Nida.az
“Sadvalçılar” arasında qarşıdurma: Qurbanovun həbsində “sui-qəsd” faktoru – Şok Detallar
Vaxtilə Azərbaycana ərazi iddiaları ilə çıxış edən, sonradan müvəqqəti sakitləşən “Sadval” təşkilatının rəhbərliyində təmsil olunmuş şəxslər arasında qarşıdurma yaranıb.
Publika.az-a Dağıstandakı mənbələrdən daxil olan
məlumata görə, “Sadval”ın yaradıcılarından olan Hacı Abdurrəhimovla
təşkilatın digər yaradıcısı Feyzuddun Nağıyev arasında “Azərbaycana
işləməklə” bağlı qarşıdurma başlayıb.
Hazırda Dağıstanda Alban İnstitutunun direktoru olan F. Nağıyev iki il öncə “Ləzgi xalq hərəkatı Sadval. Bərpa. İctimai fəaliyyət və siyasi vəziyyət” adlı xüsusi məqalə ilə çıxış edərək, H. Abdurrəhimovu Azərbaycana işləməkdə ittiham edib.
H. Abdurrəhimov isə öz növbəsində cavab olaraq kitab nəşr etdirib. “Loğva və tənqidçiyə cavab” adlanan kitab bu il Mahaçqalada nəşr olunub. 72 səhifəlik kitabın hansı nəşriyyatda tərtib olunduğu göstərilmir. Kitab Azərbaycan əleyhinədir. Lakin diqqətçəkən məqam kitabda F. Nağıyevə qarşı sərt ittihamların səslənməsi, onun vəzifəpərəst olduğu və Azərbaycan xüsusi xidmət orqanlarına işləməsi haqda yazılanlardır. Burdan görünür ki, Azərbaycana qarşı uzun illər mübarizə aparmış separatçılar daxildən çat verib.
Kitabın Dağıstanda geniş yayıldığı deyilir. Eyni zamanda, məhdud sayda olsa da, Azərbaycanın Şimal bölgəsində də bu kitabdan var.
Kitabda xüsusi diqqətçəkən məqamlardan biri hazırda Dərbənd şəhər
icra hakimiyyətinin başçısı İmam Yarəliyevlə bağlı faktlardır. İ.
Yarəliyevin Dağıstan baş prokurorunun birinci müavini, daha sonra
baş prokuror olmasında “Sadval”ın əməyi böyük olub. Təşkilat
Yarəliyevin bu postda oturması üçün 1992-ci ildə Bakı-Rostov yolunu
təzyiq vasitəsi olaraq bağlayıbmış.
İ. Yarəliyevlə bağlı daha bir fakt da diqqətdən yayınmır. 1990-cı illərin əvvəllərində “sadval”çıların qurultayında bütün sənədləri, qətnamələri Yarəliyev hazırlayıbmış.
Qurban Qurbanovu işində “sadval” barmağı: o, sui-qəsd
hazırlayıbmış?
İ. Yarəliyev haqda ortaya çıxan faktlar hazırda həbsdə olan
Dağıstan Rayon İcra Hakimiyyətinin keçmiş başçısı Qurban Qurbanova
qarşı aparılan kampaniyanın görünməyən tərəflərini açır. Ona qarşı
qaldırılan cinayət işində iddia olunur ki, azərbaycanlı icra
başçısı 2009-2013-cü illər ərzində dövlətin balansında olan 58
hektar torpaq sahəsini qeyri-qanuni olaraq vətəndaşlara icarəyə
verib.
Lakin bu “cinayət işi”nin arxasında Dağıstanın ləzgi və avar klanlarının olduğu açıq şəkildə ortada idi. Son bir neçə ildə bu iki klan Qurbanovlara qarşı hücumu başlamışdı. Etnik klanlar hələ ötən il Qurban Qurbanovun qardaşı, Dağıstanın Azərbaycandakı rəsmi nümayəndəliyinin rəhbəri olan Maqomed Qurbanovu Azərbaycanda ləzgilərin və avarların hüquqlarını kifayət qədər müdafiə etməməkdə, Azərbaycan hakimiyyətinin maraqlarına xidmət etməkdə ittiham edirdilər. Nəticədə 2013-cü ilin mart ayında M. Qurbanov geri çağırıldı.
Qurbanov qardaşları Dağıstan prezidentinin sabiq müşaviri, Dağıstanda Azərbaycan diasporunun görkəmli nümayəndəsi, mərhum Səid Qurbanovun övladlarıdır və ailənin Bakı ilə münasibətləri hələ sovetlərin dönəmindən sıxlığı ilə seçilir.
Səid Qurbanovun ölümündən sonra onun oğulları Qurban və Maqomed Qurbanov atalarının yolunu davam etdirdilər. Onlar Bakı ilə münasibətlərini yüksək səviyyədə saxlayır, Azərbaycanın dövlət maraqlarını müdafiə etməkdən heç vaxt çəkinmirdilər. Bu isə Dağıstandakı etnik klanların heç də xoşuna gəlmirdi. Nəticədə, Maqomed Qurbanov “vuruldu”, eyni taleyi Qurban Qurbanov da yaşadı. Onun mətbuat konfransında “mənə qarşı aparılan kampaniya qardaşımın (Maqomed Qurbanov) vəzifədən çıxarılması prosesinin davamıdır” deməsi də kartları açır.
Dağıstan rəhbərliyi əvvəlcə onu istefaya çağırdı. Lakin Qurbanov “məni bu vəzifəyə xalq seçib, o da göndərə bilər” formasında cavab verdi. Səlahiyyət müddəti 2015-ci ildə bitirdi, amma rəhbərliyin planı başqa cür qurulmuşdu.
Ssenariyə görə, Qurbanov keçmiş ədliyyə naziri milliyyətcə
tabasaranlı olan Azadi Rəhimovu özünə müavin təyin etməli, ardınca
“səhhətindəki problemlərə” görə istefa verməli və gələnilki
seçkilərə qədər onun vəzifəsini Rəhimov icra etməli idi. Dirəniş
göstərdiyi üçün vəzifədən sui-istifadə maddəsi ilə həbs olundu.
Ona qarşı kampaniyada bir neçə şəxs yer alırdı.
Avanesov Aleksandr Ambarsumoviç: Ermənidir,
Dərbənd şəhər icra hakimiyyəti başçısı aparatının rəhbəri
vəzifəsini daşıyır. Şəhər icra hakimiyyətinin başçısı İmam
Yarəliyev bütün işləri onunla razılaşdırılmış şəkildə həyata
keçirir. Kremldə dayaqlara malikdir. Yerevanla sıx təmaslarda
olur.
İmam Yarəliyev: Dərbənd şəhər icra hakimiyyətinin
başçısıdır. Vaxtilə Dağıstanın baş prokuroru olub. Fəaliyyəti
dövründə Azərbaycana qarşı açıq çıxışları ilə seçilib. Qurbanovları
heç vaxt qəbul edə bilməyib. Onun məqsədi Qurban Qurbanovun yerinə
keçməkdir.
Mübariz Mursalov: Milliyyətcə ləzgidir, Dərbənd
şəhərində yaşayır. Məlumatlara görə, vaxtilə əks-kəşfiyyatçı kimi
də fəaliyyət göstərib. Sovetlərin dövründə hərbi jurnalist kimi
işləyən Mursalov ittifaq dağılandan sonra Moskvada “Lezginskiy
vesti” qəzetini buraxaraq Azərbaycana qarşı ərazi iddiaları ilə
çıxış edib.
“Loğva və tənqidçiyə cavab” kitabında yer alan İ. Yarəliyevlə bağlı
faktlar Dərbənddə Azərbaycanın “sonuncu mogikan”ının “vurulmasında”
klanların rolunu açıq şəkildə ortaya qoyur.
Ən maraqlı detal isə kitabın müəllifi H. Abdurrəhimovun Q. Qurbanovla bağlı iddiasıdır. O, 2009-cu ildə ona qarşı təşkil olunan sui-qəsdin Qurban Qurbanov tərəfindən hazırlandığını iddia edir. Bu daha çox populist iddiadır. Lakin görünür, köhnə “sadvalçı” öz kinini unutmayıbmış, Qurbanovun həbsi ilə bir növ qisasını aldı.
Asif Nərimanlı
-
Sosial16:08
Əli Əsədov yeni qərar imzaladı
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı
-
Magazin113:31
Tolik pərt etdi: "Bu da liftdə öpüşən Sabir" - VİDEO
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO