• USD 1,7369 0,00% EUR 1,8716 0,00%
    • GBP 2,1974 0,00% RUB 0,0274 0,00%

Deputat: “Sifarişlə danışmırıq, öz sözümüzü deyirik”

  • Nida.az
  • 30 May 2012 16:30
  • 134 Baxış
Deputat: “Sifarişlə danışmırıq, öz sözümüzü deyirik”

“Milli Məclis üzvlərinin hakimiyyətin sifarişi ilə danışması haqqında səslənən fikirlərin, iddiaların heç bir həqiqət yükü yoxdur”. Milli Məclisin deputatı Elton Məmmədov Publika.Az-a belə deyib.

Politoloqlar Zəfər Quliyev və İlqar Məmmədov mətbuata açıqlamalarında millət vəkillərinin öz sözlərini demədiklərini, iqtidarın sifarişi ilə İranı və Qərb ölkələrini ittiham etdiklərini söyləyiblər.

Millət vəkili Elton Məmmədov isə politoloqların bu fikirlərini əsassız adlandırır: “Görünür onlar ciddi politoloq deyillər ki, bu cür mənasız iddialar səsləndirirlər. Dünyada gedən ciddi siyasi proseslər fonunda diqqəti bu kimi mənasız məsələlərə yönəltmələri onlar haqqında hər şeyi deyir.

Azərbaycanda hər kəsin sərbəst şəkildə fikirlərini ifadə etmək hüququ var, bu deputatlardan da yan keçməyib. Heç kəs deputata nəyisə diktə edə bilməz. Bu mənada ali qanunverici orqanda təmsil olunan deputatlara icra hakimiyyəti orqanlarından sifariş gəlməsi haqqında fikirlər absurddur.

Sadəcə Azərbaycanda hakimiyyət qolları arasında uğurlu əməkdaşlıq formulu var”.

Azər Niftiyev

Publika.Az

Xəbər lenti

DAHA ÇOX XƏBƏR