• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

Millət vəkili NATO nümayəndəsindən cavab tələb elədi

  • Nida.az
  • 8 İyun 2012 12:39
  • 151 Baxış
Millət vəkili NATO nümayəndəsindən cavab tələb elədi

Millət vəkili Fazil Mustafa NATO-nun Cənubi Qafqaz bölgəsində ümumi bir nümayəndəliyinin fəaliyyəti göstərməsinə etiraz edib.

Publika.Az-ın verdiyi xəbərə görə, o, "Azərbaycan və NATO əlaqələri Çikaqo sammitindən sonra. Perspektivlər üçün yeni imkanlar" adlı beynəlxalq konfransda qeyd edib ki, Cənubi Qafqazın hər üç ölkəsi müxtəlif standartlara cavab verir.

Fazil Mustafanın fikrincə, Azərbaycan, Gürcüstan və Ermənistanda NATO-nun ayrıca nümayəndəlikləri olmalıdır: "NATO Gürcüstanın işğala məruz qaldığını qəbul edir. Bundan fərqli olaraq Azərbaycanın işğala məruz qalmasına və Ermənistanın işğalçı siyasətinə biganədir. Belə olan halda təşkilatın üç ölkədə bir nümayəndəliyi necə fəaliyyət göstərə bilər?"

Millət vəkili tədbirdə iştirak edən NATO-nun Cənubi Qafqaz üzrə nümayəndəsi Vilyam Lahuenin bu məsələyə münasibət bildirməsini istəyirb.

NATO nümayəndəsi isə deyib ki, bu məsələdə təşkilatın üzvü olan 28 ölkənin razılığı lazımdır:

"Onların bu regionda maraqları eyni deyil. Hər üç ölkə nümayəndəliyin açılması üçün onları razı salmaq lazımdır. Burada həm də maliyyə məsələsi var. 2010-cu ilə kimi heç ümumi nümayəndəlik də fəaliyyət göstərmirdi".

Tədbirin fasiləsində millət vəkili Publika.Az-a açıqlamasında cavabdan razı qalmadığını bildirib: "Hesab edirəm ki, bu bir bəhanədir".

Ömər Əmirov

Publika.Az

Xəbər lenti

DAHA ÇOX XƏBƏR