Nida.az
Azərbaycandan Vaşinqtona: “Soyuq başla düşünün və...” – SƏRT REAKSİYA
“Dağlıq Qarabağ münaqişəsinin həllində cavabdehliyi olan Minsk qrupunun həmsədri, həmçinin Azərbaycan ərazi bütövlüyün tanıyan BMT-nin Təhlükəsizlik Şurasının əsas üzvlərindən olan ABŞ Azərbaycana qarşı ikili yanaşmadan əl çəkməlidir”.
Bunu Publika.az-a açıqlamasında Milli Məclisin Müdafiə və
təhlükəsizlik komitəsinin üzvü, Yeni Azərbaycan Partiyası (YAP)
icra katibinin müavini Siyavuş Novruzov ABŞ Konqresində qondarma
“Dağlıq Qarabağ Respublikasının” müstəqilliyinin 22-ci ildönümünə
həsr olunmuş tədbirin keçirilməsinə və “DQR”-in “parlament sədri”
Aşot Qulyan bir sıra amerikalı siyasətçilər tərəfindən qəbul
edilməsinə münasibət bildirərkən deyib.
Tədbirin qeyri-qanuni olduğunu vurğulayan S. Novruzov baş verənləri
ABŞ-ın iç üzünün ifşası olaraq dəyərləndirib: “Amerika bir tərəfdən
Azərbaycanın ərazi bütövlüyünü tanıyır, digər tərəfdən ermənipərəst
konqresmenlərin, ümumilikdə erməni lobbisinin təşəbbüsü ilə bu cür
yanaşmalar ortaya qoyur. Bu, ədalətsiz, saxta və erməni lobbisi
tərəfindən hansısa formada maraqlandırmanın nəticəsindən ortaya
çıxan məsələdir. Görünür, şəxsi maraqlar qarşısında ABŞ
siyasətçiləri nəyə desən getməyə hazırdır. Hətta dövlət
maraqlarının əleyhinə də çıxırlar”.
Komitə üzvü Azərbaycanın antiterror əməliyyatlarında oynadığı rolu
xatırladaraq Ermənistanın heç vaxt belə bir rol oynamadığını
bildirib.
“2001-ci il 11 sentyabr hadisələrindən sonra antiterror
əməliyyatlarına dəstək verən ilk ölkələrdən biri Azərbaycan olub.
Lakin Ermənistan bu əməliyyatlara qoşulmayıb. Azərbaycan
sülhməramlıları Kosovada, İraqda, Əfqanıstanda iştirak ediblər.
Əfqanıstan proseslərində Azərbaycanın hava məkanı ABŞ üçün daim
açıq olub. Azərbaycan ABŞ-a hərtərəfli dəstəyini verib. Lakin
Vaşinqtonda bunun qarşılığını görmürük. Daim ədalətsiz mövqe,
müxtəlif QHT-lərin qərəzli bəyanatları, Dövlət Departamentinin
sözçüsünün heç bir əsası olmadan, Azərbaycanda onlara işləyən
qüvvələrin donosları əsasında verdiyi açıqlamalar, son nəticədə də
“DQR”lə bağlı tədbirin keçirilməsi, qondarma nümayəndələrin qəbul
edilməsi ABŞ-ın xarici siyasətinin bir neçə şəxsi maraqlarını güdən
şəxslər tərəfindən aparıldığını göstərir. Burda erməni lobbisinin
təhriki də aydın şəkildə özünü biruzə verir. Hesab edirəm ki,
Amerika ümumilikdə Qafqaz siyasətinə yenidən baxmalı, soyuq başqa,
ağılla və öz dövlət maraqlarını nəzərə alaraq addımlar atmalıdır.
Xristian-müsəlman yanaşması yox, insani yanaşma əsas olmalıdır.
Əgər ABŞ-ın əsas prinsipi insan haqları, demokratiyadırsa, mövcud
hakimiyyət bu prinsiplərə əməl etməlidir” , - deyə S. Novruzov qeyd
edib.
Asif Nərimanlı
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO
-
Nida Təhlil 17:11
İrəvan “Krokus”la bağlı bəyanatı rədd etdi: Kreml necə cəzalandıracaq?
-
Sosial16:58
Bu avtomobillərlə taksi fəaliyyəti göstərmək qadağan edildi
-
Sosial16:36
Azərbaycanda sayğaclar ikiqat hesablayır - ŞOK İDDİA
-
Sosial16:08
Əli Əsədov yeni qərar imzaladı
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı