Nida.az
“İnqilab ixracatçısı”nın Bakıdakı “qürubu” – onlar məğlub oldu
Dünyada “inqilab ixracatçısı” kimi tanınan Corc Sorosun rəhbərlik etdiyi “Soros” fondunun Bakı nümayəndəliyinin ofisi ləğv edilib.
Vəkil Elçin Sadıqov Publika.az-a açıqlamasında
bildirib ki, ACİYF-in (Açıq Cəmiyyət İnstitutuna Yardım Cəmiyyəti –
Soros Fondu - red) Azərbaycan nümayəndəliyinin ləğv edilməsi ilə
bağlı işlərə başlanılıb: “Ləğvetmə işlərini aparmaq ACİYF-in
etibarnamə əsasında nümayəndəsi kimi mənə həvalə edilib. Fond
Azərbaycanın həmişə dost ölkə olduğunu, bu müddət ərzində ölkədə
təhsilin, medianın və hüququn aliliyinin təmini üçün çalışdığını
bəyan edir. ACİYF-nin məqsədi Azərbaycan dövlətinin və cəmiyyətinin
rifahı olub. Bu məqsədlə müxtəlif dövlət qurumları, kommersiya və
qeyri-kommersiya təşkilatları ilə əməkdaşlıq edib. ACİYF Azərbaycan
nümayəndəliyinin işçiləri və ofisi yoxdur, ofis boşaldılıb. Ümid
edirik ki, son günlər mətbuatda ACİYF-in Azərbaycandakı
nümayəndəliyi ilə bağlı əsassız fikirlər və məlumatlar ciddi qəbul
edilməyəcək, başladılan proseslər hüququn aliliyi çərçivəsində həll
ediləcək”.
Vəkil fondun Azərbaycandakı nümayəndəliyinin 2010-cu ildən
fəaliyyətini dayandırdığını bildirib. Onun sözlərinə görə, indiki
prosedur tam hüquqi prosedurdur və söhbət qeydiyyatın, yəni hüquqi
şəxsin ləğvindən gedir.
“Əmlakla bağlı məsələ barədə mənə etibarnamə verilməyib. Fondun
Azərbaycanda daşınmaz əmlakı olmalıdır. Lakin bu haqda dəqiq
bilmirəm. Hazırda beynəlxalq təşkilatların Azərbaycandakı
nümayəndəlikləri, o cümlədən fondla bağlı da istintaq aparılır.
Açıq Cəmiyyət İnstitutu Yardım Fondunun Baş Ofisi düşünür ki,
məsələ hüququn aliliyi çərçivəsində həll olunacaq”, - deyə o
bildirib.
2010-cu ilə qədər fondun İdarə Heyətinin rəhbəri olmuş politoloq Zərdüşt Əlizadə Publika.az-a açıqlamasında Bakı ofisinin 2011-ci ildə bağlandığını bildirib. Onun sözlərinə görə, nümayəndəlik “Turan” İnformasiya Agentliyinin rəhbəri Mehman Əliyevin sədrliyi dövründə qapanıb: “Mən 2005-ci ildən 2009-cu ilə qədər İdarə Heyətinin sədri olmuşam. 2011-ci ildə fondu tədricən bağladılar. Əvvəlcə bircə səhiyyə proqramının işi davam etdirildi. Başa çatmayan layihələrlə əlaqədar bir neçə nəfər işdə saxlanılmışdı. Həmin proqram sona çatandan sonra “Soros” tamamilə bağlandı və bütün işçilər azad edildi. 2010-ci ildən sonra binada bir müsahib, bir mühafizəçi qalmışdı. Faktiki olaraq işləmirdi. Məndə olan məlumata görə, onun binasını söküb yerində yenisini tikiblər. Fondun Azərbaycandakı işləri kənardan idarə olunurdu və İşçi Qrupu səviyyəsində iş görülürdü. Ola bilsin, indi hüquqi baxımdan ləğv edilib”.
Z. Əlizadə fondun bağlanma səbəbinin ona bəlli olmadığını
deyib.
“Bu, Corc Sorosun şəxsi ofisi idi. Kefi belə istədi və etdi.
2011-ci ildə fondun regional koordinatoru Bakıya gəlmişdi və
bizimlə görüşüb vəziyyəti öyrənmək istədi. Biz də heç nəyin
dəyişmədiyini dedik. Məsələ belə də qaldı”, - deyə o bildirib.
Xatırladaq ki, “Soros” Fondu Azərbaycanda 2011-ci ildə bağlanıb və buna səbəb kimi fonddakı korrupsiya faktları göstərilib.
Lakin bununla yanaşı, fondun Azərbaycanda əsas fəaliyyəti haqda bir
çox iddialar var idi. İddialara görə, fond ölkədə “inqilabçılar”ın
yetişdirilməsi ilə məşğul olub. Fondun 2002-ci ildən 2014-cü ilə
qədər müxalifətyönümlü QHT-lərə 25 milyon dollardan çox pul
ayırdığı deyilir. Corc Sorosun Gürcüstan, Ukrayna və bir çox
inqilablarda iştirakı haqda ciddi faktlar var.
Yaşıllar Partiyasının sədri Mayis Güləliyev Publika.az-a
açıqlamasında “Soros” fondunun Azərbaycan müxalifətinə ciddi dəstək
verdiyini bildirib.
“Ümumiyyətlə, bu fonda post-sovet məkanında “qızıl gül”, “məxməri”,
“narıncı” inqilablarda iştirak edib. Hətta “Soros” fondunun
qloballaşma ilə bağlı hesabatında açıq şəkildə yazılıb ki, “əgər
hökumət bizimlə əməkdaşlıq etmək istəmirsə, müxalifət qüvvələrini
maliyyələşdirməklə onlardan təzyiq vasitəsi kimi istifadə
olunmalıdır”. Aşkar şəkildə qeyd olunub. Bu, fondun əsl məqsədindən
xəbər verir”, - deyə o bildirib.
Asif Nərimanlı
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO
-
Magazin208:36
Kristofer Nolan cəngavər olacaq, xanımı isə... - FOTO
-
Ekologiya07:17
Bu günə olan hava PROQNOZU - 20 dərəcə isti
-
Magazin206:16
Leonardo Di Kaprio ilə sevgilisi arasında NƏ BAŞ VERİR?
-
Səhiyyə05:15
Ömrü uzadan pəhriz sınaqdan UĞURLA ÇIXDI
-
Avropa03:43
Meqan Markl Keyt Middltonun xəstəliyindən necə istifadə etdi? - ŞOK DETALLAR