Prezident QHT-lərə Dəstək Şurasına üzvlər təyin etdi

Prezident İlham Əliyev Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasına üzvlərin təyin edilməsi haqqında sərəncam imzalayıb. Publika.Az xəbər verir ki, sərəncamla şuraya aşağıdakı şəxslər üzv təyin olunublar:

Dövlət orqanlarından

Süleymanov Tahir Veys oğlu –

Azərbaycan Respublikası Prezidenti Administrasiyasının İctimai-siyasi məsələlər şöbəsinin müdir müavini;

Məmmədov İlqar Kamil oğlu -

Azərbaycan Respublikası Ədliyyə Nazirliyinin Qeydiyyat və notariat baş idarəsinin rəisi

Məcidli Vüqar Sabir oğlu -

Azərbaycan Respublikası Maliyyə Nazirliyinin Sosial sahələrin maliyyəsi şöbəsinin müdir müavini

Qeyri-hökumət təşkilatlarından

Quliyev Azay Əjdər oğlu -

Azərbaycan Milli Qeyri-Hökumət Təşkilatları Forumunun nümayəndəsi

Məmmədov Sahib Məlik oğlu -

Vətəndaşların Əmək Hüquqlarını Müdafiə Liqası İcraiyyə Komitəsinin sədri

Mirzəzadə Rəna Rza qızı -

Gender və İnsan Hüququ Araşdırma Birliyinin sədri

Qədirov Vüqar Kərim oğlu -

Azərbaycan Qaçqın və Məcburi Köçkün Gənclər Təşkilatının sədri

Vəliyeva Dilarə Hətəm qızı -

"Mülk" İctimai Assosiasiyasının prezidenti

İsmayılov Şahin Əmir oğlu -

Azərbaycan Tələbə Gənclər Təşkilatları İttifaqının sədri

Hüseynova Gülnarə Alxas qızı -

Hemofiliyalı Xəstələrin Respublika Assosiasiyasının prezidenti

Nuriyev Əliməmməd Mali oğlu -

"Konstitusiya" Araşdırmalar Fondunun prezidenti

Sərəncamın digər bəndi ilə "Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının üzvlərinin təyin edilməsi haqqında" 2008-ci il 16 aprel tarixli sərəncam ləğv edilib.

"Mediaforum" saytının məlumatına görə, dövlət başçısı şuraya 2008-ci ildə təyin etdiyi üzvlərdən yalnız birini dəyişib. Deputat Ceyhun Osmanlının yerinə Azərbaycan Tələbə Gənclər Təşkilatları İttifaqının sədri Şahin İsmayılov təyin olunub.

Ceyhun Osmanlı QHT-lərə Dövlət Dəstəyi Şurasına "İrəli" İctimai Birliyinin sədri kimi təyin edilmişdi. O, "İrəli"nin sədri postundan bu yaxınlarda istefa verib.

Publika.Az