Nida.az
İrəvana çağırışın pərdəarxası: Bakı və Ankara nə vəd edir?
Azərbaycan, Türkiyə və Gürcüstan xarici işlər nazirlərinin dünən Qarsda baş tutan görüşündə Türkiyənin XİN rəhbəri Mövlud Çavuşoğlu Ermənistana maraqlı çağırış etdi. Türkiyəli diplomatın “Ermənistanı da öz aramızda görmək istəyirik” sözləri son proseslər baxımından diqqət çəkir.
“Ermənistan dərhal doğru yola gəlməli və sülh üçün səylərini
artırmalıdır. Buna hər kəsdən çox Ermənistanın ehtiyacı
var. Hazırda Ermənistan Azərbaycanın 20 faiz
ərazilərini işğal edib. Bu narahatçılıq yalnız Azərbaycanın qardaşı
olan bizlərdə deyil, həm də BMT-nin və Avropa Şurasının qəbul
etdiyi qərarlarda da əksini tapıb. Bütün beynəlxalq təşkilatlar
bunu söyləyir. Biz Ermənistanın Cənubi Qafqaz halqasına qatılmasını
istəyirik. Amma əvvəlcə onların qonşuları ilə olan problemlərini
səmimi şəkildə həll etməsi üçün addımlar atması lazımdır. Biz
Azərbaycanın işğal edilmiş Dağlıq Qarabağ probleminin tezliklə həll
olunmasını istəyirik. Bunun üçün də Ermənistanın qonşularının ərazi
bütövlüyünə hörmət etməsi lazımdır”, - deyə Çavuşoğlu bildirib.
Publika.az xəbər verir ki, Moskva Dövlət Universitetinin
informasiya-analitik mərkəzinin direktoru, rusiyalı politoloq
Andrey Petrov Çavuşoğlunun çağırışının Ermənistanın milli maraqları
üçün əhəmiyyətli olduğunu deyib. Onun sözlərinə görə, Ermənistanda
qatı millətçilik və işğalçılıq kimi yanlış siyasət bu ölkəni
uçuruma aparır: “Türkiyə onu düz yola çıxmağa çağırır. Əslində,
rəsmi Ankara öz maraqları baxımından Ermənistanla əməkdaşlıqda
həmişə maraqlı olub. Lakin bunun qarşısını öz rəsmilərinin də
dediyi kimi, Dağlıq Qarabağın işğalı alıb. Hətta qeyri-rəsmi
danışıqlarda, kulislərdə gedən müzakirələrdə belə Azərbaycan
torpaqlarının işğal edilməsi faktının İrəvanla əməkdaşlığa ziyan
vurduğunu, bunun üçün yalnız torpaqların azad edilməsinin əsas
olduğu vurğulanıb. Türkiyə Ermənistana bu barədə həmişə çağırış
edib. Qarsda da Çavuşoğlunun dili ilə İrəvana qurtuluş yolunun
işğalçılığa son qoyulmasında olduğu deyildi. Dağlıq Qarabağ
münaqişəsinin praktiki şəkildə nizama salınması İrəvanın üzərindən
təcavüzkar adının götürülməsi, Qafqazın iqtisadi xəritəsində
Ermənistanın regional layihələrə qoşulması deməkdir”.
Rusiyalı ekspert hazırki situasiyada İrəvanın sadəcə vaxt
itirdiyini bildirib. Lakin ekspert Ermənistanın iqtisadi inkişafı
və regional əməkdaşlığı millətçi və işğalçı siyasətinə qurban
verdiyini qeyd edib.
“Onun qonşuları Ermənistandan yan keçməklə olduqca mühüm layihələri
reallaşdırırlar. Əsas layihə olan Bakı-Tiflis-Ceyhan çoxdan
tikilib. Əsas nəqliyyat magistralı olan Bakı-Tiflis-Qars da
tikilmək üzrədir və gələn il dəmiryolunun açılışı gözlənilir.
Bundan başqa, regionun n böyük qaz kəməri olan “Cənub qaz dəhlizi”
reallaşmağa doğru sürətlə irəliləyir. İrəvan bütün bu imkanları
artıq qaçırdıb. Əgər Ermənistan işğal etdiyi torpaqları azad edərək
Azərbaycanın blokadasından qurtulsa, regionun ən böyük
infrastruktur layihələrində iştirak edə bilər. Burda Türkiyə Rusiya
ilə daha əlverişli quru əlaqəsi yarada bilərdi. Daha Gürcüstan və
İran üzərindən dolayısı yollardan istifadə etməzdi. Deməli,
dondurulmuş Qarabağ münaqişəsinin həlli regionun bütün ölkələrinə
sərf edir. Hesab edirəm ki, region ölkələri Ermənistanı da öz
aralarında görmək istəkləri haqda açıqlama verəndə heç vaxt biclik
etmir, yaxud yalan danışmırlar. Onlar həqiqətən də bunu
istəyirlər”, - deyə S. Petrov vurğulayıb.
Asif Nərimanlı
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO