Nida.az
İsrailli ekspert: “Helikopterin vurulmasına görə İrəvan məsuliyyət daşıyır”
"Ermənistan tərəfi Azərbaycanla sülh prosesini lap başlanğıcda pozmaq arzusunu yenidən nümayiş etdirərək işğal olunmuş ərazilərdə, o cümlədən qoşunların təmas xəttində çoxlu hərbi qüvvə və müxtəlif növ texnika cəlb etməklə hərbi təlimlər keçirir”.
Publika.az xəbər verir ki, bu barədə beynəlxalq münasibətlər sahəsində israilli ekspert, Cənubi Qafqaz üzrə mütəxəssis, Hayfa Universitetinin doktorantı Arye Qut ABŞ-da çıxan rusdilli “Forum Daily” qəzetində dərc olunan məqaləsində deyib.
Ekspertin sözlərinə görə, noyabrın 12-də Ermənistan Respublikası
Hərbi Hava Qüvvələrinə məxsus Mİ-24 tipli iki helikopterdən ibarət
döyüş cütlüyü cəbhənin Ağdam istiqamətində Azərbaycan Silahlı
Qüvvələrinin ön müdafiə xəttində yerləşən mövqelərinə hücum edərək
onları atəşə tutub, sonra isə qaçmağa çalışıb.
“Cavab atəşi ilə ermənilərin döyüş cütlüyünə daxil olan helikopterlərdən biri vurulub, digəri isə atəş zonasını tərk edib. Tamamilə aydındır ki, Serj Sarkisyanın kriminal rejimi dünya praktikasında mövcud olan bütün normalara zidd davranış nümayiş etdirməkdə davam edərək danışıqlar prosesini pozmaq məqsədilə növbəti təhrikçilik törətməyə çalışıb. Ermənistan 22 ildən çoxdur ki, Azərbaycan ərazisinin 20 faizini, o cümlədən Dağlıq Qarabağ bölgəsini və ona bitişik yeddi rayonu işğal altında saxlayır. Bunun nəticəsində ölkədə bir milyondan çox qaçqın və məcburi köçkün var”, - deyə o bildirib.
Onun sözlərinə görə, son vaxtlar ATƏT-in Minsk qrupu çərçivəsində
Ermənistan-Azərbaycan, Dağlıq Qarabağ münaqişəsinin tənzimlənməsi
ilə bağlı yüksək səviyyəli danışıqların intensivliyi artıb: “Bu
yaxınlarda Azərbaycan və Ermənistan prezidentləri, habelə hər iki
ölkənin xarici işlər nazirləri həmsədrlərin dəstəyi ilə problemin
tənzimlənməsinə dair prinsipial məsələləri müzakirə edib,
qoşunların təmas xəttində sabitliyin qorunub saxlanması, atəşkəs
rejiminin təmin olunması, snayperlərin geri çəkilməsi, müxtəlif
təhrikçiliklərə yol verilməməsi kimi məsələlər barəsində müəyyən
razılığa gəliblər”.
İsrailli ekspert rəsmi Baknın Ermənistanla münaqişədə indiki
status-kvo ilə heç vaxt razılaşmayacağını bildirib: “Azərbaycan
sərhədini pozmuş erməni helikopterinin vurulması ilə bağlı son
hadisələr bir daha göstərir ki, rəsmi İrəvan Azərbaycanın səbrinin
son həddə çatdığını anlamalıdır. Üstəlik, beynəlxalq normalara
əsasən Bakının nəinki özünü müdafiə etmək, həm də Azərbaycanın
Ermənistan tərəfindən işğal olunmuş ərazilərini azad etmək hüququ
var. Təəssüf ki, beynəlxalq münasibətlərin bugünkü reallığı dünya
arenasında güc amilinin daha səmərəli təsir göstərməsini sübut
edir. Bugünkü Azərbaycan 1990-cı illərdəki Azərbaycan deyil, bu gün
Azərbaycan Cənubi Qafqazda geosiyasi və geoiqtisadi proseslərin
şəksiz lideridir. Azərbaycanın dövlət sərhədini pozmuş erməni
helikopterinin Azərbaycan Silahlı Qüvvələri tərəfindən məhv
edilməsi bir daha sübut edir ki, bu gün Azərbaycan öz suverenliyini
qorumaq üçün hər hansı konkret qüvvə tətbiq etməyə hazırdır”.
Arye Qut daha sonra qeyd edib ki, hazırda Ermənistan və erməni
lobbisi informasiya təxribatına əl ataraq bu hadisəyə görə
məsuliyyəti Azərbaycanın üzərinə yıxmağa çalışır və beynəlxalq
təşkilatları Azərbaycanın hərəkətlərini pisləməyə çağırırlar.
“Bu sahədə İsrail dövlətinin real nümunəsi və təcrübəsi var. Suriya
təyyarələri bir neçə dəfə İsrailin hava məkanına soxulanda ölkənin
hərbi və siyasi rəhbərliyi BMT-nin buna nə deyəcəyini fikirləşmədən
dərhal həmin təyyarələrin məhv edilməsini qərara almışdı. Bu, daha
bir sərt reallıqdır: ölkəni BMT yox, o özü müdafiə etməlidir. Bu
baxımdan kimin nə deməsindən, nə bəyan etməsindən asılı olmayaraq,
hər bir dövlət öz təhlükəsizliyini və suverenliyini müdafiə etməyə
qabil olmalıdır.
Tamamilə aydındır ki, bölgədə indi yaranmış gərginlik Ermənistanın işğalçı siyasətinin, onun danışıqlar prosesini yenidən pozmaq cəhdinin nəticəsidir. Bu məsələdə, ilk növbədə Ermənistan rəhbərliyi təqsirkardır. Mən dəfələrlə təkrar etmişəm ki, Ermənistan prezidenti hazırda ağır geosiyasi və iqtisadi vəziyyətdə olan ölkəsi barədə deyil, hər şeydən əvvəl öz şəxsi hakimiyyətini saxlamaq və möhkəmlətmək haqda, öz klanının mənafeləri barədə düşünür. Tamamilə aydındır ki, Sarkisyanın riyakarlığının həddi-hüdudu yoxdur. Yaxşı deyiblər ki, siyasətdə düzgünlük gücün nəticəsi, riyakarlıq isə zəifliyin nəticəsidir. Prezident Sarkisyan özünü konstruktiv və tolerant göstərməyə çalışır, lakin bunu bacarmır. Təəssüf doğuran faktdır ki, Ermənistan siyasətinin ön səhnəsinə təsadüfən gəlib çıxmış Sarkisyan ikinci müddətə Ermənistan Prezidenti vəzifəsində olmasına baxmayaraq, dövləti təfəkkürdən məhrum olan terrorçu kimi düşünməkdə davam edir. Bütün bu faktlar Ermənistanın Azərbaycanla sülh şəraitində yaşamağa hazır olmadığını bir daha sübut edir. Buna görə də 20 ildən artıq davam edən danışıqlarda heç bir irəliləyiş və real nəticə görünmür”, - deyə o bildirib.
Asif
-
Sosial16:08
Əli Əsədov yeni qərar imzaladı
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı
-
Magazin113:31
Tolik pərt etdi: "Bu da liftdə öpüşən Sabir" - VİDEO
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO