Nida.az

“İlham Əliyev və Həsən Ruhaninin görüşü ölkələrimiz arasındakı dostluğun simvoludur”

11 Fevral 2014 09:36

"Ümumilikdə mən hər iki ölkənin gələcək əlaqələrini çox aydın görürəm"

“Allaha şükürlər olsun ki, 2 müstəqil dövlət olan İran və Azərbaycan arasında münasibətlər çox yaxşıdır”- bunu İnterAz-a müsahibəsində İran İslam Respublikasının Azərbaycandakı səfiri Möhsün Pakayin söyləyib. Səfir bildirib ki, hər iki ölkə başçısı ölkələr arasında münasibətlərin daha da möhkəmlənməsi və yaranan hər hansı problemlərin həllini çox istəyirlər və buna da çalışırlar.

“Cənab İlham Əliyevlə, prezident Həsən Ruhaninin Davos görüşü ölkələrimiz arasındakı dostluğun simvoludur. Yaxın gələcəkdə biz Milli məclisin spikeri Oqtay Əsədovun İrana səfərinin şahidi olacağıq. İran və Azərbaycan xalqlarının da biri birləri ilə münasibətləri çox yaxın və səmimidir. Ümumilikdə mən hər iki ölkənin gələcək əlaqələrini çox aydın görürəm”