Nida.az
Qərb Bakı qazı üçün səfərbər olunur – illüziya, yoxsa reallıq?
Moskvanın “Cənub axını”ndan imtinasından sonra Avropa Birliyi təbii qazın alternativ təchizatçısı olan Azərbaycanla əlaqələri intensivləşdirib. Bu fonda avropalı məmurların Bakıya tez-tez baş çəkməsi diqqət çəkir.
Publika.az xəbər verir ki, Almaniyanın “Spiegel”
nəşri Avropa Birliyinin Azərbaycan qazının çatdırılması üçün
nəzərdə tutulan TAP kəmərinin ötürmə qabiliyyətini genişləndirmək
niyyətində olduğunu yazır. Kəmərin gücü ikiqat artırılacaq. Lakin
Bakının başqa fikirdə olduğu deyilir. Belə ki, Azərbaycan tərəfi
öncə TAP-ın əsas hissəsi olan TANAP-ın genişləndirilməsinin
tərəfdarıdır.
“Spiegel” Azərbaycan Prezidenti İlham Əliyev, Türkiyənin energetika
naziri Taner Yıldız və Avropa Birliyinin enerji məsələləri üzrə
komissarı Maroşa Şefçoviçin görüşündə TANAP-ın ötürücü
qabiliyyətinin 20 milyard kubmetrə qədər genişləndiriləcəyinə dair
razılıq əldə edildiyini iddia edib.
M. Şefçoviç kəmərin gücünün artırılması üçün bütün imkanların
olduğunu və tərəflərin bu layihənin 2019-cu ildə başa çatacağına
əmin olduqlarını bildirib.
Rusiyanın “Nezavismaya qazeta” nəşri isə Avropanın gələcək
təhlükəsizliyi üçün bütün imkanlara əl atdığının yazıb. Daha sonra
nəşr “Spiegel”in iddialarına cavab olaraq Azərbaycan energetika
naziri Natiq Əliyevin fikirlərinə yer ayırıb.
“TANAP Azərbaycanın təşəbbüsü ilə həyata keçirilən layihədir. Bu
layihə hazırlanan zaman onun ötürmə qabiliyyəti, büdcəsi, kapital
qoyuluşu və başqa məsələlər müzakirə edilib və nəzərə alınıb.
Hazırda TANAP layihəsi “Şahdəniz” yatağının ikinci mərhələsi üçün
nəzərdə tutulub. Əgər 2021-ci ildə “Abşeron” yatağı istifadəyə
verilərsə və ARDNŞ-ın işlədiyi yataqlarda hasilat artırılarsa, yeni
kəşf olunan yataqlar işə salınarsa, o zaman ötürmə gücü artırıla
bilər. Gələcəkdə bu kəmərin ötürmə gücünü 35 milyard kubmetrə, bəzi
hesablamalara görə, 65 milyard kubmetrə çatdırmaq mümkündür. Ancaq
bu o demək deyil ki, biz bunu etməliyik. Bu məsələ istəkdən əmələ
gəlmir. Bunun üçün resurs, qazın həcmi lazımdır. Bu gün bu barədə
danışmaq ciddi sayılmaz”, - deyə azərbaycanlı nazir vurğulayıb.
“NQ” isə Avropanın bütün gücünü səfərbər etdiyini qeyd edib. Nəşr
Qərbdə Xəzər qazına ciddi ehtiyacın olduğunu yazıb.
“Avropa, güman ki, boru kəmərlərinin genişləndirilməsində
maraqlıdır. Bu kəməri Bakı qazı tam olaraq doldura bilməsə də, Qərb
özlüyündə alternativlər axtarır. Ən real alternativ türkmən qazının
Xəzərin dibi ilə gətirilməsidir. Bu, hələlik illüziya olaraq qalır.
Lakin niyyətlər var və TANAP-ın ikiqat genişləndirilməsi ilə bağlı
fikirlər yersiz olaraq ortaya çıxmayıb. Ola bilsin ki, ortada dəqiq
heç nə yoxdur. Amma perspektiv olaraq bu, Qərb üçün cəlbedici
görünür”, - deyə nəşr bildirib.
Asif Nərimanlı
-
Magazin122:48
Məşhur xanəndə ONLARI QINADI: "Bu saat necə gəldi geyinirlər" - FOTO
-
Səhiyyə22:36
Ürək ritminin pozulmasının YENİ TƏHLÜKƏSİ: Hər beşinci insan...
-
Magazin122:12
Həbsxanada evlənən müğənni: “Heç kimin bacarmadığını etmişəm” - FOTO
-
Region21:48
Türkiyədəki dağıdıcı zəlzələnin görüntüsü yayıldı: yaralılar var - VİDEO
-
Elm və təhsil21:24
Dövlət məktəblərində servis xidməti yaradılır? - RƏSMİ / VİDEO
-
Gözəllik21:12
Süni intellekt gözəli 20 min dollar MÜKAFAT ALACAQ
-
Magazin121:00
Xoşqədəm ötən gün vəfat edən Hadı Rəcəblidən danışdı: "Gördünüzmü?..."
-
Avropa20:12
Göyərtəsində sərnişinlərin olduğu təyyarəni İLDIRIM VURDU