Nida.az
Narazılara “menşevik” bənzətməsi: “Onlar ciddi cəzalandırılacaq”
Müsavat Partiyasinin başqan müavini Elman Fəttah sabiq müsavatçı Əlövsət Talışxanlının “nizamnamə dərsi”nə cavab verib.
“Müsavat daxilində fraksiya məsələsi aktual ola
bilməz”
Başqan müavini Publika.az-a açıqlamasında təkcə
nizamnamədən çıxış edərək fraksiya yaradılmasına qarşı çıxmadığını
bildirib. Onun sözlərinə görə, fraksiya mahiyyət etibarilə hər
hansı partiyanın bütövlüyünə və inkişafına zərər verən məsələ
olmamalıdır: “Siyasətlə peşəkar məşğul olmaq lazımdır. Fraksiya
geniş yayılmış məsələ deyil. Bu məsələ yalnız ideoloji siyasi
xəttində fikir ayrılığı olan partiyalarda meydana çıxır. Lakin
narazılar Müsavatın vahid siyasi xətti ilə problemlərinin olduğunu
iddia etmirlər. O zaman fraksiya yaradılması məntiqə uyğun deyil.
Çünki fraksiya ilk növbədə ideoloji xəttə zidd olan məsələdir.
Narazılar kifayət qədər yaşlı insanlardır. Yəqin ki, məktəbdə
Kommunist Partiyasının tarixini oxuyublar. Kommunist Partiyasında
menşeviklərlə bolşeviklər vahid siyasi xəttə fikir ayrılığı
olduğuna görə ayrıldılar. Marks kommunizmi bütün dünya üçün nəzərdə
tutmuşdu. Bolşeviklərsə bunu dəyişdirərək bir ölkədə inqilab
etməklə sosializmi tətbiq etdilər. Yəni bolşeviklərlə menşeviklər
siyasi xəttə görə parçalandılar. Müsavatda isə belə bir situasiya
yoxdur. Heç bir narazı siyasi xəttin doğru olmadığını bildirmir,
yaxud buna əks təklif irəli sürmür. Buna görə də Müsavat daxilində
fraksiya məsələsi aktual ola bilməz. Xüsusilə nizamnamədə olmayan
bir qurumun yaradılması ilə onlar heç bir səlahiyyət əldə edə
bilməyəcək. Səlahiyyəti olmayan qurum proseslərdə necə iştirak edə
bilər? Əksinə, üzv olmasalar belə Məclisdə, komissiyalarda iştirak
etsələr daha yaxşı olar. Amma bunu istəmirlər. Onların etdikləri
cığallıqdan başqa bir şey deyil. Buna görə də fraksiya məsələsinə
yaxşı baxmırıq”.
“Bu, Əlövsət bəy kimi artıq Müsavatın üzvü olmayanlara da
şamil edilir”
E.Fəttah Ə.Talışxanlının onun haqqında “böyüdükcə Hikmət Hacızadə
olmaq şansını Zöhrab Məhərrəmli olmağa qurban verib” açıqlamasına
münasibət bildirmək istəmədiyini deyib.
“Mən başqan müavini olanda şəxsimlə bağlı heç bir ittihama, hətta
təhqirə belə cavab verməyəcəyimi elan etmişəm. Bu, Əlövsət bəy kimi
artıq Müsavatın üzvü olmayanlara da şamil edilir. Çünki Divan üzvü
və başqan müavini olmaq siyasi statusdur. Mən Müsavatda demokratik
xətti təbliğ edən şəxs olmaq istəyirəm. Bütün siyasi fəaliyyətim də
ölkədə demokratiyanın bərqərar olmasına yönəlib”, - deyə başqan
müavini qeyd edib.
Müsavatda 89 il öncəki proseslər yaşanır?
Onun fikrincə, baş verən proseslər Müsavatda parçalanmaya səbəb
olmayacaq: “Müsavat 100 ildə parçalanmayıb. Partiya yaranandan bəri
bir dəfə Hümmət partiyası ilə birləşib. Ondan sonra bir çox
problemli dövrlər olub. 1925-ci ildə indiki narazılıqlarla üst-üstə
düşən proseslər yaşanıb, 1936-cı ildə proqram və sənədlərin
qəbulunda fikir ayrılığı olub. Heç bir parçalanma baş verməyib.
Hətta Rəsulzadənin ölümündən sonra da Müsavat bütövlüyünü saxlaya
bilib. 1993-cü ildə hakimiyyətdən gedəndə də heç bir bölünmə
yaşanmadı. 1997-ci ildə ideoloji problemlər yaşandı, 2006-cı ildə
Avropa Liberal fraksiyasına qoşulanda da ciddi fikir ayrılığı baş
verdi. Amma yenə də Müsavat parçalanmadı. Müsavatın tarixi daxili
demokratik müzakirələrdən, hətta bəzən kəskin mübahisələrdən kasad
olmayıb. Lakin bütövlük həmişə qorunub. İndi də parçalanmaya
əsasları yoxdur. Baxmayaraq, kənar qüvvələr, eləcə də iqtidar bunun
üçün addımlar atıb”.
“Siyasi xəttə zidd hərəkət edənlər ciddi
cəzalandırılacaq”
E. Fəttah ciddi nizamnamə pozuntuları və ümumi siyasi xəttə zidd
hərəkətlərə yol verənlərin bundan sonra da cəzalandırılacağını
istisna etməyib. Onun sözlərinə görə, Müsavatda prinsipial
məsələlər ümumi siyasi xətlə bağlıdır: “Siyasi prinsipiallığa
xüsusi diqqət yetirilir. Partiyanın nizamnaməsi daxili idarəetmədə
ciddi sənəddir. Nizamnamə pozuntuları dəfələrlə baş verib və buna
görə xəbərdarlıqlar, töhmətlərlə yanaşı, partiyadan uzaqlaşdırmalar
da olub. Səxavət Əlisoyun partiyadan çıxarılması isə birbaşa
prinsipial siyasi xəttə zidd hərəkətə görə idi. Vaxtilə belə bir
səhvə görə Vaqif Səmədoğlu, Şirzad Əyyub kimi insanlar partiyadan
uzaqlaşdırılıb. Bundan sonra da nüfuzundan, siyasi statusundan
asılı olmayaraq, Müsavatın prinsipial siyasi xəttinə sistemli
şəkildə zidd hərəkət edənlər cəzalandırılacaq. Belə hallara qarşı
nizamnamə həmişə işə düşəcək”.
Asif Nərimanlı
-
İdman17:06
"Qarabağ"ı yıxan futbolçu İstanbul nəhənginin hədəfində
-
Sosial16:36
Güclü külək əsəcək, çaylardan sel keçəcək - XƏBƏRDARLIQ
-
Magazin116:11
Zülfiyyə Aşıq Tellini biabır etdi: “Restoranda yeyir, sonra da...”
-
Sağlamlıq15:41
Marketlərdə satılan bu yuyucu tozlar XƏRÇƏNG YARADIR
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO