Nida.az
Siyavuş Novruzov: “Müsavat çay içilən dərnəyə çevrilib” – Müsahibə
Yeni Azərbaycan Partiyasının (YAP) icra katibinin müavini, Milli Məclisin deputatı Siyavuş Novruzov Publika.az-a müsahibəsində Müsavatda baş verən prosesləri şərh edib.
- Siyavuş müəllim, Müsavatda narazılar yeni hərəkat
yaratdı. Siz qurultaydan sonra bu partiyanın parçalanacağını
deyirdiniz. Sizcə, bu artıq parçalanma deyil?
- Mən əvvəldən qurultayın yenidən keçirilməsini demişdim. Çünki bu
qurultay ədalətsiz, qeyri-demokratik və saxtakarlıqla keçirilmişdi.
Bu da partiyanın rayon-şəhər təşkilatları, partiya üzvlərinin
maraqlarını özündə əks etdirmirdi. 20 ildən artıq bir müddətdə
partiyanın inkişafına mane olan, seçkilərdə məğlub duruma salan,
dialoqdan imtina edən və digər məsələlərə əngəl törədənlər saxta
yolla rəhbərliyə seçildi. Bu adamlar partiyanı nüfuzdan salır,
daxildə qruplaşma yaradır, ümumi işi bir neçə nəfərin əlində
cəmləşdirərək, daxil olan maliyyəni mənimsəyiblər. Qurultayı
çağırmaqda məqsəd isə sadəcə yeniliyin olması idi. Lakin 10 ildən
artıq nizamnamə pozuntusuna yol verilməsinə baxmayaraq, yenilik
olmadı. Qurultayda saxtakarlıqla seçilən bu qrup Müsavatı
monopoliyada saxlamaqda davam etdilər. Bütün bu proseslər Müsavat
üzvlərinin gözü qarşısında baş verdi. Nəticə etibarilə, rayon
təşkilatları, eləcə də Müsavatı yaradan bir çox insan etiraz olaraq
istefa verdilər. Onlar yeni qurultay tələb edirlər. Mən bunu normal
qarşılayıram. Dünya təcrübəsi, xüsusilə qonşu Türkiyə təcrübəsi
göstərir ki, hansısa məsələdə razılıq yoxdursa, partiya bütövlüyü
naminə yenidən qurultay keçirilir. Özünə arxayın olan siyasi
təşkilat və onun lideri bundan çəkinməməlidir. Əgər çoxluq yenidən
qurultay tələb edirsə, buna qarşı çıxmaq nizamnamə pozuntusudur.
Lakin Müsavatı monopoliyaya alanlar yenidən qurultay olacağı
təqdirdə seçilməyəcəklərini yaxşı anlayırlar. Buna görə də
qurultaydan imtina edir və etiraz edənləri repressiv üsullarla
cəzalandırır, partiyadan uzaqlaşdırırlar. İndiyə qədər
ictimai-siyasi proseslərdə aktiv iştirak edənlər, partiya daxili
siyasi sistemi yaradanlar kənarda qalıb. Onlar hansısa formada öz
ideyalarını cəmiyyətə çatdırmağa məcburdurlar. Buna görə də yeni
hərəkatın yaranması tam zərurətdən ortaya çıxan məsələdir.
- Maraqlıdır, İsa Qəmbərin Almaniyada yaşayan qardaşı
Rövşən Qəmbər də baş verənlərlə razı deyil və yeni partiyanın
anonsunu verir.
- O, qurultayda çıxış etmək istədiyini, lakin imkan yaradılmadığını
özü deyib. Onun 2009-cu ildə partiya sıralarından çıxarıldığı
bəhanəsini gətiriblər. Amma özü 2013-cü ildə yaxşı işlədiyi üçün
Müsavatın fəxri fərmanı ilə təltif olunduğunu deyir. Deməli, təkcə
seçkilərdə yox, bir çox sahədə saxtakarlığa yol verirlər və bunlar
yavaş-yavaş üzə çıxır. Bu baxımdan baş verənlərin yeni siyasi
təşkilatın meydana çıxması ilə nəticələnəcəyini düşünürəm. Faktiki
olaraq Müsavatda nizamnamə kobud şəkildə pozulub. Rəhbər
vəzifələrində təmsil olunanların bəziləri ümumiyyətlə partiya üzvü
deyil. Sadəcə olaraq, Qərbin dəstəklədiyi, maliyyə verdiyi hansısa
QHT rəhbərləridir. Düşünürlər ki, gələcəkdə bu tipli insanlar
vasitəsilə Qərbdən maliyyə ala bilərlər. Belələrini rəhbərliyə
gətirəndə, illərdir Müsavatda fəaliyyət göstərənlər qıcıqlanır.
Buna görə də təbii olaraq hazırkı proseslər yaşanır.
- Yeni hərəkatı hazırki rəhbərlik iqtidarın layihəsi
hesab edir. Lakin hərəkatda təmsil olunan Adil Qeybulla
ictimai-siyasi proseslərdə mühüm iştirakı olmayan partiyanın
iqtidar üçün maraqlı olmadığını bildirib. Siz necə
düşünürsünüz?
- Həqiqətən də belədir. Rəhbərliyi Müsavatı çox pis vəziyyətə
salıb. Bu partiyanın hazırda Azərbaycanın ictimai-siyasi proseslərə
təsir etmək gücü sıfıra bərabərdir. Ölkədə qəzet üzərində fəaliyyət
göstərən partiyalar var. Müsavat da yavaş-yavaş belə partiyaya
çevrildi. Bələdiyyə seçkilərinə qatılmır, ictimai-siyasi həyatda
heç bir dəstəyə malik deyil. Yeni ideyalar, alternativ təkliflər
verə bilmirlər. Partiyada kadr dəyişikliyi, islahatlar yoxdur.
Müsavat beş-altı nəfərin toplaşıb çay içdiyi dərnəyə çevrilib.
- Siyavuş müəllim, Sərdar Cəlaloğlu Əli Kərimlini
müxalifətin “primadonnası” adlandırdı. Bu haqda nə deyə
bilərsiniz?
- Mən siyasətdə həmişə proqnoz vermişəm, təhlillər aparmışam. Amma
kimliyindən asılı olmayaraq heç kimi təhqir etməmişəm. Hətta düşmən
mövqeyində dayandığım adamları da. Ona görə də bu məsələ haqda heç
nə demək istəmirəm. Kim kimə nə deyir, özləri bilər.
Asif Nərimanlı
-
Magazin116:03
Məşhurlar televiziyaların paxırını açdılar: “Yatağa girib irəli gedirlər”
-
MDB15:17
İstanbul razılaşması: Moskva Kiyevə hansı zəmanəti veribmiş? - Lavrov sirri açdı
-
Nida Xəbər 15:02
Bu universitetin mətbuat katibi vəzifəsindən ayrıldı - FOTO
-
İqtisadi gündəm14:17
Azərbaycan əhalisi ərzağa bu qədər pul xərcləyir: Maaşdan yerdə nə qalır?
-
Səhiyyə13:51
Teymur Musayev əmr imzaladı - Bu uşaqlara...
-
İdman13:26
Musa Qurbanlının Messi ilə FOTOSU yayıldı: Onlar necə görüşüb?
-
İdman13:01
"Real"ı yarımfinala daşıyan Luninin memar gözəlçəsi - FOTOLAR
-
Sosial12:31
Kəmaləddin Heydərov onu yüksək vəzifəyə təyin etdi - FOTO