Nida.az
İsa Qəmbər Müsavata "çürük nar" dedi – Pərdəarxası sirlər açılır
“İsa Qəmbər getməsi ilə Müsavatda illər ərzində yaranmış “dəngələr” pozuldu və İsa Qəmbər geri dönsə belə, partiyada dağılma prosesinin qarşısını ala bilməz”.
Publika.az xəbər verir ki, Müsavat Partiyasının
üzvü, “Yeni Müsavat” qəzetinin yazarı Elibəy Həsənlinin bu
fikirləri narazılığa səbəb olub.
Müsavat başqanı Arif Hacılının qardaşı, Əhrar Partiyasının sədri
Vaqif Hacıbəyli Müsavatdakı “dəngələr”in hələ 2000-ci ildə
pozulduğunu deyib: “O vaxt partiya daxilində ilkin seçkilər
keçirilirdi. Başqanın birinci müavini çox böyük fərqlə digər
müavinə uduzmuşdu və növbəti qurultayda ilkin seçkilərin
favoritlərindən biri olan müavinə qarşı 67 nəfərlik gizli koalisiya
formalaşdırıb revanş götürmək istəmişdi. Lakin qurultaya bir gün
qalmış onun gizli siyahısı üzə çıxdı və bu plan baş tutmadı. Həmin
qurultayda çıxış edən rəhmətlik Mürşüd Məmmədli “Müsavata uzanan
qara əllər kəsilməlidir” demişdi. Qara əllər vaxtında kəsilmədi və
başlıcası Müsavat daxilindəki bu “yurdçuluq” təzahürləri vaxtında
öz siyasi qiymətini almadı.
Həmin 67 nəfərlik koalisiyadan indi Müsavatda 5-10 nəfər qalıb. Bu gün də suyu bulandıranların arxasında duran elə onlardı. Hərçənd qabağa başqa adamları veriblər. Müsavatda keyfiyyətli adamların az olması barədəki müşahidələr də yanlışdır. Biz Müsavatda keyfiyyətsiz adamın olmasının mümkünsüzlüyünü düşünürdük. Amma partiyada belə adamların olduğunu və tək olmadıqlarını görəndə bu hal müsavatsevər insanlarda xəyal qırıqlığı yaradır. Bəzən onların həddən artıq olması barədə yanlış təsəvvür formalaşdırılır. Əslində isə elə deyil. Bu günlərdə İsa bəy bu situasiyanı bəzi dostlarımızın yanında çox gözəl izah etdi. O belə ünsürləri gözəl “gülövşə” narının içinə düşən çürük nar dənələri ilə müqayisə edərək, həmin çürük dənələrin təmizlənməsinin vacib olduğunu, əgər belə olmasa, o dənələrin narı tam olaraq çürüdə biləcəyini vurğuladı. Başqa sözlə, rəhmətlik Mürşüd müəllim demişkən “qara əllər kəsilməlidir”.
V. Hacıbəyliyə görə, partiyanın bütün rəsmi strukturu istisnasız
olaraq sağlam qüvvələrin tam nəzarətindədirsə, keyfiyyətsiz
adamların partiyada çoxluq təşkil etməsinə dair mülahizə
əsassızdır: “O ki qaldı xalqımızın demokratiyaya hazır olmaması
tezisinə, bu tezis də ümumiyyətlə tənqidə dözmür. Ləyaqətlə uduzmaq
mədəniyyətinin hələ tam formalaşmaması deyilsəydi, mən bununla
müəyyən mənada razılaşardım. Demokratiyaya hazır olmaq və ya
olmamaq problemi yalnız Müsavatın qurultayı ətrafındakı olaylarla
xarakterizə edilə bilərsə, onda dünyada demokratiyaya “hazır olan”
heç bir millət yoxdur. Çünki hər yerdə seçkilərdə “qara piar” da
olur, intriqalar da, istefalar da. Bunu partiyanın dağılması kimi
xarakterizə etmək isə ən azı tezdir. Mən şəxsən hesab edirəm ki, bu
proseslərdən sonra partiya nəinki dağılmayacaq, əksinə, daha da
güclənəcək, demokratiyanın inkişafına yeni-yeni töhfələr
verəcək”.
Asif Nərimanlı
-
İdman22:04
"Qarabağ" finalda!
-
Hadisə21:49
Vətən müharibəsi iştirakçısı anasının xəstəliyini eşidib intihar etdi
-
Magazin121:05
O getdi, mən də daha yoxam! - Əməkdar artist səhnə ilə vidalaşdı
-
Sosial19:35
Özünü öldürən sabiq pediatrın iş yoldaşı DANIŞDI: “Ailə məsələsi deyil..."
-
ABŞ19:25
Bayden Ukraynaya hərbi yardım haqqında qanunu İMZALADI
-
Rəsmi xronika18:40
Prezidentlər mətbuata bəyanatlarla çıxış etdilər - FOTO/YENİLƏNDİ
-
Hadisə18:33
Bakı hava limanında həyəcan siqnalı: Təyyarə qəza enişi etdi - FOTO
-
Sağlamlıq17:27
Yapon alimləri xərçənglə mübarizə üçün unikal vasitə hazırladı