• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

Elman Abdullayev Ramin Mehmanpərəstin ifadəsinə münasibət bildirib

  • Nida.az
  • 30 May 2012 18:45
  • 131 Baxış
Elman Abdullayev Ramin Mehmanpərəstin ifadəsinə münasibət bildirib

İran Xarici İşlər Nazirliyinin sözçüsü Ramin Mehmanpərəst mayın 29-da keçirdiyi mətbuat konfransında Azərbaycan dövləti və ya Azərbaycan Respublikası əvəzinə “Bakı dövləti” ifadəsi işlədib.

Ramin Mehmanpərəst deyib: “Müqəddəslərə hörmətsizlik etməyə kimsəyə əsla icazə verməyəcəyik, Bakı dövləti maksimum səy göstərməli, belə hərəkətlərə kəskin münasibət bəsləməli və onun səbəbkarlarını mühakimə etməlidir”.

Ramin Mehmanpərəstin ifadəsi olan mətn İranın Azərbaycandakı səfirliyinin rəsmi saytında da yerləşdirilib. Mətbuat konfransı barədə materialda iki yerdə “Bakı dövləti” ifadəsi işlənir.

Publika.Az -ın əməkdaşı mayın 30-da Azərbaycan Xarici İşlər Nazirliyinin mətbuat xidmətinin rəhbəri Elman Abdullayevlə əlaqə saxlayıb Ramin Mehmanpərəstin aşağılayıcı ifadəsinə münasibət öyrənib.

Elman Abdullayev bunu Ramin Mehmanpərəstin savadsızlığı ilə əlaqələndirib:

“Görünür, Ramin Mehmanpərəst ölkələrin adlarını dəqiq, yaxşı bilmir. Onun Azərbaycan dövlətini Bakı dövləti adlandırmasının da bundan irəli gəlməsi mümkündür”.

Səxavət

Publika.Az

Xəbər lenti

DAHA ÇOX XƏBƏR