fikir söyləməyə siyasi
və mənəvi haqqımın olmadığını deməməyiniz üçün qeyd edirəm. Bəzi
ölkələrdə seçki komissiyaları funksiyalarını daxili işlər orqanları
yerinə yetirir. Buna görə beynəlxalq təcrübədə inzibati
resurslardan istifadə mövzusunda danışanda bir az ehtiyatlı olaq.
MDB ölkələri üçün nəzərdə tutulan standartlar ATƏT-in Venesiya
komissiyasında təsdiq olunub. Mən ATƏT-in DT və İHB-nun Bakı ofisi
vasitəsi ilə bu prosesdə iştirak etmişəm. İnzibati resurs söhbəti
dövlət qulluqçularına, büdcədən maliyyələşdirilən idarə və
müəssisələrin işçilərinə aid ola bilər. Partiyada heç bir maaş
almadan fəaliyyət göstərən şöbə müdirlərinin inzibati resurs kimi
təqdim edilməsi demaqogiyadır. Digər tərəfdən, başqan tərəfindən
təyin olunan müavinlər təbliğat prosesində Qubad İbadoğlunun
yanında gəzərək onu təbliğ ediblər. Bundan sonra, keçirilən seçkini
ədalətsiz adlandırmaq ikiqat demoqogiyadır. Qərarların konsensus
yolu ilə qəbul edilməsi proseduru gözəldir. Lakin bu heç bir halda
azlığın çoxluğa öz iradəsini diktə etməsi vasitəsinə çevrilə
bilməz”, - deyə o, Q. İbadoğlunu ittiham edib.
“Qubad bəyin yerinə olsam, bu cavabdan sonra o bəhanələri
fakt deyə ortaya atmazdım”
Alya Yaqublu isə V. Hacıbəylinə İbadoğluna verdiyi
cavaba görə təşəkkür edib: “Təşəkkürlər, Vaqif bəy! Mən Qubad bəyin
yerinə olsam, bu cavabdan sonra o bəhanələri daha heç vaxt fakt
deyə ortaya atmazdım”.
Daha sonra o, Q. İbadoğluya müraciət edib.
“Qubad bəy, bu günə qədər sizin ittihamlarınıza qarşı gətirilən
arqumentləri israrla “iqnor” edərək təkrar-təkrar Müsavata hücum
eləməyinizin səbəbi nədir? O arqumentlərin ciddiliyini dərk və
qəbul edə biləcək qədər ağıllı biri olduğunuza şübhəm yoxdur. Hesab
edirəm ki, sizi bu duruma gətirib çıxaran səbəbin özü ilə mübarizə
aparmanız daha məntiqli olardı”, - deyə o bildirib.
Qeyd edək ki, Arif Hacılının tərəfdarları ilə Qubad İbadoğlunu
dəstəkləyənlər bu müzakirələrdə bir-birinə qarşı sərt ittihamlar
irəli sürüb.
Asif Nərimanlı
-
Magazin104:44
Xalq artisti canlı yayımda kövrəldi: “Darıxdığım var” - VİDEO
-
ABŞ03:13
Komaya düşən qalmaqallı bloqer ÖLDÜ
-
Səhiyyə02:42
Ən güclü qan qrupu: onun sahibləri ÇOX YAŞAYIRLAR
-
Sosial01:41
Azərbaycanı görünüşü ilə heyrətə gətirən uşağın atası danışdı - VİDEO
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?