Deputat Ramil Səfərovla bağlı kampaniyanın qarşısını niyə alıb?

"Gündəlik Teleqraf"ın 19 iyun 2012-ci il tarixli sayının başyazısı "Bakıdan Aşqabada kəskin etiraz" adlanır. Türkmənistanın əldə olunmuş razılaşmanı pozaraq mübahisəli "Kəpəz" yatağında seysemik işlər aparmasına Azərbaycan kəskin etirazını bildirib.

Politoloq Zərdüşt Əlizadə qəzetə verdiyi müsahibədə bölgədəki mövcud vəziyyət, Dağlıq Qarabağ münaqişəsi, Qəbələ RLS və digər məsələlərlə bağlı sualları cavablandırıb.

"Rus zabitləri Qəbələ RLS-dən çıxarılır?" bağlıqlı yazıda isə Rusiya mətbuatında bu barədə yayılan informasiyaya Xarici İşlər və Müdafiə Nazirliklərin reaksiyası, həmçinin hərbi ekspertin şərhi yer alıb.

Başqa bir yazıda Azərbaycan Yazıçılar Birliyinin mətbuat katibi Ədalət Əsgəroğlunun şair Rüstəm Behrudinin qurum əleyhinə səsləndirdiyi fikirlərə münasibəti dərc olunub.

"Azanfilim" studiyasının direktoru Elçin Hami Axundov animasiya filmlərinin çəkilişində qarşıya çıxan çətinliklərdən danışıb.

"Deputat Ramil Səfərovla bağlı kampaniyanın qarşısını niyə alıb?" başlıqlı yazıda isə haqqında söhbət gedən millət vəkili Fərəc Quliyev bu suala cavab verib.

"Gündəlik Teleqraf"ın bugünkü sayında həmçinin "Saakaşviliyə Moldova prezidenti olmaq təklif olunub", "Hərbi prokuror hərbi cinayətlərdən danışdı", "İsa Qəmbər Tiflisə getdi", "AXCP sədrinin müavini hüquq nüdafiəçilərini qınadı" başlıqlı yazıları və maraqlı köşələri oxuya bilərsiniz.

Ömər Əmirov

Publika.Az