Nida.az

“Bu cür hallar bizi ruhdan salmamalıdır” – YAP-dan futbol AÇIQLAMASI

17 Dekabr 2014 16:24

Hakim Yeni Azərbaycan Partiyasının (YAP) icra katibinin müavini, Milli Məclisin deputatı Siyavuş Novruzov Avroliqanın "İnter"lə son oyununda "Qarabağ" futbol klubunun hakimlərin haqsızlığı ilə üzləşməsinə münasibət bildirib.

YAP-çı deputat S.Novruzov Publika.az-a açıqlamasında deyib ki, “Qarabağ” futbol komandasına qarşı edilən ədalətsizlik birinci dəfə deyil: “Əgər bu ədalətsizlik olmasaydı, təbii ki, “Qarabağ” növbəti mərhələyə çıxacaqdı. Çox təəssüflər olsun ki, biz burada da ikili standartların nəticəsini gördük. Hakimin verdiyi qərarla yan hakimin qərarı arasında ziddiyyət yarandı və sonda əsas hakim yan hakimin qərarını qəbul etdi. Hesab edirəm ki, biz mübarizəmizi daha da gücləndirməliyik. Bu cür hallar bizi ruhdan salmamalıdır, əksinə, biz daha da güclənməliyik və bu cür ədalətsizliyə qarşı mübarizə aparmalıyıq”.

Vasif Həsənli