Nida.az
Bakının siyasəti, Tiflisin susqunluğu və Soçi müqaviləsi: proseslər hara aparır?
Təxminən 20 gün öncə Gürcüstandan Bakının narahatlığına səbəb olacaq iddia səsləndi: Tiflis hökuməti İrəvanla Abxaziya dəmiryolunun açılmasına dair gizli danışıqlar aparıb.
Bu iddia ilə Gürcüstan parlamentinin Vahid Milli Hərəkat Partiyası
fraksiyasının azərbaycanlı deputatı Azər Süleymanov çıxış
etmişdi.
Azərbaycanlı deputat Publika.az-a açıqlamasında
danışıqların Ermənistan baş nazirinin müavini ilə Tiflis hökuməti
arasında aparıldığını bildirmişdi.
“Gizli şəkildə aparılan danışıqlarda dəmir yolunun açılması
məsələsi razılaşdırılıb. Danışıqların detalları tam məlum deyil.
Amma Gürcüstan mediası da bu haqda xəbər verib”, - deyə
azərbaycanlı deputat qeyd etmişdi.
Söhbət Ermənistanı Bakının blokada siyasətindən xilasından gedir.
Avrasiya İttifaqına daxil olan İrəvan üçün Rusiyaya çıxış demək
olar ki, qapanıb. Çıxış yolu iki cürdür. Biri İran üzərindədir,
lakin Tehranın İrəvanla münasibətlərinin nə qədər yaxşı olmasına
baxmayaraq, son dövrlər Qərblə münasibətlərinin düzəlməsi bu
marşrutu sual altına qoyur.
İkinci marşrut İrəvanın daha çox ümid etdiyi Gürcüstan
vasitəsilədir. Abxaziya dəmiryolunun açılmasına Ermənistanı
Rusiyaya birləşdirəcək əsas yol kimi baxılır.
Ermənistanı məyus edən müqavilə
Lakin noyabrın 24-də Soçidə Rusiya və Abxaziyanın separatçı rejimi
arasında imzalanmış müqavilə vəziyyəti dəyişdirir. Bu müqavilə ilə
Abxaziya bütünlüklə Moskvanın nəzarətinə keçdi. Müqavilədə iki
ölkənin birlikdə təşkil edəcəyi birləşmiş qoşun hissələrinin
Abxaziya ərazisində yerləşdiriləcəyi təsbit edilir. Birləşmiş qoşun
hissələri müqavilənin qüvvəyə mindiyi gündən bir il müddətində
yaradılmalıdır. Bəzi məlumatlara görə, Abxaziya gənclərinə Rusiya
silahlı qüvvələrində xidmət etmək hüququ verilir, onlar “birgə
qoşunlarda”, yoxsa birbaşa Rusiya ordusunda əsgərlik keçməyi özləri
seçə biləcəklər. Müqaviləyə əsasən, Abxaziya-Rusiya hərbi qüvvələrə
birləşmiş komandanlıq rəhbərlik etsə də, ali baş komandan Rusiyadan
olacaq.
Bununla yanaşı, Rusiya Abxaziyanın iqtisadi dirçəlişinə külli
miqdarda maliyyə ayıracaq, humanitar, mədəni səviyyədə əməkdaşlıq
ediləcək.
Bu Rusiyanın Abxaziyanı tamamilə ilhaqı kimi qiymətləndirilir və
son zamanlar ehtimal olunan Tiflis-Moskva münasibətlərindəki
buzların əriməsi prosesini dayandırır. Rəsmi Tiflisin verdiyi
bəyanatda da sözügedən müqavilənin Gürcüstanın tərkib hissəsi olan
Abxaziyanın Rusiya tərəfindən ilhaqı kimi qiymətləndiriləcəyi
bildirilir. Gürcüstanın Xarici İşlər Nazirliyi müqaviləni öz
ərazilərinin de-fakto anneksiyası adlandırıb. Tbilisidə müqaviləyə
etiraz olaraq 30 minlik mitinq keçirilib.
Beləliklə, Tiflisin Moskva ilə əlaqələrini tamamilə kəsəcəyi
təqdirdə Abxaziya dəmiryolunun açılması reallaşmayacaq və İrəvanın
blokadası davam edəcək.
“Tiflis Bakının qəzəbinə tuş gələcək”
Lakin Rusiyanın “Nezavisimaya qazeta” nəşri son dövrlərə qədər
rəsmi Tiflisin Abxaziya dəmiryolunun açılışına etiraz etmədiyini
xatırladır.
“Bu layihə reallaşacağı təqdirdə, Ermənistan Azərbaycan və
Türkiyənin blokadasından çıxacaq və regionda güc balansına təsir
edəcək. Xüsusilə Tiflislə Bakı arasında gərginliyin yaşanacağını da
gözləmək olar. Çünki Ermənistanın blokadan çıxmasına yardım etmək
dolayısı ilə Azərbaycan torpaqlarının işğalda qalmasına dəstək
verməkdir. Əgər Tiflis buna razılıq versə, ona müxtəlif sahələrdə
kömək edən Bakının qəzəbinə tuş gələcək”, - deyə nəşr
vurğulayıb.
Rəsmi Tiflis susur – bu, razılıq əlamətidir?
Vahid Milli Hərəkat Partiyasının üzvü, Marnueli merliyinə keçmiş
namizəd Əhməd İmamquliyev Publika.az-a açıqlamasında Rusiyanın
Abxaziya dəmiryolunun açılmasına xüsusi önəm verdiyini deyib. Onun
sözlərinə görə, məsələ ilə bağlı rəsmi Tiflisin susması diqqət
çəkir: “Ruslar demişkən, “susmaq razılıq əlamətidir”. Bu
dəmiryolunun açılması yalnız və yalnız Rusiyanın regionda
hegemonluğuna və Qafqazda yerini möhkəmləndirməsinə hesablanıb.
Burda blokadada olan Ermənistanın da maraqları böyükdür. Bu
dəmiryolu onlar üçün bir şansdır. Halbuki, dəmiryolunun açılması
Gürcüstanın ərazi bütövlüyünə ziddir. Azərbaycanınsa dövlət
maraqlarına xeyir vermir. Çünki Abxaziya dəmiryolundan sonra
Rusiyanın planında Dağıstan, Azərbaycan, Gürcüstan və Osetiya maşın
yolunun açılması var. Bu layihələr hər iki dövlətin suverenliyinə
və demokratik inkişafına zərər verəcək”.
Asif Nərimanlı
-
Hadisə18:38
Azərbaycanlı iş adamının qətlini o qadın sifariş edib? - ŞOK İDDİA
-
Hadisə18:30
Bakıda bazar yanır - FOTO/VİDEO (YENİLƏNDİ)
-
Sosial17:50
Cavanşir Məmmədov kostyumla dəfn edilib?
-
Dünya17:45
Ərdoğan bu sarayda HƏMAS lideri ilə GÖRÜŞDÜ
-
Dünya17:30
Fidan: Dünyanın ən böyük problemi ikiüzlülükdür
-
Nida Xəbər 16:10
Ceyhun Bayramov İran səfiri ilə görüşdü
-
Sosial15:10
Cavanşir Məmmədovun dəfn yeri açıqlandı
-
Hadisə14:20
Azərbaycanlı iş adamı öldürüldü