Nida.az
İlqar Məmmədovun İsmayıllı hadisələrində iştirakı ilə bağlı yeni faktlar var
İsmayıllı hadisələrində təqsirləndirilən şəxslərin məhkəmə iclası davam etdirilib.
Məmmədov İlqar Eldar oğlu, Yaqublu Tofiq Rəşid oğlu, İsmayıllı
Elşən Səməd oğlu, Abdullayev Mirkazım Mirəzim oğlu, Səmədov Səxavət
Xasay oğlu, Şaranov Xəyal Sergey oğlu, Ağamalıyev Səfdər Dadaş oğlu
və digərlərinin barəsində olan cinayət işi üzrə növbəti məhkəmə
iclası bu gün Şəki Ağır Cinayətlər Məhkəməsində davam
etdirilib.
Məhkəmə prosesində iş materiallarına əlavə edilmiş sənədlər tədqiq
edilib.
İş materiallarında olan təqsirləndirilən şəxs İlqar Məmmədovun
istifadəsində olmuş mobil telefon nömrəsinə daxil olan və çıxan
zənglərin izahlı qaiməsinə baxış keçirilməsi haqqında 07.06.2013-cü
il tarixli protokol və izahlı qaimə tədqiq edilib.
Qeyd edilən sənədlər tədqiq edilərkən müəyyən edilib ki,
23.01.2013-cü il tarixdə saat 21: 30 radələrində İsmayıllı
şəhərində kütləvi iğtişaşlar başladıqdan sonra İlqar Məmmədov
23.01.2013-cü il tarixdən 24.01.2013-cü il tarixə keçən gecə saat
00: 14, 00: 58, 01: 12, 01: 19, 01: 26, 02: 38, 02: 39-da müxtəlif
şəxslərlə, o cümlədən "Real" hərəkatının üzvü Natiq Cəfərovla əlaqə
saxlayıb. Antena məlumatlarından görünür ki, İlqar Məmmədovun
telefonu 24.01.2013-cü il tarixdə saat 14: 41-də Qobustan rayonu
Qobustan şəhəri antenasında olub ki, bu fakt onun İsmayıllı
rayonuna getməsini təsdiqləyir. Saat 15: 39-da onun telefonu
İsmayıllı rayonu, Diyallı kəndində, saat 15: 46-da isə artıq
İsmayıllı şəhəri, Cavanşir küçəsi 30 saylı antenada qeydə alınıb.
Saat 15: 59, 16: 27, 16: 40, 16: 58-də İ.Məmmədovun telefonu
İsmayıllı şəhəri, Cavanşir küçəsi 30 saylı antenada, saat 18: 09-da
isə İsmayıllı rayonu, Bizlan kəndi antena dairəsində qeydə alınıb.
Saat 19: 25-də telefonun Bakı-Şamaxı yolu, Qobustan rayonu, Bederli
kəndi antenasında qeydə alınması İlqar Məmmədovun Bakı şəhərinə
qayıtmasını, saat 20: 41-də Bakı şəhəri, Yasamal rayonu 8 saylı
İSİS antenasının əhatə dairəsində olması isə Bakı şəhərinə artıq
çatdığını təsdiq edir.
Bundan başqa, baxış keçirilməsi haqqında 02.02.2013-cü il tarixli
protokoldan və ona əlavə edilmiş internet sosial şəbəkəsinin
"livejournal.com" saytında İlqar Eldar oğlu Məmmədova aid http:
/ilgarmammadov.livejournal.com/ linkindəki bloqunun, "facebook.com"
saytında "İlgar Mammadov" səhifəsindəki yazıların mətni
təqsirləndirilən şəxs İlqar Məmmədovun 24.01.2013-cü ildə İsmayıllı
şəhərində kütləvi iğtişaşları təşkil etmək və hakimiyyət
nümayəndələrinə zor tətbiq etməklə müqavimət göstərməyə yönələn
hərəkətlərini bir daha təsdiqləməklə, onun istintaqa verdiyi
ifadələrində İsmayıllı şəhərinə baş vermiş hadisələri müşahidə
etmək və təhlillər aparmaq, ictimaiyyət üçün dəyərləndirmək
məqsədilə getməsi, yerli sakinlərlə söhbət etməməsi barədə
xüsusatları birmənalı olaraq təkzib edir. Belə ki, o,
"livejournal.com" saytında ona aid olan http:
/ilgarmammadov.livejournal.com/ linkindəki bloqunda 25.01.2013-cü
il tarixdə saat 10: 39-da yerləşdirdiyi yazıda aşağıda qeyd olunan
məzmunlu mətn yazıb: "Artıq iğtişaş böhranı vəziyyətidir".
Qeyd olunan bloqa 29.01.2013-cü il tarixdə saat 23: 05-də aşağıdakı
məzmunda yazı yerləşdirilib: "Dünən gündüz iki saatdan azacıq çox
vaxt İsmayıllıda oldum. Hərəkatımızın İH icra katibi Natiq Cəfərli
və media əlaqələndiricisi Nicat Məlikovla. Əvvəlcə telefondan həmin
saatlarda Facebook-a yazdıqlarım: - şəhərə girdik. Polis çoxdur və
artır. Etirazçılar hər 1-2 saatdan bir toplaşıb çıxış edirlər. İcra
hakimiyyəti binasının qarşısındayıq. Polis bu ərazidə 500-ə qədər
olar. Yerli vətəndaşlarla söhbət edirik. İvanovkanın rusları da
bezib, etiraza dəstək üçün gəlmişlər, yolu kəsib geri göndərdilər.
Hamı gecəyə hazırlaşır. Axşam toqquşmaların yenidən başlanacağını
"Hamı gecəni gözləyir" postu formasında yazmışdım. Oradakı adamlar
deyirdilər "Axşam biz onlara göstərəcəyik, tədarük görmüşük (yəni
benzin alınıb, molotovlar üçün). Adamlar acıqlıdır. Vecsizləri və
qorxmuşları da var, amma qorxmayanlar dərindən acıqlıdırlar və
gecələr aksiyaları davam edəcəklər".
"Facebook.com" saytındakı "İlgar Mammadov" səhifəsinə baxış zamanı
iş üçün əhəmiyyət kəsb edən onun tərəfindən yazılaraq paylaşılmış
aşağıdakı statuslar müəyyən edilib: 24.01.2013-cü il saat 01: 47-də
"Ölkədə iş elə yerdədir ki, kibriti hansı icmaya, topluma, sosial
qrupa yaxın gətirirsən o dəqiqə alovlanır". 24.01.2013-cü il saat
01: 07-də "Quba hadisələrinə dair Real hərəkatının hansı tələbləri
yerinə yetirildi ki, İsmayıllıda xalq üsyan etməsin?".
Təqsirləndirilən şəxs İlqar Məmmədov tədqiq edilən sənədlərdə
yazılan mətnlərin onun tərəfindən yazıldığını, lakin istintaq
orqanı həmin mətnləri tam əks etdirmədiyini bildirib.
Məhkəmə prosesi 12 fevral 2014-cü il tarixdə, saat 10: 00-da davam
etdiriləcək. /Trend/
-
MDB21:50
95 yaşlı diplomat öldü
-
Nida Xəbər 21:20
Sərhədin delimitasiyası başladı: İrəvan dərhal Tehrana hesabat verdi
-
Magazin120:59
Dilarə səhnə geyimi ilə gündəm oldu - VİDEO
-
Elm və təhsil20:40
Buraxılış imtahanının nəticələri açıqlandı
-
Ekologiya18:49
Hava şəraiti kəskin dəyişəcək - XƏBƏRDARLIQ
-
Avropa18:38
İranın Parisdəki konsulluğuna partlayıcı ilə daxil olan şəxs SAXLANILDI
-
Region17:53
Əcnəbilərə sertifikatları pulla satan rektor işdən çıxarıldı
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır